التهاب بالكليتين اثناء الحمل
انا من ساعه ولادتي الاولي مباشره كنت اشعر اثناء التبول بالم مكان المبايض وبيجي ويروح علي فترات ودخولي الحمام زاد بشكل ملحوظ حتي اني وانا خارجه بامتنع عن شرب اي سوائل عشان موضوع الحمام
عملت تحاليل بول طلع سليم وبعدين انا دلوقتي حامل فاستشرت الدكتوره فحالتي من بدايه الحمل طلبت مني كام تحليل
تحليل سكر وبول وفيروسات بي وسي
طلعت سليمه بس البول كان فيه نسبه صديد عاليه واخدت مضاد حيوي وبعدها عملت تحليل بول تاني بعد المضاد طلع في املاح واخدت علاج ليها كل ده والعرض مازال مستمروعملت تحليل اخير طلع سليم خالي من اي حاجه
روحت لدكتوره مسالك طلبت مني
اشعه عالكلي والحوض دكتوره الاشعه قالتلي في التهاب عالكليتين والدكتوره شافت الاشعه وبتقولي الكلام ده تجاهليه ده البيبي بس ضاغط علي الكلي وبعد ماتولدي ان شاء الله هنعمل فحوصات كامله عشان نطمن انا قلقانه بس عشان لو في حاجه ما تطورش في فطره الحمل ومش عارفه ايه اللي مفترض يتم دلوقتي
هل اعرض الاشعه علي دكتوره تانيه ولا ايه ؟
وهل التهاب الكلي فعلا ممكن يتسبب في ولاده مبكره او وفاه البيبي
ملحوظه
انا اعاني من حساسيه مزمنه بالانف وكانت متسببه في التهاب حلقي ووجود صديد بشكل مستمر واجريت عمليه جراحيه بانفي في نفس الشهر اللي عرفت اني حامل فيه
فهل الصديد ده ممكن يكون له دخل في التهاب الكلي
مع العلم اني لم اشكو من كليتي بس احيانا اشعر بالم خفيف ويختفي علي طول وده اثناء الحمل فقط
ولكني اشكو من الم اثناء التبول وكثرهىدخولي للحمام