كذب بعض أفراد الشرطة ولو صدقوا

  1. افتراضي كذب بعض أفراد الشرطة ولو صدقوا

    تلاحظ للجميع إبان الثورة الطاهرة انسحاب أفراد الشرطة من الشوارع والمصالح والمطارات وغير ذلك

    انسحب الأمن تاركا البلاد بلا أمن ولا أمان

    انسحبوا وتسببوا فى فتح المعتقلات والسجون وهروب آلاف المعتقلين والمسجونين والذين من بينهم من هم محكوم عليهم بالإعدام

    انسحبوا تاركين المجرمين الهاربين من المعتقلات والسجون يعيثون فى الأرض فسادا

    ولكن هيهات هيهات

    لقد أص...بح المصريون كلهم أفراد شرطة
    تشكلت اللجان الشعبية

    نزل الرجال امام بيوتهم حاملين معهم ما يمكنهم حمله للدفاع عن أنفسهم وبيوتهم وزوجاتهم وأولادهم وعائلاتهم

    نزل الشباب والشابات الى الطرقات والميادين لتنظيم حركة المرور

    انسحبت الشرطة ولكن لم ينسحب الشعب

    وفى هذا عظة واستفادة هامة جدا

    فالوطن للمواطنين

    والشعب هو الباقى

    أما الكراسى والأنظمة والحكام فهم زائلون أو منسحبون

    والعجيب أن بعض أفراد الشرطة تعللوا انسحابهم برغبتهم فى عدم حدوث أى اشتباكات مع المواطنين !!

    تعللوا بأنهم انسحبوا حتى لا يطلقون النيران الحية على المتظاهرين !!

    تعللوا بذلك وكأنهم من جنس ملائكة الرحمة

    ولكنى مهما يقولون فلن أصدقهم

    هل كان المتظاهرون يتواجدون بمطار القاهرة أو أى مطار غيره ؟

    هل كان المتظاهرون يتواجدون بمباحث التليفونات والاتصالات ؟

    هل كانوا يتواجدون بمباحث التموين ؟

    هل وهل وهل ؟

    فلماذا انسحبت الشرطة من المطارات والموانىء البحرية ؟

    لقد أعلن المتظاهرون منذ اللحظة الاولى أن تظاهراتهم سلمية

    لا تخريب

    لا إفساد

    لا تدمير

    لا تكسير

    كانوا يرددونها سلمية سلمية

    لم يشتبكوا مع الشرطة وإنما الشرطة هى التى اشتبكت معهم

    لم يلقوا على الشرطة شيئا ولكن الشرطة هى التى بدأت بضربهم وإلقاء القنابل المسيلة للدموع والقنابل المطاطية وخراطيم المياه الساخنة

    كان المتظاهرون عزلا ليس معهم سوى سلاح الايمان بالله والإصرار على إسقاط النظام بطريقة سلمية

    أما الشرطة فهى التى كانت تستخدم السلاح الحى عن عمد

    كانت تقتل حتى الأبرياء الذين لا علاقة لهم بالتظاهر

    ألم يقتلوا صحفيا وهو يصور الأحداث من شرفته ؟

    ألم يقتلوا أطفالا فى عمر الزهور ؟

    ألم يخلعوا الزى الرسمى ويقتحمون المتظاهرين بخيلهم ورجلهم وإبلهم ؟

    ألم يثبت للعالم أن المتظاهرين أمسكوا ببعض رجال الأمن حال اقتحامهم ميدان التحرير ؟

    ألم تبث وسائل الإعلام المرئية وعلى الهواء مباشرة بعض المتظاهرين وقد عثروا على بطاقات وكارنيهات لرجل أمن إثر معركة الحمير والخيول والإبل بميدان التحرير ؟

