هل اعتذار الرجل للمرأه ينقص من قدره؟

  1. Thumbs up هل اعتذار الرجل للمرأه ينقص من قدره؟

    هذا موضوع جميل وبه

    سؤال سالته كتير..

    وأختلفت الإجابات

    وتباينت .. الأراء ..

    هل إعتذار الرجل للمرأة ... ينقص من قدره ؟؟

    هل يمنعه غروره من الإعتذار ؟؟

    وهل يختلف الرجل الشرقي عن غيره في درجة الحساسيه لهذه الكلمه !!

    وأعني هنا إعتذار الحبيب لمحبوبته ..

    نحن نعلم أن المرأة بطبعها رقيقة المشاعر .. سهلة الانكسار

    وأي كلمه قد تؤثر عليها .. بل قد تقتلها

    تجرحها .. وتؤلمها

    وقد لا تسامح من أساء إليها

    ولكن عندما يقول لها الرجل ... أنا أسف .. أعذريني ياحبيبتي

    فانها قد تنسى كل شئ .. وقد تغفر أي شئ

    ولكن يبقى السؤال

    مالذي يحس به الرجل عندما يعتذر !!

    وهل يعتبر أن اعتذاره هو بمثابة الإهانه له !!!!

    وهل يجب أن يعتذر بالكلام .. أم أن هناك أشياء اخرى تحل محل الكلمات ؟؟

    ارجو من الجميع الرد

  2. افتراضي

    بصي يا سارة انا عن نفسي لو اناغلطان مع أي حد مش شرط واحده انا مرتبط بيها

    مش عيب ابدا اني اعتذر

    لأن باعتذاري ده اكون قفلت باب الشيطان ممكن يدخل بيني وبين الشخص ده عن طريقه

    اللهم باعد بيننا وبين الشيطان كما باعدت بين المشرق والمغرب

    وعلي فكرة حتي لو كان الشخص ده ميهمنيش وانا غلطت فيه لازم اعتذر له وابوس ايده كمان
    لو لزم الامر عشان يسامحني في الدنيا بدل ما ياخدها حسنات في الأخرة

    بس بصراحه لو لبنت ممكن الجا لاي وسائل تانيه غير الاعتذار الصريح لكن لو كل الابواب
    مقفوله ومفيش حل غير الاعتذار يبقي امري لله اعتذر


  3. افتراضي

    بس انتوا كده فعلا بتردوا على السوال بطريقه غير مباشره
    انكم مش بتعتذروا للمراه إلا قليل جدا جدا
    يا ترى ده علشان بتحسوا انه بيقلل من كرامتكم ولا ايه؟؟؟؟؟؟؟؟؟؟؟؟؟؟؟؟؟؟


    وانا عن نفسى بقدر جدا الرجل اللى بيكون اول طريق له لو زعل انسانه مرتبط بيها انه يعتذرلها

  4. افتراضي

    اولا الموضوع جميل جدا فعلا
    فكرته لذيذه اوي
    اهنيكي عليه
    بصراحه اول مره اتسال السؤال ده
    اللى انا شايفه
    الاعتذار عمره ما كان عيب ولا عمره ما انقص من قدر اي انسان
    العيب اني اغلط في حق حد او اهين حد وما اعتذرشي
    انا هاتكلم عن نفسي
    لو غلط في الانسانه اللى بحبها وما حاولتش ارضيها ولو حتى باعتذار يبقى انا ما استحقهاش
    الاعتذار في الحاله دي اقل شئ ممكن يتعمل
    انا مش شايف انو شئ مهين للرجل انو يعتذر
    ولو البعض شايف انو مهين ليه انو يعتذر يبقى ده سبب اقوى انو يعتذر فعلا
    لانه بكده مش هايكرر الغلط ده تاني عشان ما يقفشي الموقف ده تاني ويحس بالاهانه
    يبقى هايحافظ عليها وعلى نفسه
    الحقيقه الوحيده في حياتنا هي الحب لازم نحافظ عليها
    شكرا يا سماح للمره التانيه

