انا ذكر ومتزوج وابلغ من العمر 30 سنة
من حوالي 5 شهور جالي الم في ذراعي الايسر وكان الم برد او شد كانك تعرضت لتيار هواء وكنت يومها قاعد جنب تكييف جامد المهم الالم استمر النهار كله وعلى اخر اليوم حسيت بخدلان في الذراع وتنميل خفيف في الشفاه ومش عايز يروح وعلى الليل راح كل حاجة
تاني يوم الام راح بس بقيت اشعر بتخديل في الذراع الايسر مع الرجل اليسرى وبدا الموضوع يروح ويجي على فترات مرة الذراع الايمن مع الرجل اليمنى ومره الرجلين فقط ومرة الذراع الايسر مع الرجل اليمنى بيكون ما بين تخديل الى تنميل في اطراف الاصابع فقط واحيانا يكون في احساس بتعب وضعف في العضلات مع ملاحظة اني لما باعمل مجهود حركي باعمله عادي مش باحس بأي تعب وباكون نشيط جدا
احيانا يحصل تنميل خفيف في اللسان ويروح خلال ساعة وممكن يحصل تيبس في عضلات الوجه كأني واخد فيه لطشة برد وطبعا بطني بيبقى فيها شوية تقلصات في الامعاء
ممكن شوية صداع في الجبهة مع تاثر بالانوار بالليل او زغلله مع الخط الصغير جدا او لما انقل عيني من رؤية عادية الى ورقة يحصل زغلله لمدة جزء من الثانية وبعدين الرؤية بتبقى طبيعية
* طبعا انا رحت لداكترة مخ وأعصاب
وعملت الاتي:
- رنين على المخ - رنين على الرقبة
- تحاليل دم (صورة دم - وظائف كلة وكبد - فيروسات كبد - بول - غدة درقية - كالسيوم وصوديوم وبوتاسيوم – سيولة – ANA )
إلى جانب الكشف السريري
وكل الاشعات والتحاليل طبيعية والحمد لله

المهم كتبولي ادوية للاكتئاب ومنومات ومهدئات وماخدش حاجة منها خااااالص
* رحت لطبيب قلب واوعية دموية
كشف عليا كشف مستفيض وعملي رسم قلب وكان طبيعي ومافيش اي مشكلة تخص القلب
* واخيرا رحت لطبيب باطني : وطبعا خليته يستبعد موضوع التوتر العصبي
فقالي انه ممكن يكون برد ادى الى روماتيزم لامفصلي في العضلات والاربطة
وكتبلي كاتافلام 50 وشوية فيتامينات وكالسيوم ومشيت علي عليه 10 ايام ماقدرش اقول بقيت كويس او لأ بس اقدر اقول اني حاسس بتحسن طفيف
لما وقفت العلاج بعد 5 ايام حسيت بتعب تاني المهم انها بتروح وتيجي زي ما تكون نوبات بكون مش طايق نفسي خلالها وقرفان اخر حاجة عرضت نفسي على طبيب عام في الشغل باحكيله القصة قاليي امشي على حقنة ديبوفيت فيتامين b مرة كل اسبوع لمدة 3 اسابيع مع ثيوتاسيد 60IMG تحسنت الحالة شوية بس بدأت ترجع في صورة ثابتة وهي عدم الراحة في جزء من الجسم على حساب الجزء الثاني يعني مرة النصف اليمين ومره النصف الشمال وان كان الاغلب الشمال وممكن بدون العراض السابقة اشعر بنبض في عضلة من العضلات الى جانب تقلصات في الامعاء
اخر طبيب مخ واعصاب بعد الكشف السريري طلب اني اجرب التجريتول 1/2 قرص لمدة اسبوعين ، اول جرعه منه عملتلي زي تيبس في الجسم وكنت تعبان منها جدا وبعدين عادي كاني ولا باخده ومستمر على العلاج والحالة بتروح وتيجي .... يعني كويس 5 ايام وتعبان يويمن او 3 وهكذا
أرجوا الافاده براي حضراتكم