كرامتك ام قلبك ؟؟؟؟؟؟؟؟

  1. Thumbs up كرامتك ام قلبك ؟؟؟؟؟؟؟؟

    هل من المعقول ان نستغنى عن قلوبنا
    للاحتفاظ بكرامتنا في سبيل ذلك
    لماذا يبيع الصديق صديقه والحبيب حبيبته والعاشق وغيرهم
    وكل شخص اكيد صار له موقف من الحياة سواء مع صديق
    او حبيب او زوج .... هذه هي الحياة ؟
    لم اجد سبب لذلك ..!
    صحيح انه لابد ان تكون كرامة النفس فوق كل اعتبار
    ولكن لماذا ولدت التضحيه اذا كانت كرامة النفس هي المنتصره غالبا ؟؟
    ام هي مجرد كلمات نؤيد مضمونها ولكن بدون العمل بها ....
    لنقف لحظة على بعض الجمل
    هي موجوده في حياتنا ودائما نرددها في موقف معين
    لا
    وانما اذا حدث،،،،
    خداع
    خيانة
    كراهية
    كذب
    ضعف
    هزيمة
    قالوا :
    ( من باعنا بعناه )
    ( اللي يهواك اهواه..واللي ينساك انساه )
    ( الذي لا يعتبرك ربحا لا تعتبره خسارة )
    ( الصديق وقت الضيق )
    فكـــر قليلاً ...
    هل نستطيع حقا تطبيق ذلك !!
    فعندما نلتقي بصديق مثلا ..نثق به..ونبوح له بمشاكلنا
    ثم
    مع مرور الايام نكتشف انه لا يحبنا...ولا يعتبرنا الا خيال
    في غيابه نسئل عنه ...وان غبنا لا يسئل عنا
    هل حقا نتخلى عنه
    لا ادري !!!
    أيهما أهـــم بحياااتك كرامتك أوو قلبك؟
    وانا بإنتظار اجوبتكم


    --------------------------------------------------------------------------------


  2. افتراضي

    سؤال صعب اوي بس هاجاوبك برده


    اللى بيحبوا بعض بجد

    اكيد بيخافو على بعض بجد

    اكيد بيحافظوا على كرامة بعض اكتر من نفسهم

    الحب الحقيقي يقوى ما يضعفشي يعلى ما يدنيش يعز ما يذلش يخلى كرامة الاتنين كانها كرامة واحد بس

    اللى ما يحافظشي على كرامتي يبقى مش بيحبني يبقى ما يستاهلشي اني افكر فيه لحظه

  3. افتراضي

    يعني ايه مفيش كرامة بين اللي بيحبوا بعض يا سارة

    لو اللي بحبه ما حافظش على كرامتي يبقى اكيد مش حب حقيقي

    انا اللي احبه كرامته عندي فوق كل اعتبار

  4. افتراضي

    انا طبعا مع راى mr.Ahmed وتيتو مع كل اللى بحبهم
    بس فى انسان واحد هو اللى بلغى كرامتى معاه الشخص ده هو صديقتى لان مينفعش يكون فيه كرامه بينى وبين نفسى وانا وهى شخص واحد واكيد كل واحد فيكم عنده انسان بيحبه اوى ويمكن اكتر من نفسه وبكده مينفعش معاه تقول كرامتى صح ولا لا؟

  5. افتراضي

    يا جماعه اولا انا عايزة اقلكم حاجه انا معرفتش اى حب فى حياتى الا حب صديقتى هى كل حاجه عندى وانا بتكلم على الاساس ده وقصدى يعنى لو مثلا حصلت مشكله بينا واعدنا هى تقول لا مش هصالحها انا عندى كرامه وانا اقول كده يبقى ايه الحل ده قصدى

  6. افتراضي

    السلام عليكم ورحمة الله وبركاته

    ازيكم يا اخوانى واخواتى الأعزاء لعلكم جميعا بخير

    موضوع كويس جدا بصراحه ، ويمكن الاجابه عليه لازم تكون بنظره موضوعيه بمعنى انها لا تكون مبنيه على موقف أو حاله واحده انت قد عيشتها أو تعيشها كما حدث مع الأخت ساره وهذا جعلها تقول بالرأى الذى قالت به فهو رأى صحيح لكنه يعبر عن حاله فرديه ، وأحب اوجه شكرى الى الأخ تيتو ورأيه المحترم ، اللى بيتمتع بالموضوعيه الى حد كبير .

