السلام عليكم ورحمة الله وبركاته
انا بعانى من الم مستمر فى المنطقةما بين اسفل البطن والعانة والألم ده مستمر بقاله سنين طويلة لكن كان بيخف ويرجع تانى
فى الأول كشفت قالى التهاب فى البروستاتا دون عمل اى تحليل وكتبلى اقماع
وبعدها بفتره رجع تانى الألم واستمر لغاية سنه كده كشفت على نفس الألم عند دكتور مسالك بولية وكشف ظاهرى ثم قالى اعمل تحليل بول وطلعت النتيجة انى عندى نسبة املاح وصلت لدرجة 7 وهى عالية جدا على حسب قوله وكتبلى على علاج ضد الأملاح واستمريت علية لمده شهر خف الألم بنسبة كبيره وبعد كده رجع تانى الألم
بس ع فترات واحيانا بحس بالم فى خصيتى اليمين او الشمال؟
انا دخلت على موقعكم الكريم وسمعت عن الأعراض دى فعرفت انها حاجة فى البروستاتا لكن معرفش هل هو احتقان ولا التهاب مش عارف لكن انا اشتريت مضاد حيوى اسمه leeflox 50IMG بقالى 3ايام بشربة هل ليه ضرر من تناوله حتى لو معنديش التهاب ؟
وبعانى ايضاً من كثره التبول احيانا اعمل حمام كل نص ساعة واقل لكن احيانا الاقى نفسى عادى وطبيعى مش عارف اعمل ايه هل ده بسبب الأملاح ولا البروستاتا؟
وبعانى من كثرة الإنتصاب بصوره غير طبيعية فى الصباح ده شيىء اساسى
وطوال اليوم من اقل حاجه بستثار بصوره غير طبيعية , حتى فى مواقف مفيهاش استثارة لدرجة انى لما بلعب مع طفل صغير لعب عادى مافيهوش اى حاجة او اى كلام عاطفى الاقى حاله انتصاب , احيانا لما اركب العربية وللعلم الحاله دى عندى من وانا صغير ومازالت ملازمانى انا تعبت منها جدا جدا مش عارف اعمل ايه مسببالى مشاكل واحراج كبير هل في علاج هل فيه امل ارجع طبيعى تانى؟
ولو هكشف اكشف عند دكتور تخصص ايه مسال ولا ذكورة على الرغم ان فيها احراج
وهل لو ترك التهاب البروستاتا او الاحتقان بدون علاج لفترة من الوقت يؤدى الى انتكسات او مضاعفات ؟ وما هى المدة؟
وعندى سرعة قذف مش من العاده السرية ده من اقل استثارة ايه السبب
ارجو منك الشرح التفصيلى مفى هذا الموضوع وشكرا
سنى 24 سنه
اماس الرياضة على اوقات
اتناول فيتامينات عند شعورى بالإرهاق
دائما فى حالة من الأرق والتفكيروالقلق