قصيدة في حب الرئيس

  1. افتراضي قصيدة في حب الرئيس

    [frame="7 80"][align=center]أنا مبخافشى وحفضل أقول

    كلمـة حــق عليها مسئـول

    إن الريس راجــل طيــب

    وبشعبه دايما مشغـــــول



    مشغول انه يلم فلوسنا

    بره سويسرا يحوشهالنا

    وف حسابات سريه يشيلها

    نفسه يأمن مستقبلنا



    شفتو ازاى بقى قلبه رحيم

    عنده ايمان وضميره سليم

    بيقول جوعوا لجل تخسوا

    آه ياشعب يا محتاج لرجيم



    من جهلكوا بتقولوا بطاله

    وان الاحوال مش شغّاله

    دا الراجل نفسه يريحكم

    هى الراحه تبقى عواله؟



    أما حكاية المنتجعات

    ليه تسموها المعتقلات؟

    ليه الظن

    وسوء النيّه

    نفسه يفسحكوا يا بهوات



    أما الكرسى واللى اتقال

    دا كلام مش محتاج لسؤال

    الغلطه دى غلطتنا يا عالم

    إن مجبناش كرسى تيفال



    والله انتم ظالمين الراجل

    ضيّع عمره ومين يستاهل

    حتى الاكل بياكله بدالنا

    طالع واكل نازل واكل

    بعد دا كلّه........ماله الريس؟؟؟؟؟

    منقوووووووووووول[/align]
    [/frame]


  2. المدهش

    افتراضي

    تصدق احنا كنا فاهمين غلط

  3. افتراضي

    ايوة صحيح ماله الريس

    ياااااااا دحنا صحيح جهلة

  4. افتراضي

    يا اخي انا كنت فاكره بيسرق فلوسنا

    طلع فاتح لنا دفتر توفير بره

  5. افتراضي

    هو فيه زيه ربنا يريحه مننا ويدخله الجنة قريب ان شاء الله

  6. افتراضي

    هههههههههههههههه
    ربنا يريحه مننا بقى

  7. افتراضي

    هو في زيه ربنا يخليهلنا يا رب ومنتحرمش منه ابدا

  8. افتراضي

    [frame="8 80"][align=center]ياله من رجل قنوع

    يكتفى ببعض المال ويتحصن بالقلوع

    يقال ان القناة ملكاً له ويجب علينا الخضوع

    فهوا الحاكم وكلمته بالقانون نصاً موضوع

    مبارك عليكم الحكم واضواء الشموع

    ومبارك على شعبكم السكوت وعدم التحدث فى الممنوع

    تحياتى
    Amr
    ---[/align][/frame]

  9. افتراضي

    هو برضه لو لفانا الدنياهنلاقى زيه وله هو هيلاقى زينا
    جمالك مبارك مبارك جمالك سوزانك سوزنا
    ده حمامه السلام حمامتك يا ريس
    يا ريس كويس

المواضيع المتشابهه

  1. الرئيس المحترف
    بواسطة مدحت الخطيب في المنتدى المنتدى العام
    مشاركات: 1
    آخر مشاركة: 03 - 04 - 2012, 03:13 AM
  2. يوم تنحي الرئيس
    بواسطة basant في المنتدى المنتدى العام
    مشاركات: 3
    آخر مشاركة: 02 - 04 - 2011, 03:33 PM
  3. أستقالة الرئيس
    بواسطة hero80 في المنتدى المنتدى العام
    مشاركات: 3
    آخر مشاركة: 11 - 06 - 2010, 04:24 PM
  4. رسالة الى الرئيس مبارك
    بواسطة مدحت الخطيب في المنتدى المنتدى العام
    مشاركات: 1
    آخر مشاركة: 04 - 11 - 2008, 03:01 AM
  5. رحل الرئيس وأبناء الرئيس وحفيد الرئيس
    بواسطة مدحت الخطيب في المنتدى المنتدى العام
    مشاركات: 3
    آخر مشاركة: 23 - 07 - 2008, 02:48 PM