استشارة بخصوص الايجار القديم وتحويله الى تمليك

  1. افتراضي استشارة بخصوص الايجار القديم وتحويله الى تمليك

    السلام عليكم

    احنا اسرة مكونة من اب وام وبنتين وولد كنا عايشين مع بعض فى شقة ايجار قديم بالقاهرة باسم والدى اختى الكبيرة تزوجت فى حياة والدى ووالدتى فى مسكن خاص لها مع زوجها ثم توفى والدى وطلع الوصل باسم ورثة المرحوم والدى وفضلت انا واختى الثانيه ووالدتى فى الشقة ثم تزوجت اختى الثانيه فى مسكن خاص لها ايضا مع زوجها و فضلت انا ووالدتى فى الشقة الى ان توفيت والدتى وفضلت انا لوحدى فى الشقة ومازال الايصال بيطلع باسم ورثة المرحوم والدى ... عرض على صاحب العمارة شراء الشقة تمليك فاشتريتها باسمى عشان اتزوج فيها باذن الله من مالى الخاص عاوز حاليا اجرها لظروف خاصة بى اخواتى عاوزين يطعنوا فى العقد ويفسخوا العقد بحجة ان صاحب العمارة باع لى الشقة من وراهم ولم ياخذ منهم تنازل عن حقهم فى الشقة او بيدعوا انى رضيت صاحب العمارة بمبلغ عشان يرضى يكتب العقد ويتغاضى عن حق اخواتى فى الشقة وطبعا هذا لم يحدث اطلاقا والله شاهد على ما اقول وان اختى الثانيه اللى تزوجت فى حياة والدتى عاوزه تدعى انها كانت مسافرة ورجعت بحجة ان عنوان بطاقتها على نفس عنوان الشقة حاليا بتاعت والدنا لانها لم تقوم بتغير العنوان الى محل ساكنها المتزوجة فيه حاليا ولم تطلع بطاقة عائلية منذ ان تزوجت مع العلم ان وثيقة الزواج بتاعتها مكتوب فيها عنوان المسكن اللى هى عايشه فيه حاليا وكذلك شهادات ميلاد اولادها ومدارسهم فهل يجوز الطعن فى هذه الحالة وفسخ العقد ..علما ان تاريخ وفاة ابى مارس 2005 وامى مايو 2009 ...

    ثانى حاجة عاوزين حقهم الشرعى فى الشقة بمعنى لو انا بعتها ياخذوا هما النصف وانا النصف وكذلك بالنسبه للايجار لو اجرتها ياخذوا هما النصف وانا النصف فايه راى حضرتكم فى الكلام ده من الناحية الشرعية هل ليهم حق شرعى فيها بعد ما امتلكتها من اى نوع ... نسيت اذكر حاجة ان العقد اللى معايه حاليا لم يذكر فيه ان الشقة كانت ايجار قديم فهل هناك ضرر من عدم ذكر ذلك مع العلم انى عملت صحة توقيع فقط على العقد ...

  2. افتراضي

    فى انتظار رد حضرتك سيادة المستشار مدحت والف شكر على مجهودك الطيب ...

  3. افتراضي

    ارجو من سيادتكم التكرم بافادتى عن موقفى القانونى والاثار المترتبة عليه حيث :


    والدى على المعاش وله مخصصات علاجية سنوية من الشركة التى كان يعمل بها يحصل عليها عن طريق عمل فواتير علاجية من احدى المستشفيات بالتعاون مع الصيدلية التابعة لها ومن ثم يحصل على الفاتورة بقيمة معينة ومختومة بختم الصيدلية ويقدمها للشركة

    وقد قمت انا بطباعة دفتر فواتير باسم وهمى غير موجود وعنوان وهمى وعمل ختم وهمى للصيدلية الوهمية وكتبت نفس العلاج فى الفاتورة الوهمية وبنفس القيمة وتم تقديم ما سبق للشركة للحصول على باقى مستحقات ابى العلاجية السنوية وابى لا يعلم اننى قمت بذلك بنفسى

    وهى المرة الاولى فى حياتى التى اقوم فيها بمثل ذلك وكان الدافع هو مساعدة ابى نظرا لان الدكتور القائم على ذلك قد سافر خارج مصر ولم يعد هناك من يقوم بذلك واخبرته بان دكتور اخر قد قام بكاتبتها
    وللتوضيح فان الشركة لا تشترط مستشفى معين او صيدلية معينة لصرف تكلفة العلاج وانما تدفع نسبة من تكلفة العلاج الكلية

    فهل يمكن ان يفتضح امرى ؟
    وانا قد عاهدت الله ان الا اقوم بذلك الفعل مرة اخرى

    وماهى الاثار المترتبة عليه فى حال معرفة الشركة بذلك وماهو موقفى القانونى وطريقة الحل المناسبة

    ولك جزيل الشكر

    برجاء سرعة الرد فانا لا انام من كثرة التفكير
    برجاء الرد على الاميل

  4. افتراضي

    فى انتظار رد حضرتك سيادة المستشار مدحت والف شكر على مجهودك الطيب ...


  5. افتراضي

    وعليكم السلام
    عذرا على التأخير لظروف خارجة عن ارادتى
    والرد عليكم سيكون فى أقرب فرصة ان شاء الله

  6. افتراضي

    الف حمد لله على سلامة حضرتك يا استاذ مدحت وفى انتظار الرد ..

المواضيع المتشابهه

  1. قانون الايجار القديم
    بواسطة batta_bes في المنتدى منتدى القانون
    مشاركات: 1
    آخر مشاركة: 06 - 09 - 2012, 05:23 PM
  2. الايجار القديم
    بواسطة newrocknew في المنتدى منتدى القانون
    مشاركات: 1
    آخر مشاركة: 28 - 08 - 2012, 10:21 PM
  3. استفسار عن الايجار القديم
    بواسطة احمد كمال2012 في المنتدى منتدى القانون
    مشاركات: 0
    آخر مشاركة: 03 - 02 - 2012, 12:35 PM
  4. قانون الايجار القديم استشارة قانونية
    بواسطة salah el-dien magdy في المنتدى منتدى القانون
    مشاركات: 0
    آخر مشاركة: 24 - 10 - 2011, 04:33 AM
  5. استشارة عن الايجار الجديد
    بواسطة fayza hassan في المنتدى منتدى القانون
    مشاركات: 1
    آخر مشاركة: 06 - 02 - 2010, 07:02 AM