يبقى أنت أكيد...أكيد في مصر

  1. افتراضي يبقى أنت أكيد...أكيد في مصر

    [align=center]


    يبقى أنت أكيد...أكيد في مصر



    آه و ألف آه من تلك الجملة...
    يبقى أنت أكيد...أكيد في مصر

    لو لقيت من كل بيت خارج مدرس خصوصى ..
    يبقى أنت أكيد...أكيد في مصر

    لو لقيت فى بلد سنه سادسة ابتدائى و سنه خامسة ابتدائى!...
    يبقى أنت أكيد...أكيد في مصر
    لو لقيت فى كل بيت واحد أو أتنين ماتوا من السرطان ...
    يبقى أنت أكيد...أكيد في مصر

    لو رحت التأمين الصحى و إدوك حديد و زرنيخ ...
    يبقى أنت أكيد...أكيد في مصر
    لو لقيت فى بلد البحث العلمى فيها تايه و لسه بيحاول يجد العلاقة بينه وبين المجتمع ...
    يبقى أنت أكيد...أكيد في مصر

    لو لقيت فى بلد ربع سكانها ساكننين فى عاصمتها ..
    يبقى أنت أكيد...أكيد في مصر

    لو لقيت فى بلد تعبيرات مثل "السحابة السودة" و "الشفافية" ...
    يبقى أنت أكيد...أكيد في مصر

    لو سمعت جملة "اللى نعرفه أحسن من اللى منعرفوش" ..
    يبقى أنت أكيد...أكيد في مصر

    لو رحت "دار الفؤاد" و جاتلك الفاتورة و نعشك فى طريقه "لدار الخلد" ...
    يبقى أنت أكيد...أكيد في مصر

    لو رحت تطلع مخالفات عربيتك و لاقتها غير صحيحة لأن بالفعل معندكش عربية ...
    يبقى أنت أكيد...أكيد في مصر

    لو لقيت عجوز و عجوزة ماشيين و معاهم سلم خشب لزوم طلوع الرصيف ...
    يبقى أنت أكيد...أكيد في مصر

    لو ركبت مترو الأنفاق و ملقتشى هوا و لا تكييف ...
    يبقى أنت أكيد...أكيد في مصر

    لو مزنوق و ملقتشى مراحيض عامة ...
    يبقى أنت أكيد...أكيد في مصر

    لو مرة لقيت رسوم الزبالة على فاتورة الكهربا و مرة تانية على فاتورة الغاز ...
    يبقى أنت أكيد...أكيد في مصر

    لو سمعت بودانك و شفت بعنيك رئيس نادى محترم بيشتم الكل بدون عقاب أو جزاء ...
    يبقى أنت أكيد...أكيد في مصر

    لو فتحت التليفزيون و شفت ظرف "البيت بيتك"...
    يبقى أنت أكيد...أكيد في مصر

    لو سألت واحد أو واحدة مين الريس فى كل الألفية الثالثة؟! و رد و قال بدون تفكير "مبارك" ...
    يبقى أنت أكيد...أكيد في مصر

    لو قرأت الصحف فى 2005 و فى 2016 عن توصيل الكهرباء للعشوائيات و لقيت نفس الكلام "التوصيل عملية مستمرة" ...
    يبقى أنت أكيد...أكيد في مصر

    لو قرأت الصحف فى 2005 و فى 2050 و لقيت نفس الكلام "الأصلاح السياسى و الإجتماعى عملية مستمرة" ...
    يبقى أنت أكيد...أكيد في مصر

    لو عرفت أن فنانة سابقة و زوجة لوزير داخلية سابق عمرها فوق التسعين مرشحة نفسها لمجلس الشعب ...
    يبقى أنت أكيد...أكيد في مصر

    لو رحت الباجور منوفية و سألت مين رئيس الجمهورية و ردوا وقالوا كمال الشاذلى ...
    يبقى أنت أكيد...أكيد في مصر

    لو رحت تنتخب و معاك بطاقة إنتخابية و ردوا و قالوا إنك متوفى ...
    يبقى أنت أكيد...أكيد في مصر

    لو سألت واحد أو واحدة ليه بالعربى هيه إسمها "مصر" و بالخواجاتى هيه إسمها "إيجبت"؟! و رد و قال معرفش! ...
    يبقى أنت أكيد...أكيد في مصر

    مع الإحترام والتقدير لكل اهلنا وأخواننا وأحبائتنا
    خير أجناد الأرض
    أهالي مصر الأفاضل

    الجنيرال[/align]

  2. افتراضي

    لو سحبوك من افاك وخدت على دماغك لحد ما يبانلك اصحاب يتسحلوا معاك


    يبقى انت أكيد أكيد فى مصر


    وبقولك ايه يا جنرال ملكش دعوة بالسياسة بدل ما نزعل من بعض

    ومالكش دعوة بالمدرسين بدل ما أبلغ عنك

  3. افتراضي

    سيبها لله يا مستر احمد وان شاء الله خير

    اخوك الجنيرال


  4. Thumbs up

    اقتباس المشاركة الأصلية كتبت بواسطة Mr.Ahmed
    لو سحبوك من افاك وخدت على دماغك لحد ما يبانلك اصحاب يتسحلوا معاك


    يبقى انت أكيد أكيد فى مصر



    انا الحمد لله لسه مجربتوش


    موضوع جميل اوى يا جنيرال بالذات جزء المدرس الخصوصى هايل

  5. افتراضي

    ميرسي اوي ليكي يا سماح بس بكره نتسحب كلنا شباب وبنات ربنا يستر

    الجنيرال

  6. افتراضي

    موضوع ظريف يا جنيرال بس هو احنا بقينا بنخاف ليه كده من كلمه الحق ونخاف من امن الدوله هو احنا مش من حقنا نقول كل اللى عايزينه امال ايه مصر بلد ديموقراطى ولا هو كلام وبس على فكرة اللى معاه الحق عمره ما يخاف

  7. افتراضي

    اختي ساره احنا في بلد ديموقراطي بس الديموقراطيه اني اسيبك تقولي اللي انتي عايزاه
    وفي الاخر اعمل اللي انا عايزه وبعدين اصبري عليا شويه هنزل موضوع هتعرفي فيه
    معني الديموقراطيه في مصر بس لمعلوماتك انا مش بخاف اللي من اللي خلقني

    الجنيرال

  8. افتراضي

    متزعليش نفسك يا ساره
    انا لما اكبر شويه هرشح نفسى لرئاسة الجمهوريه وانتى تبقى رئيس الوزراء
    وسيبك من بابا حسنى وماما سوزان ربنا هينتقملنا منهم

  9. افتراضي

    امال انا همسك ايه لما تكبري شويه احنا نظام الحكم عندنا بيتغير كل قرن

    الجنيرال

المواضيع المتشابهه

  1. يبقى انت اكيد فى طب!!!
    بواسطة dr.mennie في المنتدى منتدى الصور الطريفة والنكت والطرائف
    مشاركات: 6
    آخر مشاركة: 01 - 12 - 2006, 02:15 PM