..ابن البلد..

حبك. يا بلدى
بيعزق. فى قلبى
عزق. الكوريك والفاس
رفع. جدرانه
وعدل. دورانه
ونجد فرشه.
وجدد عرشه.
ودعم فى. الاساس
زرع بالحب. جناين
ووزع بالود. نسايم
على كل البلاد. والناس
زوارك من كل. ناحيه
كل يوم . جايين
للدفء. والاحساس
وهواك. اللى بيشفى
المرضى. بالملايين
من الشك. والوسواس
ونيلك. ابو طمى غالى
بيداوى. الغلابه المساكين
من المغص. ووجع الراس
انا باحبك زيهم. واكتر منهم
بالفطره. اللى مش عندهم
من الساس. لشعر الراس

يا مصر. يامتغندره
يا شابه. يا متعطرة
يا قمر. وناس
يا شمس. يا منورة
والنيل لك. مسكرة
يا مندرة. للناس
يا ام الجدايل. سود
والاهرام. لك نهود
بتضوى. زى الماس

كيف. يا بلدى اشتكيك
لا لا. يا بلدى لا عليك
انا اشكى. ظلمى اليك
من بعض. العاملين لديك
هم السبب. والاساس
خلوا العيشه. علينا مرة
من كتر. ما فعلوا من جور
حاجتهم.. تاتى لهم من برة
واحنا.. لكل حاجه طابور
الميه. والعيش ووووو الخ
والبنزين. والمرور
وكل يوم. قرار
وكل يوم.. امر
يقف. فى الحلق والزور
وهم.. يزهقوا من المانجو
يشربوا.. الاناناس

اغلقوا. كل الابواب
على الفتيان.. والشباب
الذين باسوا. الاعتاب
لفتح مجال. للاسترزاق
بلا جدوى. وكانهم سراب
بل ضيقوا. عليهم الخناق
وكالوا لهم. الشتم السباب
حتى كادوا. يلفظوا الانفاس

وفتحوا البلد. كلها على البحرى
للمستثمر الاجنبى .الغربى
وكل المسؤلين. ترحب بيه
كل المؤسسات. عليه تجرى
اهلا وسهلا. بصاحب البرنيطه
ويعملوا له. حفلة
ويعملوا له. زيطة
وهو مدمن كاس
يشرب به الخمره
ويسهر مع الحلوة
وتغنى له السمرة
يقضى الليالى الحمرا
يسكر. ويتسلى
ويمزمز. وينباس
والشله.. شغاله
على اخرها. عماله
بالطبله.. والزمارة
لحضرة. الخواجه واستثماره
شرعوا.. قوانين الاصلاح
لاضرائب. عليه. ولا رسوم
وعشرة سنين.. سماح
ومن امس.. واليوم
كل شئ.. له مباح
كل شئ له. مسموح
يقترض من. البنوك
بلا ضمان. او صكوك
والاعتماد.. مفتوح
بلا غطاء.. او تامين
كل هذا.. واكتر
لحساب الخواجه.. السكر
الوسيم.. السمح
وكانه.. مولد او فرح
حتى فى.. البرصه
لم يتركها. فى حالها
قلب.. اوراقها واسهمها
وقش السيوله. بالكومى والااس
وفى بحر ايام.. وبالكتير اعوام
خلع بالمال العام..
وبعت لهم.. اشهار بالافلاس
وحضرات السادة.. النيام
على كراسيهم.. مازالوا. نيام
وكان ياما كان.. كان عندنا استثمار
سرق المال..وفط .وطار
ومسكنا الهوى بايدينا..
زى الشطار..

والولد..ابن. البلد
لو طالب..بحقه
من شيخ..البلد
يتكتف.. ويتربط
ويندق.. له. وتد
وكمان . ينضرب..
ولامؤاخذة. ينجلد
وينهان. وينطرد
ولو رفض. او اعنرض
السجن.. له ينفتح
ويقف.. عليه حراس
كلماتى وبقلمى
محمد جادالله محمد الفحل