نصايح للبنات قبل ما تتخطب..عشان الخطوبة ما تتفسخش!!

  1. Smile نصايح للبنات قبل ما تتخطب..عشان الخطوبة ما تتفسخش!!

    نصايح للبنات قبل ما تتخطب..عشان الخطوبة ما تتفسخش!!

    آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

    أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....

    1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

    2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

    3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
    بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....


    4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

    5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

    6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

    7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

    8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

    9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

    10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....

    وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
    وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفاااااااااااا



    أيه رأيكم فى النصايح دى

  2. المدهش

    افتراضي

    انسى النصائح دى تماما

    انا بقى بنصح اى بنت انها تتصرف على طبيعتها

    وتبقى تقابلنى لو اتجوزت

  3. افتراضي

    شكرا يا مان على النصايح الغاليا دى بس ياريت البنات تطبقا كويس جدا


  4. افتراضي

    هو مفيش بنات قرت النصايح دى

    ولامكسوفات من الرد


    شكرا يا رجالة على مروركم الكريم

  5. افتراضي

    ميرسى يا مستر احمد على النصايح دى (شايف الرقه )
    بس قديمه قريتها قبل كد
    سورى

  6. افتراضي

    [align=center]يلا بينا نعمل فيلم رعب من النصائح دي ونكتب عليه

    ( للنساء فقط ) [/align]

  7. افتراضي

    انا هتكلم بكل صدق وصراحه بالنسبه ليا لو 5 بنات دخلوو وطلبو مني حذف الموضوع هحذفه علشان بكل صراحه موضوع رخم اووي ويخدش حياء اي
    انسانه عندها دم ولو من باب الهزار وارجوو منك يا اخي العزيز مستر احمد
    ان تتقبل نقدي لموضوعك بصدر رحب وشكرا


    الجنيرال

  8. افتراضي

    اخي العزيز دراكولا لقد قمت بحذف ردك علي الموضوع لان هذا المكان ليس بساحة لنقاش خلافاتنا يوجد لدينا منتدي المشرفين وبامكانك ان تعرف منه تراتبية القياده ولن اقوم بالتوضيح اكثر من ذلك وشكرا


    الجنيرال

  9. افتراضي

    انتم بتتكلمو عن موضوعي ولا عن حاجة تانية انا مش فاهم


    يا ريت توضح اكتر معني كلامك يا جنرال

    واسف لتاخري في الرد

المواضيع المتشابهه

  1. مخدات لدبل الخطوبة
    بواسطة كنوز في المنتدى منتدى الموضة و الشياكه والديكور
    مشاركات: 0
    آخر مشاركة: 08 - 05 - 2010, 03:01 PM
  2. خاتم الخطوبة
    بواسطة mohamadamin في المنتدى المنتدى الاسلامى
    مشاركات: 3
    آخر مشاركة: 11 - 03 - 2010, 01:33 PM
  3. اجمد واروش نصايح للشباب والبنات, ههههههههه مش هتقدر تقفل بقك من الضحك
    بواسطة dr.mido.in.love في المنتدى منتدى الصور الطريفة والنكت والطرائف
    مشاركات: 13
    آخر مشاركة: 08 - 01 - 2010, 10:12 PM
  4. 16 سبب عشان تعرف انك بتحب
    بواسطة Aya Essam في المنتدى منتدى الرومانسيه
    مشاركات: 23
    آخر مشاركة: 30 - 07 - 2009, 09:00 AM
  5. قضم الاظافر يؤدي الى تراجع الذكاء (نصايح للامهات)
    بواسطة Mr.Ahmed في المنتدى منتدى المرأه
    مشاركات: 9
    آخر مشاركة: 15 - 11 - 2006, 07:16 PM