مساء الخير ...
رجاءا حابة استفسر منكم بخصوص مشكلة عم بتصير معي لما تجيني الدورة الشهرية
انا بالاساس صارلي 9 سنين من بدت معي الدورة الشهرية وطول هالسنين وكلشي ماشي معي طبيعي ...مشكلتي بدت قبل 5 شهور اول يوم للدورة صار عندي الم شوي بشفتي العلوية وشوي شوي بدت تنتفخ ووصلت لشكل بشع كتييير يعني صار حجمها كبير بشكل وظليت احطلها ثلج بس ما فاد ظلت ع هالحال حوالي 12 ساعة وبعدها اختفت و كلشي رجع لطبيعتو...
الشهر البعدو نفس الشي باول يوم للدورة صار عندي نفس الانتفاخ بس هالمرة كان اسوء الشفتين العلوية والسفلية انتفخو سوا واستمر حوالي 15 ساعة وكمان رجع كلشش لطبيعته ...
الشهر الي بعده انتفخت الشفتين وانتفخو عندي كمان الجفن العلوي للعينين بشكل ما عدت قادرة افتحن وكمان بعد15 ساعة رجعو طبيعي
الشهر الي فات مر طبيعي و ما صار اي شي
هالشهر انتفخت عندي الشفة العلوية بس ووجهي هالمرة انتفخ خصوصي بالجوانب جهة الفك والشفة راح انتفاخها ما طول 8 ساعات اما وجهي فصارله 3 ايام وما زال اثر الانتفاخ موجود لكنه قل
الي بدي افهمو ليش هالشي عم بيصير معي؟يعني انا رحت لعند طبيبة قالتلي انو عم بيصير معي تحسس جلدي ونصحتني قبل يومين من الدورة اخذ حبوب الرمين قبل النوم ولكن منفعوني ..
بلييز محتاااجة خبرتكن بهالموضوع ضرووووري لانو عن جد عم بيسببلي احراج كتييييير ومانعني اني روح ع الجامعة بكل مرة يصيرلي بيها ..يعني حابة اعرف منك شنو الشي الي تنصحوني اخذ لحتى يقل عندي هالتحسس او يبطل يصير؟؟يعني في نوع اكل عم يسببلي هالتحسس؟انا اساسا ما باخذ اي دوا ما عدا لما تجيني الدورة متعودة من زمان اخذ بونستان مشان يخفف الالم
مشكووووورين ع الرد مقدما