السلام عليكم ورحمة الله وبركاتة
السن؟22
النوع ؟ذكر/انثي: ذكر
57الوزن والطول169
الحالة الأجتماعية؟اعزب
هل تدخن؟كنت في السابق
هل تعاني من مرض مزمن؟ماهو؟التهاب المرئ وقولون عصبي
هل تاخذ ادوية بشكل دائم؟ وما هي؟دسبتالين 135 وديسفلاتيل
هل تدخن ؟ وهل تتعاطي الكحول؟كنت في السابق
هل عانيت من اي مرض لمدة طويلة ؟اكتب المرض وطول المدة؟لا
هل قمت بالكشف من قبل عند طبيب ؟ وضح التشخيص والعلاج ومدى تأثيره؟نعم تشخيص التهاب المرئ وتقرحات بالمعده وقولون عصبي


دكتور انا كنت اعاني رائحه كريهه بالفم وخروج قئ ابيض جداً قامج اللون وكثرة التكريع واعراض القولون العصبي أتتني بتدريج ولم اكن اعلم شي اسمه قولون ذهبت الى احد المستشفيات وشرحت لدكتور مشكلتي وعملت تحاليل شامله اكرمك الله للدم والبول والبراز وكانت سليمه وبعدها عملت منظار للقولون وفحص خزعه منه وكان سليم وقالي معاك قولون عصبي وعطاني حبوب دسبتالين 135 وحبوب ديسفلاتيل مضغ بعد الاكل بعدها قالي روح لطبيب الاسنان وطبيب الانف والاذن والحنجره لمعرفة سبب الرائحه كلهم قالولي اني سليم والرائحه ممكن سببها من المعده حولني طبيب الانف والاذن والحنجره لطبيبي الاول حق الجهاز الهضمي وبعدها قالي لازم منظار للمعده لمعرفة السبب سويت منظار وطلع معاي التهاب بنهاية المرئ وتقرحات بالمعده وفهمني اللي معاي تقرحات مو قرحه في فرق بين القرحه والتقرحات التقرحات هي نفس السلخ لجدار المعده او التآكل حسب كلامه هو وفحص خزعه من المعده لبحث عن وجود جرثومه وكانت سليمه وقالي راح يروح التهاب المرئ بزوال التقرحات عطاني بعدها باريت 20 لمدة شهر واراجعه وقالي الاعراض راحت قلت له ردت بعد ماخلص العلاج وبعدها عطاني كورس نفسه وبعد شهر جيته وقلت له نفس الكلام وغيرلي العلاج عطاني نيكسيوم وهم نفس الشي وبعدها قلت له علاج طول والاعراض ترد بعد ماترك العلاج قالي انت الحين التقرحات والالتهاب راحو عنك بس استمر على حميه غذائيه واترك العادات اللي تزيد الحموضه مثل النوم بعد الاكل او عدم ممارسة الرياضه او المشي وخلك على العلاج قلت له شلون راحت المشكله والاعراض معاي قالي انت احتمال عندك ارتخاء بصمام المرئ ويصير ارتجاع قالي علاجك هذا مضادات الحموضه وين ماتروح اي مستشفى هذا علاجك سجلي الباريت لأني فضلته على النيكسيوم بس للامانه القئ الابيض خف عن قبل بس بقا رائحة النفس الكريهه ومن كثر الاحراجات اثرت بثقتي بنفسي وقلت طلعتي او مخالطتي مع الناس واعتقد من كثر ماني شايل هم وتفكير جاني القولون لأنها معاي قبل مايبدا القولون وزاد همي وتركت الكليه بسبب هالاشياء وخربت حياتي حتا ماني عارف شلون اتصرف ابي حل للقولون وحل لمشكلة المرئ بحثت بالنت عن العلاجات نهائيه لمشكلة المرئ ولقيت عمليات جراحيه ولقيت اجراء غير جراحي اسمه esophy x منظار ولكن يعالج المشكله بدون اي جراحه عن طريق الفم ابي رايك بهذا العلاج ؟
ومحتار وخايف اتسرع وماني متأكد 10IMG بالميه المشكله بصمام المرئ او مشكلتي تنحل مع العلاجات هذي او اي علاج اخر غيرها توصفه لي واسف على الاطاله واعذروني وجزاكم الله خيراً