الحب الحقيقى خيال ولا حقيقه موجوده

  1. افتراضي الحب الحقيقى خيال ولا حقيقه موجوده

    الحب الحقيقى موجود ولا خيال

    [URL="https://forum.arabia4serv.com/show.php/41719_19730316273810711436610000134534865630114357 02304n.jpg.html"][/URL]





    سؤال جه فى بالى قولت نناقشه سوا
    وياترى الصوره دى بتحصل وموجوده ولا لاء
    عباره عن كام سؤال

    يا ترى فيه حد لسه بيحب بجد
    فيه حد لسه عنده استعداد يضحى بحياته علشان حبيبه

    يا ترى لسه فيه حد بيتجوز عن قصة حب ولا كله بيحاول يقول احب دى وخلاص على الأقل هتبقى ام عيالى ويقنع نفسه انه موهوم بيها ومتيم ويعيش قصه هوه بيحلم بيها بس .

    حد سأل نفسه ليه بقى العادى جدا اننا نسمع ان فيه خطوبه مكملتش مع ان افتكر ان كان من فتره تبقى حكايه والكل يتجمع علشان يصلح ويمشى الحال

    وكذلك البنت يا ترى بتقدر تحب وتدافع عن حبها ولا لاء زى ما بنشوف العادى اليومين دول مع اول كلمة لاء بتقول سلام يا صاحبى وخالينا اصحاب وكووول يا مان

    ولا اول عريس جاهز وسريع فى تجهيزه تمسك فيه وتقول انا هستنى لحد امتى يمكن احبه وتكتشف انها لسه بتحب الأولانى وندخل فى اول نقطه فى الخيانه

    والكوميدى بقى انها تسمع اغنيه لتامر حسنى كام واحد فينا وتعيط ويدخل عليها جوزها بشوفها بتعيط على الأغنيه يقوم ينفصل عنها وتبقى العيشه سواد دا غير الوان الطيف
    طيب بدل ما تسمع تامر تسمع اغنيه انغام بتاع عشت سنين معاك اهى حلوه وبنت حلال ولو جوزها سمعها هيحطها فى عينيه

    المهم ليه المعظم دلوقتى بطل يحب وكله بقى يستغل الفرص بكل الأشكال
    البنت حلوه فيحبها الولد
    والولد جاهز فالبنت تمسك فيه


    عندى كلام كتير بس نكمله فى المناقشه احسن





  2. افتراضي

    مش عارفه ابتدى منين فى كلام كتير
    بس هنبدأ نقطه نقطه ..
    اولا اكيد فى حب حقيقى بس بيختلف درجته حسب اخلاق وشخصيه ال بيحب ( دا من وجهه نظرى الشخصيه )
    يعنى الناس منهم المخلص الوفى الى ابعد درجه
    ومنهم ال نص نص يعنى حسب المصلحه
    وفيه ال القدر او ظروفه بتظلمه
    او يمكن ربنا عايزله حاجه تانيه يمكن هو شيفها وحشه
    بس اكيد قدر ربنا كله رحمه وليه حكمه
    ولو هنقارن اختيار البشر بأختيار ربنا
    اكيد ربنا طبعا لأنه مش هيعمل لعباده حاجه وحشه

  3. افتراضي

    بالنسبه لصوره ايه ال شدك فيها قوى كدا ؟؟؟
    بالنسبه ليا هى فيها( احتواء )
    ومش كل الناس بتوصل لمرحله الاحتواء دى

