ارجو تشخيص حالتى بعد قراءة الرسالة باهتمام

  1. افتراضي ارجو تشخيص حالتى بعد قراءة الرسالة باهتمام

    النوع ؟ذكر
    الوزن والطول؟165/75
    الحالة الأجتماعية؟ اعزب
    هل تدخن؟ نعم
    هل تعاني من مرض مزمن؟ماهو؟ لا
    هل تاخذ ادوية بشكل دائم؟ وما هي؟ سيروكسات 25 وليريكا 75 وليريكا 150 بمقدار حبة من كل نوع فى اليوم
    هل تدخن ؟ وهل تتعاطي الكحول؟ لا اتعاطى الكحول
    هل عانيت من اي مرض لمدة طويلة ؟اكتب المرض وطول المدة؟ لا اعلم
    هل قمت بالكشف من قبل عند طبيب ؟ وضح التشخيص والعلاج ومدى تأثيره؟


    انا شاب 28 سنة اعانى من الام مستمرة فى الجسم كلة والام بالعظام مستمرة وصداع بشعر بخمول دائم وثقل فى الرأس ,وبحس انى مش قادر اقف على رجلى وكمان بحس بحرارة فى جسمى ولو حد جة يسلم عليا يقولى مالك سخن كدة وفى نفس الوقت لما بقيس درجة الحرارة مش بتعدى 37.5
    وكمان بشعر بعدم ارتياح فى معدتى ولما باكل بحس انى جوعت بسرعة ومرار فى فمى وجفاف فى الريق وبحس انى عاوز كل شوية عاوز اتبول وكمان بشعر انى مش مركز وبنسى بسرعة لدرجة ان اصحابى فى الشغل يقولو لى يابنتى انت بتشرب مخدرات ولا اية
    بعد فترة من الاعراض دى كنت كل ماروح لدكتور يقولى انت سليم ومفيش عندك حاجة
    الاعراض دى بعانى منها من حوالى 10 سنين وعلى فكرة قبل ماشعر بالاعراض دى على مااتذكر كان جالى حمى كانت درجة حرارتى عالية اوى مع مغص جامد اوى واسهال زى المخاط كدة وبعدها حسيت بالاعراض دى
    بعد حوالى تلت سنين من ظهور الاعراض دى دكتور اكتشف ان عندى بروسيلا او الحمى المالطية واعطانى علاج لمدة شهر ونص وبعدها عملت التحليل كذا مرة بيطلع نيجاتيف وبرضو الاعراض ال عندى مخفتش وبعدها حولنى على دكتور انف واذن وحنجرة وقالى عندك اللوز ملتهبة ولازم تتشال وشيلتها وبرضوا الاعراض مخفتش
    وبعدها روحت لدكاترة كتير وعملت تحاليل سكر وغدة درقية وصورة دم كاملة وتحاليل بول وبراز ومزرعة دم ومزرعة براز واشعة تلفزيونية كانت كل حاجة سليمة هى الاشعة التلفزيونية بتظهر ان عندى غازات بس وعملت تحليل ana ,calcium,alkaline phosphate,Aso,RF,ESR,brucella وكلة بيطلع نيجاتيف
    هو بس طلع فى مزرعة البراز ان عندى تعفن وطلع عندى كانديدا واخدت علاج ليها
    وعملت تحليل الفيدال طلع عندى تايفويد ولكن مزرعة الدم والبراز طلعت نيجاتيف واخدت علاج لية وروحت لدكتور تانى قالى لا انت ال عندك مش تايفويد ال عندك دى اجسام مضادة وطلب تحاليل فيرس بى وسى وعملتها وطالعة برضو نيجاتيف وروحت لدكتور عصبية وامراض نفسية ,وعملت اشعة مقطعية على المخ وفقرات الظهر طالعة سليمة والدكتور وصف لى علاج اسمة سيروكسات 25 وليريكا 75 و150 بجرعة حبة من كل نوع فى اليوم وطلب تحليل صورة دم كاملة وCRP عملت التحاليل طلعت كرات الدم البيضاء والصفائح الدموية قليلة 114 فحولنى على دكتور امراض دم وقالى خليك ماشى على العلاج متقطعوش لحد مانتاكد ان السبب عضوى ولا نفسى وانا لسة مستمر على العلاج لحد الان وروحت لدكتور امراض الدم طلب تحاليل CBC ,CRP ,ANA,ESR,ANTIPLATLETS,URIC ACID 'طلعت كلها سليمة ماعدا ان الصفائح الدموية مازلت بتقل وصلت 83000 وANTI PLATLETS طلعت موجبة , بجد انا تعبت ومش عارف اعمل اية ارجوك تقرا رسالتى باهتمام وتقولى اعمل اية خاصة واروح لاى تخصص واسف على الاطالة

  2. افتراضي

    الله يساعدك أخوي .... الي يشوف مصيبة غيره تهون عليه مصيبته

  3. افتراضي مفيش حد من الدكاترة يرد على استفسارى

    طب اى رد حتى

المواضيع المتشابهه

  1. ارجو المساعدة في تشخيص الحالة
    بواسطة soma333 في المنتدى منتدى الطب
    مشاركات: 0
    آخر مشاركة: 19 - 12 - 2011, 04:54 AM
  2. ارجو منكم الرد وتفسير حالتي
    بواسطة المحمد في المنتدى منتدى الطب
    مشاركات: 1
    آخر مشاركة: 15 - 06 - 2011, 05:36 AM
  3. ارجو تشخيص حالتي
    بواسطة ammody في المنتدى منتدى الطب
    مشاركات: 0
    آخر مشاركة: 13 - 03 - 2011, 03:24 PM
  4. مشاركات: 0
    آخر مشاركة: 28 - 12 - 2010, 03:18 PM
  5. مشاركات: 0
    آخر مشاركة: 17 - 08 - 2010, 02:01 AM