دقيقة حداد

  1. افتراضي دقيقة حداد

    دقيقة حداد


    بعد ان تناول فطاره وجعل ينظف بنفسه حجر المعسل من اثر الفحم
    واخرج من جيبه حصوة صغيرة ووضعها فى فتحة الحجر وكرس المعسل
    عليه من الصنف الذى يشربه اعطاه لصبى القهوة ليضع على الحجر النار
    بالماشة بعد ان غسل برطمان الشيشة وغير مائها هكذا عادة المعلم عاشور
    صاحب عدة عربيات نصف نقل وقمسيونجى النقل على القهوة
    يشرف بنفسه على تنظيف الشيشة التى يستعملها
    وبعد ان مصمص بشفتيه فى مبسم اللى حتى اشتعل المعسل شد نفسا كبيرا
    ونفخه فى باب القهوة فتصاعد ثقيلا كالغمام وتبعه باخر ..فجعل
    الزبون الجالس بجواره والذى كان يقرا فى الجرنال يطوي جرناله ويستعمله
    كالمروحة ليهش به الدخان وهو متافف..
    شرب شفتة شاى وهو يبتسم ابتسامة خفيفه وساله
    ازاى الحال
    الحمد لله
    نعم الحمد لله كل وقت
    انا باسال ازاى الحال فى الجرنال
    زى ما هوه
    يعنى ايه
    مافيهش حاجة
    الحكومة ما عملتش حاجة
    بخصوص ايه
    بخصوص حادثة البدرشين
    عملت
    عملت ايه
    عملت حادثة ثانية
    فين
    فى ارض اللواء
    سكة حديد برضو
    ايوه قطر ضرب عربية اجرة
    ومات فيها حد
    طبعا هوه القطر بيسمى
    اربعة بعيد عنك ماتوا
    طب وبعدين
    وعمارة فى الاسكندرية من ثمان ادوار وقعت
    النهارده برضو
    وفيها ضحايا
    طبعا
    والمسؤلين
    مسؤلين مين يا عم بيقلولك ان صاحبها بناها بدون ترخيص
    ثمان ادوار واربعة وعشرين شقة بدون ترخيص
    طب كانوا فين
    كانوا معتصمين علشان الحوافز
    والحكومة ما عملتش حاجة برضو
    لا.. عملت..
    لقيت.. حل ..
    اخيرا لقيت حل
    يا مسهل.. خير..
    كل اجتماع للحكومة تقف دقيقة حداد على ارواح الضحايا
    يعنى زى لعيبة الكورة...
    ايوه.. بالظبط..
    ما جابيتش حاجة من عندها
    نادى على صبى القاهوة خد يا بنى الشيشة الحكومة سدت نفسى
    وهات لنا اثنين قهوة سادة
    كلماتى وبقلمى
    محمد جادالله محمد الفحل

  2. افتراضي

    سلمت اناملك الندية على جمال ذائقتك
    دائما تبهرنا بمواضيعك البراقة
    متلهفين لابداعاتك القادمة
    لك أطيب السلام..وازكى الاحترام .،
    تقبل مروري
    د. السيد عبد الله سالم
    المنوفية – مصر

  3. افتراضي

    جزيل شكرى وامتنانى لك يا دكتور سيد سالم
    لمرور حضرتك الكريم ولكلامك الجميل

المواضيع المتشابهه

  1. صور اشياء دقيقة
    بواسطة More في المنتدى منتدى الفنون - رسم - تصوير - تصميم
    مشاركات: 3
    آخر مشاركة: 07 - 05 - 2011, 10:49 PM
  2. حقيقة الايمان بالله !
    بواسطة عارض ازياء في المنتدى المنتدى الاسلامى
    مشاركات: 0
    آخر مشاركة: 07 - 12 - 2010, 10:13 PM
  3. هذه الصور حقيقة ولا خيال
    بواسطة كنوز في المنتدى منتدى غرائب وعجائب العالم
    مشاركات: 3
    آخر مشاركة: 22 - 03 - 2010, 11:09 AM
  4. صور دقيقة عالية الجودة
    بواسطة More في المنتدى منتدى الصور المتنوعة
    مشاركات: 21
    آخر مشاركة: 14 - 10 - 2009, 11:00 PM
  5. الغولة حقيقة مش خيال !!!!!!!!!!!!
    بواسطة كابي في المنتدى منتدى الصور الطريفة والنكت والطرائف
    مشاركات: 7
    آخر مشاركة: 26 - 05 - 2007, 08:18 PM