انا اشتريت منتج للبشرة من شركة اسمها الرمال الفرنسية للتجميل .. دفعت مبلغ ستة الاف وخمسمائة جنيه مصرى لمندوبة الشركة هنا فى مصر .. المهم انى اكتشفت ان السعر مبالغ فيه جدا .. اتصلت بالشركة وطلبت الغاء الاوردر واستراد فلوسى لكنهم رفضوا .. على العلم ان المنتج لم يصلنى حتى الان .. ونقطة اخرى هامة .. عدم مصداقية مندوبتهم فى مصر بخصوص موعد وصول المنتج .. قالت انه بيوصل خلال 9 او 10 ايام باستثناء الاجازات .. والى الان فات اكتر من 3 اسابيع ولم يصل المنتج بعد .. والمشكلة ان المنتج مادة طبية تحفظ بالثلاجة لضمان صلاحيتها .. وطول المدة فى شحنها بالمنظر ده ممكن توصلى فى الاخر فاسدة .. ويبقى فلوسى كده راحت فى الارض بمعنى الكلمة اللى اصلا من الاساس مبالغ فيها جداااااا .. مش المفروض ان فى حاجة اسمها قانون حماية المستهلك يحمينى ويحمى حقى .. انا بجد مش عارفة اعمل ايه ياريت لو فى حاجة فى القانون تساعد فى حالتى دى حضرتك تفيدنى بيها .. ارجو سرعة الرد .. ولسيادتكم جزيل الشكر