نكت جديده

  1. Thumbs up نكت جديده

    واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق


    واحد غبى بيحلق دقنه التليفون رن ، عور نفسه عشان لما يرجع يعرف هو وقف لحد فين



    واحد بيسال صاحبه هو ايه الفرق بين تجارة الحشيش وتجارة عين شمس ؟ قام صاحبه قال تجارة عين شمس 4 سنين انما تجارة الحشيش اقلها 25 سنة.



    مسطول مزور ورقة بنكنوت انما 10/10 مع ذلك مسكوه ياترى ليه ؟ عشان كان مزور ورقة بستين جنيه



    في واحد كريم انحرق بيته لما جت المطافي حلف عليهم ما يعملوا حاجه لحد ما يشربوا القهوة


    تلميذ لزميله : هل الهند بعيدة ؟ الزميل : لا .. لا أظن ذلك .. ففي صفنا تلميذ هندي يأتي إلى المدرسة كل صباح على دراجته


    واحد عصبي ضرسه وجعه راح للدكتور وقال له اخلع كل ضروسي وخليه زي الكـلب لوحده


    جماعة محششين قاعدين في خيمة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال شباب ألاقى عندكم كبريت قالوله استريح لسه باعتين واحد أول ما يرجع نديلك .



    واحد بخيل ضرب عياله؟ ليــه ..؟
    لقاهم مشغلين المروحة على ثلاثة وهم اثنيين


    اثنين مساطيل واحد قال تصدق بالي مشغول ،
    قاله الثاني أكيد السماعه مرفوعه


    ثلاثة فشارين راحوا فى للغابة علشان يصطادوا الأول قال هاصطاد أرنبين والثانى قال هاصطاد غزالين والثالث حب يوسعها وقال هاصطاد نمرين وراح كل واحد على اساس يصطاد اللى قال عليه الأول اصطاد الأرنبين والثانى الغزالين ولما جه الدور على الثالث شاف نمر وباين عليه جعان قام النمر جرى وراه وهو بيجرى عدا علي اصحابه قالهم امسكوه على بال ما اجيبلكوم الثانى ..



    واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها


    واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك


    واحد مسطول كان حيخبط واحدة بالعربية .
    قالتله انت ماشفتنيش . قالها أيوه شفتك بس مش فاكر فين؟؟


    . اثنين محششين قاعدين قدام مرايه الأول قال قوم نسلم على اللي قاعدين قدامنا ، ولما وقفوا قال الثاني اقعد اقعد هما جايين علينا .



    ثلاثه صقور اتراهنوا على الصيد
    راح الاول ورجع في منقاره دم قليل قال شفتو الشجره اللى هناك دى؟ قالوا أيوه قال اصطادت عندها أرنب
    راح الثاني ورجع في منقاره دم كثير قال شفتو الصخره اللى هناك دى قالوا أيوه قال اصطادت عندها غزال
    راح الثالث وهو أغبى واحد فيهم ورجع وكله دم قال شفتوا العمود اللى هناك ده قالوا أيوه قال أنا ما شفتهوش




    ندل ابوه طرده اول ما خرج كتب على سور البيت
    هنا مقر قيادة حركة طالبان


    محشش بيسوق عربية ومعاه أبوه ، أبوه قاله : لف يمين .. المحشش قاله لف انت انا سايق

    حكمة المحشش : العلم نور, والنور كهرباء , والكهرباء خطره . .... يبقى نتعلم ليييييييييييييييييييييه؟

    قزم راح للترزى علشان يفصل جلابية وبعد ما أخذ الترزى مقاساته قاله القزم إمتى تخلص قاله الترزى خدلك لفه وتعال


    واحد ماعندوش غير ضرسين قدم على وظيفه عينوه خرامه


    واحد على فراش الموت قال لمراته إذا مت اتجوزى جارنا محمود قالت ليه قال لأنه مره باعلي بضاعة وغشني فيها....



    واحدة اديت صاحبها بغبغاء هدية ثاني يوم سألته عن الببغاء؟؟؟ قالها عادي طعمه زى طعم الفراخ.



    في واحد راح يغير أنبوبة بوتاجاز قال لامه ادعيلي قالته انشاله تنفتح فى وشك.



    محشش راح للدكتور قاله الدكتور اعمل إشاعه طلع برة الأوضة وقال وهو بيزعق الدكتور ماااااااااااااات

  2. افتراضي

    نكت هايله ياسماح بس ممكن سؤال
    انتي بتجيبي النكت دي منين


  3. افتراضي

    بقي كده يا سماح
    طيب ماشي خليكي فاكراها

  4. افتراضي

    خلاص هبقى اقولك لما اجيب كل النكت الموجوده عند المصدر بتاعى
    اصلها اسرار شغل يا وائل

  5. افتراضي

    نكت جميله اوي كلها

    بصراحه احترت في احلى نكته

    كلهم احلى من بعض

    هايل يا سماح


  6. افتراضي

    سماااااااااااح حرام عليكى انتى بالشكل ده هتبكى مشرفه منتدى الفكااااااااهه بس الحق يتقال انتى بصراحه عليكى شويه نكت زى العسل جداااااا والله وانا مع تيتو فى رأيه محتار فى احسن نكته فيهم

  7. افتراضي

    نكت جميله اوي كلها


    كلهم احلى من بعض

  8. افتراضي

    متخفش يا شمس محدش يقدر ياخد مكانك
    ولا حتى انا

المواضيع المتشابهه

  1. صور خلفيات جديده فى قمة الجمال تحميل و مشاهدة روعة
    بواسطة big3mmar في المنتدى منتدى الصور المتنوعة
    مشاركات: 19
    آخر مشاركة: 22 - 02 - 2012, 11:11 AM
  2. نكت جديده
    بواسطة samah في المنتدى منتدى الصور الطريفة والنكت والطرائف
    مشاركات: 5
    آخر مشاركة: 12 - 12 - 2006, 10:55 AM
  3. صور جديده لاحدث الجوالات
    بواسطة iraqiromio في المنتدى منتدى الموبايل
    مشاركات: 4
    آخر مشاركة: 02 - 10 - 2006, 04:45 PM