أصعب رسالة حب
ممكن تجيك وتجينى
لازم تعود نفسك...أنك تكون من غيرى...
ازاى يطاوعك قلبك
انك فى يوم ما تجينى
خلصنى طب من حبك
ومن الغرام ده اشفينى
وازاى هاعيش من بعدك
وانت بعدك كاوينى
دى تهون حياتى فى بعد
اللى فديته بعينى
دا القلب داب من حبك
ياللى قلبك هاوينى
تحكم عليا ببعدك
وتقول انك شارينى
كان آه رمانى فى حضنك
كان آه هايبكى عينى
قلبى رميته فى كفك
خايف ليكون نسينى
بعد اللى شافه فى قربك
يرضى يرجع يجينى؟
يسهر لمين من بعدك
ولمين هايكون حنينى
ياللى باناجى طيفك
اياك تنسى ودادى
أموت انا منك
لو يوم تجرح فؤادى
عاوز تبعدنى عنك
طب خد منى حنينى
واقتل شوقى لعنيك
واطفى نارى ولهيبى
يمكن ساعتها اسيبك
والذكرى دى تواسينى
يمكن اقضى فى حبك
باقى عمرى وسنينى
وابقى بعيونى شايلك
وافرشلك رمش عينى
مش شرط انك تشارك
فى اللى بينك وبينى
يمكن تكون مفارق
لكن حبك مالينى
ولقلبى وعقلى سارق
ودا شىء بينك وبينى
يا حبيبى زى حبك
عمره ما فى يوم يجينى
يا حبيبى زى قلبك
ما قابلت طول سنينى
بكره فى يوم يجيك
تشتاقلى وتشتهينى
وتقول انى وحشتك
وانى فاكرك ناسينى
مهما تبعد بقلبك
راح ترجع وتلاقينى
صاين حبى وحبك
عاشق شوقى وحنينى
بقلمي.......