    أما بالنسبه لرأيى أنا ، أرى ان فى كل موقف يمر بنا سواء مع الأصدقاء أو الأحباب أو أى انسان كان بيكون للقلب مكان وللكرامة مكان ، ولكن بيكون بدرجات متفاوته ، بمعنى أنى ممكن اتحمل
    موقف ما من صديقى قد لا أتحمله من غيره من الناس ، وهكذا الحال مع من أحب ، فرباط الصداقة و
    المحبة لها شروط يراعيها الأصدقاء والأحباب بقصد وبغير قصد ، وهى التقدير والاحترام ، ومحبة الخير ، ومراعاة المشاعر فى كل موقف ، والتسامح ، سعة الصدر ، التفاهم... وغير ذلك
    كل هذا يجعل الموقف من الكرامة والقلب معروف مسبقا ، يعرفون ما هى الحدود التى عندها انحاز
    لكرامتى وما هى الحدود التى انحاز فيها لعواطفى ، وماهى حدود كرامة وعاطفة من أصادق ومن أحب ، وهذا كله فى حالة الصداقه الحقيقة والحب الحقيقى ، لان فى هذه الحالة كما قال أخى تيتو تتوحد الأنفس وتتكامل .
    وأكيد أنا لو قصرت فى حق صديقى هتعذر له وهو كذلك ، والأمر كذلك مع من احب ، ويأتى هنا دور التسامح ، وسعة الصدر ، وأكيد بيكون الموقف مختلف مع أى انسان تانى .

    معلش طولت عليكم ..... شــــــــــــــــــكرا

  7. افتراضي

    السلام عليكم ورحمة الله وبركاته

    ازيكم يا اخوانى واخواتى الأعزاء لعلكم جميعا بخير

    موضوع كويس جدا بصراحه ، ويمكن الاجابه عليه لازم تكون بنظره موضوعيه بمعنى انها لا تكون مبنيه على موقف أو حاله واحده انت قد عيشتها أو تعيشها كما حدث مع الأخت ساره وهذا جعلها تقول بالرأى الذى قالت به فهو رأى صحيح لكنه يعبر عن حاله فرديه ، وأحب اوجه شكرى الى الأخ تيتو ورأيه المحترم ، اللى بيتمتع بالموضوعيه الى حد كبير .

    أما بالنسبه لرأيى أنا ، أرى ان فى كل موقف يمر بنا سواء مع الأصدقاء أو الأحباب أو أى انسان كان بيكون للقلب مكان وللكرامة مكان ، ولكن بيكون بدرجات متفاوته ، بمعنى أنى ممكن اتحمل
    موقف ما من صديقى قد لا أتحمله من غيره من الناس ، وهكذا الحال مع من أحب ، فرباط الصداقة و
    المحبة لها شروط يراعيها الأصدقاء والأحباب بقصد وبغير قصد ، وهى التقدير والاحترام ، ومحبة الخير ، ومراعاة المشاعر فى كل موقف ، والتسامح ، سعة الصدر ، التفاهم... وغير ذلك
    كل هذا يجعل الموقف من الكرامة والقلب معروف مسبقا ، يعرفون ما هى الحدود التى عندها انحاز
    لكرامتى وما هى الحدود التى انحاز فيها لعواطفى ، وماهى حدود كرامة وعاطفة من أصادق ومن أحب ، وهذا كله فى حالة الصداقه الحقيقة والحب الحقيقى ، لان فى هذه الحالة كما قال أخى تيتو تتوحد الأنفس وتتكامل .
    وأكيد أنا لو قصرت فى حق صديقى هتعذر له وهو كذلك ، والأمر كذلك مع من احب ، ويأتى هنا دور التسامح ، وسعة الصدر ، وأكيد بيكون الموقف مختلف مع أى انسان تانى .

    معلش طولت عليكم ..... شــــــــــــــــــكرا

  8. افتراضي

    لما بنحب شخص بجد وهو بيبادلنا نفس الشعور بيكون لينا كرامة مشتركة

    يس بردو مش فى كل الاحوال

  9. افتراضي

    موضوع صعب الاخيار فيه ولكني اتفق مع الاخ تيتو اكيد الشخص اللي بيحبي هيخاف علي كرامتي بس لو حصل موقف مش حافظ علي كرامتي فيه اكيد مفيش مانع اني اتنازل او اضحي ده لو متاكد ان الشخص ده بيحبني بجد ومش كان يقصد يجرحني وشكرا

    اخوكم الجنيرال جنيرال الحب في المنتدي

المواضيع المتشابهه

  1. آرح قلبك هـنـآ ::.
    بواسطة febe في المنتدى المنتدى العام
    مشاركات: 4
    آخر مشاركة: 06 - 10 - 2007, 03:37 PM
  2. ايهما اهم؟؟؟؟قلبك ام كرامتك؟؟؟؟؟؟؟؟؟!!!!!!!!
    بواسطة Aya Essam في المنتدى المنتدى العام
    مشاركات: 13
    آخر مشاركة: 30 - 09 - 2007, 12:34 PM
  3. حرك قلبك!!!!!
    بواسطة واحدة في المنتدى المنتدى الاسلامى
    مشاركات: 2
    آخر مشاركة: 25 - 07 - 2007, 10:47 AM
  4. افتح قلبك
    بواسطة SmSm في المنتدى المنتدى العام
    مشاركات: 4
    آخر مشاركة: 16 - 10 - 2006, 06:03 AM
  5. اضحك من قلبك
    بواسطة ziro في المنتدى منتدى الصور الطريفة والنكت والطرائف
    مشاركات: 4
    آخر مشاركة: 27 - 09 - 2006, 04:48 PM