  4. افتراضي

    اقتباس المشاركة الأصلية كتبت بواسطة أثيـــر مشاهدة المشاركة
    مش عارفه ابتدى منين فى كلام كتير
    بس هنبدأ نقطه نقطه ..
    اولا اكيد فى حب حقيقى بس بيختلف درجته حسب اخلاق وشخصيه ال بيحب ( دا من وجهه نظرى الشخصيه )
    يعنى الناس منهم المخلص الوفى الى ابعد درجه
    ومنهم ال نص نص يعنى حسب المصلحه
    وفيه ال القدر او ظروفه بتظلمه
    او يمكن ربنا عايزله حاجه تانيه يمكن هو شيفها وحشه
    بس اكيد قدر ربنا كله رحمه وليه حكمه
    ولو هنقارن اختيار البشر بأختيار ربنا
    اكيد ربنا طبعا لأنه مش هيعمل لعباده حاجه وحشه
    مفيش حب حقيقى له درجات والحب الحقيقى بيصنع الأخلاق بيخالى الحديد نفسه سايل
    هاتى اشقى واحد فى الدنيا واحد مليان شر وسفاح وفيه كل العبر لو لقيتى فيه واحده هوه بيحبها هتلاقى دايما بيكلمها وصوته واطى وبيسمع كلامها عايزلها الرضا دايما حتى لو على حساب نفسه
    وارجعى لكل القصص الحقيقيه والتأليف
    الحب الحقيقى واحد بيختلف الحب دا بين كل اتنين مش حسب كل شخصيه

    فيه حته كده فى اخر اغنيه لكاظم بيقولك فيها ايه
    ياريت قلبى يكون قاسى عشان يقدر يفوت حبك
    ويعيش زيك سعيد ناسى ولا اسألش على قلبك
    لاقيت عنيا عليك تبكى وتقولى اصله ميهنش
    وحتى روحى تخاصمنى وقلبى يقول متظلمش
    وعشت اسير لأحساسى واقول يمكن يلين قلبك


    هوه دا

  5. افتراضي

    اقتباس المشاركة الأصلية كتبت بواسطة أثيـــر مشاهدة المشاركة
    بالنسبه لصوره ايه ال شدك فيها قوى كدا ؟؟؟
    بالنسبه ليا هى فيها( احتواء )
    ومش كل الناس بتوصل لمرحله الاحتواء دى
    الصوره دى بقى يا ستى فيها كل حاجه احتواء على رضا على كل حاجه متتقلش دى بتعبر عنها
    عمرك شوفتى حد بيبوس راس حد الا علشان يرضيه وبتسامح حتى بعد خناقه كبيره فى الشارع
    طيب لو بين اتنين فيه بينهم حب اصلا واحد وزوجته

    من الأخر الصوره دى بتتحس مش بتتشاف

  6. افتراضي

    اقتباس المشاركة الأصلية كتبت بواسطة hero80 مشاهدة المشاركة
    الصوره دى بقى يا ستى فيها كل حاجه احتواء على رضا على كل حاجه متتقلش دى بتعبر عنها
    عمرك شوفتى حد بيبوس راس حد الا علشان يرضيه وبتسامح حتى بعد خناقه كبيره فى الشارع
    طيب لو بين اتنين فيه بينهم حب اصلا واحد وزوجته

    من الأخر الصوره دى بتتحس مش بتتشاف
    هو دا ..
    على فكره البوسه على الجبين من أرقى وأجمل المشاعر
    يمكن اجمل من حاجات تانيه كتير

  7. افتراضي

    اقتباس المشاركة الأصلية كتبت بواسطة hero80 مشاهدة المشاركة
    مفيش حب حقيقى له درجات والحب الحقيقى بيصنع الأخلاق بيخالى الحديد نفسه سايل
    هاتى اشقى واحد فى الدنيا واحد مليان شر وسفاح وفيه كل العبر لو لقيتى فيه واحده هوه بيحبها هتلاقى دايما بيكلمها وصوته واطى وبيسمع كلامها عايزلها الرضا دايما حتى لو على حساب نفسه
    وارجعى لكل القصص الحقيقيه والتأليف
    الحب الحقيقى واحد بيختلف الحب دا بين كل اتنين مش حسب كل شخصيه

