السلام عليكم ..

زوجي اتوفى وطبعاا اللي معي انا واعيالي في الورث ام زوجي وابوه ...اجراءت الورث في المحكمة اوكيه ...

بس المشكله في المحكمة لمن جاء الورث مصدق بشيك واحد يضمن نصيبي ونصيب اعيالي وام وابو زوجي ..

وام وابو زوجي موكلين ولدهم الكبير وانا بما اني مع صك ولايه على اعيالي وكالة محامي يستلم نصيبي ونصيب اعيالي ..

لكن عم اعيالي رفض يبيني اسوي له وكالة ويستلم الشيك كامل وهو اللي يقسمهاا بينا ..

وبصراحه اناا ماعندي ثقة في عم ااعيالي عارفه يبي ياخذهاا كلهاا ..

ابيكم ذلحين ادلوني على حل بحيث يتقسم الورث على كل واحد مناا(يعني كل واحد له شيك لوحده مايكون معاه احد )...

بتقولون وش فايدة المحامي اناا ابي يكون عندي خلفيه احول اشوف اي مخرج ومابي اعتمد اعتمد كلي على المحامي ...

الحياة علمتني ماااثق في احد ..

انتظر ردكم وتفاعلكم ..