عم راضى

  1. افتراضي عم راضى

    عم راضى


    عم راضى
    طيب وهادى
    فلاح عادى
    من فلاحين الصعيد
    قوى وزنده شديد
    مريش ومرتاح وسعيد
    عزق ارضه بالخطوط
    واللى حطه لقاه محطوط
    وبالصلاة على النبى
    مبسوط
    بيسرح فى الصباح للغيط
    وحماره شايل الغبيط
    سباخ من جنب الحيط
    والجمل فى المدود مربوط
    زرعه فى الغيط مرعرع
    وولده فى البيت بيرضع
    والقطن بعد شهر يجمع
    فايق ورايق
    وعمره ما اتضايق
    وسعات بيتعايق
    لما يروح لنسيبه
    او حد قريبه
    يلمع لا مؤاخذة المداس
    ويخليه زى المراية
    ويلبس الجلبية الكشمير
    وعليها العباية
    والشال الحرير
    على العمة او الزعبوط
    صاحب همة ومروءة
    عمره ما هزر هزار روش
    ولا اتكلم كلام وحش
    ولا رفع على حد
    شومة ولا نبوت
    فى الخير حاضر
    ويسبق ويجيب
    وفى الافراح يلاعب
    الشباب التحطيب
    وفى المولد له خيمة معروفة
    بيرحب فيها بالغريب
    وفى الماسى يسرع ويعمل اللازم
    وكانه للميت قريب
    لما حصل لجاره حادث
    فى طريق ديروط
    وعرف ان جاره متعور ومخبوط
    قام بسرعة وعلى حسابه
    عالجه فى مستشفى اسيوط
    ولما تم الفحص الطبى عليه
    واطمان ميه ميه
    راح جاب عيال جاره والوليه
    بالعربيه
    زاروه وقعدوا معاه شوية
    وروحهم كانهم اولاده
    ولما جه جاره يحاسبه
    عاتبه عتاب خفيف
    قال له انت كنت تعتبر
    ضيف
    وعيب الضيف
    يشيل فى المصاريف
    فى مشهده الاخير
    حضرت ناس كتير
    من قرى ومركز ديروط
    وبعد العودة من تشيع الجنازة
    قال من حضر الوفاه
    انه تلفظ بالشهادة
    بسهولة ويسر
    وقال البعض انه
    راى بعض الدمعات
    على وجهه المبتسم
    الهادى وهو يتلفظ بها
    ردد الحضور فى حب
    كان اسمه راضى
    وهو راضى
    كلماتى وبقلمى
    محمد جادالله محمد الفحل
    هذه القصة ارسلتها لكم امس
    ولم تظهر فى المشاركات
    ولذا اعيد ارسالها اليكم املا النشر
    محمد جادالله محمد الفحل

  2. افتراضي عم راضي

    القصة جميلة ، لكن تمنيت لو تكتبها على شكل قصة و ليس على شكل خاطرة
    تسهل أكثر عملية القراءة .
    شكرا
    نبيلة

  3. افتراضي

    الاستاذة نبيلة بعدالتحية.....اشكر لك مرورك وكذا نصيحتك اعتز بها..
    ..اسمحى لى ان اسال عن مساهمات ومشاركات ارسلتها للمنتدى ولم تظهر عنها افادة وهى
    1 الضفدعة الطروب 2 سوق المدينة ..ارسلت لمنتدى القصص منذ اكثر من يومين
    3 ..فى ذكرى نجيب محفوظ....4 .تحمل الشعب ما لا يطاق ارسلت الى منتدى الشعر والخواطر
    ارجوا الافادة استاذة نبيلة ...وتقبلى جزيل شكرى وامتنانى

  4. افتراضي تحية طيبة

    في الحقيقة أنا لست أستاذة ، أنا فقط كاتبة بسيطة و عاشقة للكتابة ، و أنا مثلك أرسل إلى المنتدى عدة مواضيع
    خاطرة ، و جزء من قصة لكن لا تنشر منذ أسابيع ، لست أدري لما و قد راسلتهم بالأمس و أنتظر الرّد ..
    أنا لدي منتدى صغير أنشاته منذ شهر فقط ، و أكتب فيه ، اسمه منتدى نهر المعارف ، و أحاول الكتابة في منتديات أخرى مثل منتدى أرابيا
    راسلهم ربما تتلقى منهم إجابة حول قصصك و مواضيعك ..
    أتمنى لك التوفيق
    تحياتي
    نبيلة

  5. افتراضي

    الاستاذة الفاضلة ...نبيلة
    شاكرلك اهتمامك وافادتك ...
    وتقبلى عزرى فى التاحير

المواضيع المتشابهه

  1. احدث صور عفاف راضي
    بواسطة كنوز في المنتدى منتدى صور المشاهير
    مشاركات: 0
    آخر مشاركة: 21 - 09 - 2010, 06:20 PM
  2. صــور سميـة الخشـاب من كليب كل بعقله راضي
    بواسطة alielissa1 في المنتدى منتدى صور المشاهير
    مشاركات: 12
    آخر مشاركة: 25 - 01 - 2010, 11:03 AM