    فيه حته كده فى اخر اغنيه لكاظم بيقولك فيها ايه
    ياريت قلبى يكون قاسى عشان يقدر يفوت حبك
    ويعيش زيك سعيد ناسى ولا اسألش على قلبك
    لاقيت عنيا عليك تبكى وتقولى اصله ميهنش
    وحتى روحى تخاصمنى وقلبى يقول متظلمش
    وعشت اسير لأحساسى واقول يمكن يلين قلبك


    هوه دا
    معاك حق ..
    لو دققت فى كلامك هتلاقى ال بقلك عليه
    يعنى بتوع قصص الحب ال انكتبه فى التاريخ دول ناس مخلصين الى ابعد الحدوووووووود
    بس فيه ناس بتحب برده وومكن مع ظروف الحياه والعشره تنسى حبها الاولانى
    مشفتش فيلم الوساده الخاليه بتاع عبد الحليم حافظ ..
    وال فيه احسان عبد القدوس كان بيطرح مشكله الحب الاول ..
    وقال من خلال الفيلم حبك الاخير هو حبك الاول ..
    بس برده فى حاجه انت ممكن تكون عندك حق فيها : وهى لو اتنين بيحبه بعض فعلا مع انسجام رائع فى كل الاشياء مع اخلاص دائم فى كل الظروف .. يعنى محدش شاف من التانى حاجه وحشه او حركه نداله دا حب يستحق ان لا ينسى حب حقيقى .. زى فيلم شاديه وصلاح دو الفقار بتاع منى واحمد .. جامده قوى قصه الحب ال بينهم

  8. افتراضي

    بالنسبه بقى للجواز عن حب أو جواز تقليدى ؟؟
    انا اعتقد ان بنسبه 95% هيقولولك الجواز عن حب .. واكيد انا معاهم طبعا
    يمكن عشان بعد الجواز لما ندخل فى مشاكل الحياه اليوميه الحب دا بيظهر قمته او بيغفر حاجات كتير ممكن تحصل ..
    بس بقى فى سؤال تانى اهم ؟؟
    ليه بعد الجواز وحتى لو فيه حب كبيرررر .. بيروح الحب دا فى اغلب الاوقات ؟؟
    لدرجه ساعات بشوف ازوج بتكون زوجاتهم اعداء ليهم ..
    بيروح فين الحب بتاع زمااااااااااااااااااااان

  9. افتراضي

    نسيت نقطه بس حبيت اقولها ..
    ان فيه ناس كتير جدا بتعيش حياتها تدور عن الحب بس مبتلقهوش او بتصادفه بعد ما يفوت الاوان ..( قدر ربنا )
    بس هل معنى كدا ان الواحد يظلم نفسه وان يعيش على وهم وخيال ويضيع عمره ..

  10. افتراضي

    انا شايف ان الجواز التقليدي هيعمل حياة تقليدية

    ومجتمعنا مبيسمحش بحاجة اسمها حب قبل الجواز

    يعني العقدة في المنشار

المواضيع المتشابهه

  1. مشاركات: 2
    آخر مشاركة: 04 - 05 - 2010, 01:53 AM
  2. الحب الحقيقى
    بواسطة Aya Essam في المنتدى منتدى الرومانسيه
    مشاركات: 4
    آخر مشاركة: 01 - 01 - 2010, 04:24 PM
  3. الحب الاول ......................حقيقة ام خيال؟؟؟؟؟؟؟؟؟
    بواسطة Aya Essam في المنتدى منتدى الرومانسيه
    مشاركات: 10
    آخر مشاركة: 01 - 03 - 2009, 08:12 PM
  4. الحب الحقيقى
    بواسطة Aya Essam في المنتدى منتدى الرومانسيه
    مشاركات: 2
    آخر مشاركة: 02 - 11 - 2008, 03:26 PM
  5. من هو الصديق الحقيقى ؟؟؟
    بواسطة مدحت الخطيب في المنتدى المنتدى العام
    مشاركات: 2
    آخر مشاركة: 19 - 07 - 2007, 11:29 AM