  5. افتراضي

    موضوعك جميل جدا جدا يا سماح طبعا زي ما انا متعود بكون صريح في ردودي
    انا كنت من الناس اللي كرامتي فوق كل اعتبار يعني بنت او ولد بيكون صعب عليا
    اعتذر عن حاجه انا عملتها طبعا بكون والله زعلان اني غلطت في حق حد وكنت
    بقعد احاول اعتذر بس بيكون صعب عليا فكنت بعتذر بطريق غير مباشر بصراحه
    اذا كان للولد او للبنت بس ده كان في مرحله سنيه معينه وبعد ما دخلت الكليه
    طبعا الحمد لله ممكن نقول طورت من نفسي كتير وبقي موضوع اني اعتذر
    لبنت او لولد امر طبيعي وهو فعلا شيء لا ينقص من كرامة الرجل شيء
    بس عايز اوضح نقطه الرجل لا يملك شيء اعز من كرامته يعني اظن ان في
    ناس كتير اوي ممكن تضحي بحجات مهمه جدا صداقات علشان كرامتهم بس
    طبعا مش تصرف صحيح بس دي طبيعة الانسان بصفه عامه وممكن تكون
    موجوده في البنات برضه بس بتكون بنسبه كبيره في الرجاله وشكرا


    الجنيرال

  6. Smile

    اولا انا عايزه اشكرك يا تيتو انت والجنيرال على ردكم
    وكمان يا جنيرال انا تقريبا كنت برده نادر اوى لما بعتذر لحد حتى لو كنت غلط اوى وخصوصا لو كان ولد مش بنت وطبعا دى كانت حاجه بتضايقنى اوى
    وبجد حاجه جميله اوى انك تحاول تغير من نفسك
    وانا مبسوطه اوى من رايكم لانى نادر اوى لما بسمع راى زى رايكم
    واعرف علاقات كتير استمرت سنين واللى خلاها تنتهى عدم الاعتذار
    ومرسى مره تانيه على ردكم الجميل

  7. Lightbulb

    مش عيب انك تعتذر لو غلطان
    لكن العيب انك تتمادى فى الاعتذار لانه المعنى فى الحاله دى مش بيكون كرم اخلاق والمسامح كريم وكده يعنى بل تهاون وتراخى ودا بيتقلب ويبقى تقليل من كرامة الانسان ده
    ملحوظه كثره الاعتذار يعطى الانسان اشاره الى انه فى حاجه غلط وقدامه اختيارين
    يا::يعتذر وهيفضل طول عمره كده يعتذر ويخاف من الموجه
    يا::يسيبها تخبط دماغها فى الحيطه ويبقى الكسبان حتى لو بكى واتالم
    انا مش عديم الاحساس ولا بارد الشعور لكن الدنيا علمتنى كده
    تقبلو وافر تحياتى
    على فكره موضوع راااائع يا موحه

  8. افتراضي

    وانا بتفق معاك في النقطه اللي ذكرتها يا كينز ولكن مع بعض التحفظات وشكرا

    الجنـــــــــــيرال

  9. افتراضي

    مرسي جدا يا كنز على ردك
    بس مفيش واحد يحب واحده بجد وبعدين يسبها تخبط دماغها فى الحيطه

المواضيع المتشابهه

  1. اعتذار
    بواسطة قيس العميري في المنتدى منتدى الشعر و الخواطر
    مشاركات: 2
    آخر مشاركة: 02 - 04 - 2012, 07:55 AM
  2. طريقة - كيفية عمل قدره قادر
    بواسطة ثقافي في المنتدى مطبخ ارابيا
    مشاركات: 0
    آخر مشاركة: 08 - 09 - 2011, 11:52 AM
  3. رسائل اعتذار متنوعة جديدة للموبايل
    بواسطة لاما في المنتدى منتدى الموبايل
    مشاركات: 0
    آخر مشاركة: 31 - 03 - 2010, 08:35 PM
  4. اعتذار واجب
    بواسطة More في المنتدى المنتدى العام
    مشاركات: 5
    آخر مشاركة: 20 - 11 - 2009, 09:53 AM
  5. هل اعتذار الرجال حق المرأة ينقص من قدرة
    بواسطة febe في المنتدى المنتدى العام
    مشاركات: 1
    آخر مشاركة: 04 - 10 - 2007, 11:24 AM