    لقد انسحبت الشرطة وتركت البلاد بلا أمن وبلا أمان

    ولن أصدق أبدا أنهم كانوا يريدون الحفاظ على أرواح وسلامة المتظاهرين

    فقد كذب بعض أفراد الشرطة ولو صدقوا

  2. افتراضي

    تلاحظ للجميع إبان الثورة الطاهرة انسحاب أفراد الشرطة من الشوارع والمصالح والمطارات وغير ذلك

    انسحب الأمن تاركا البلاد بلا أمن ولا أمان

    انسحبوا وتسببوا فى فتح المعتقلات والسجون وهروب آلاف المعتقلين والمسجونين والذين من بينهم من هم محكوم عليهم بالإعدام
    رداً على هذه النقطة

    الشرطة انسحبت للنجاه من الموت بعد هجوم الآلاف على اقسام الشرطة

    وأهالى المساجين هربوهم استغلالا لعدم وجود الامن

    لم اقرأ باقي الموضوع بعد ما قرأت هذه البداية

  3. افتراضي

    اقتباس المشاركة الأصلية كتبت بواسطة More مشاهدة المشاركة
    رداً على هذه النقطة

    الشرطة انسحبت للنجاه من الموت بعد هجوم الآلاف على اقسام الشرطة

    وأهالى المساجين هربوهم استغلالا لعدم وجود الامن

    لم اقرأ باقي الموضوع بعد ما قرأت هذه البداية
    عفوا
    لو قرأت المقال الى آخره لكان كلامك مختلفا
    هل هاجم المواطنون المطارات والموانىء البحرية ؟
    بالطبع لا
    إذن فلماذا انسحبت الشرطة من المطارات والموانىء البحرية ؟

  4. افتراضي

    اقتباس المشاركة الأصلية كتبت بواسطة مدحت الخطيب مشاهدة المشاركة
    عفوا
    لو قرأت المقال الى آخره لكان كلامك مختلفا
    هل هاجم المواطنون المطارات والموانىء البحرية ؟
    بالطبع لا
    إذن فلماذا انسحبت الشرطة من المطارات والموانىء البحرية ؟
    مش مستعد ادخل في جدال

    انا اللى شوفته بعيني الاف من البقر هاجمين على مباني امن الدولة والاقسام والظباط والعساكر هربوا للنجاه بحياتهم

    مش مستعد اسمع حد يقعد يقنعني بأوهام

    بس يا ريت حضرتك توجه جهودك لعودة الحياه لمصر

    على فكرة البلد وقفت خالص ولو البنوك مرجعتش طبيعية خلاص كدة هناكل بعض
    وعلى فكرة في 2 مليون موظف شغال في السياحة خلاص بيوتهم اتخربت

    واحنا لسه فرحانين بالهبل اللي احنا عملناه وسميناه ثورة

  5. افتراضي

    اقتباس المشاركة الأصلية كتبت بواسطة More مشاهدة المشاركة
    مش مستعد ادخل في جدال

    انا اللى شوفته بعيني الاف من البقر هاجمين على مباني امن الدولة والاقسام والظباط والعساكر هربوا للنجاه بحياتهم

    مش مستعد اسمع حد يقعد يقنعني بأوهام

    بس يا ريت حضرتك توجه جهودك لعودة الحياه لمصر

    على فكرة البلد وقفت خالص ولو البنوك مرجعتش طبيعية خلاص كدة هناكل بعض
    وعلى فكرة في 2 مليون موظف شغال في السياحة خلاص بيوتهم اتخربت

    واحنا لسه فرحانين بالهبل اللي احنا عملناه وسميناه ثورة
    Ok
    مش هندخل فى جدل
    بس انا بتحفظ على لفظ " البقر "
    وبعدين الثورة مش هي اللى موقفة حال البلد
    الثورة مقلتش للبنوك تقف
    ولا قالت للمصالح والاعمال تقف
    ولا قالت للداخلية يسيبوا المطارات
    النظام السابق هو اللى عمل كدة عشان يوهمنا ان الدنيا هتتخرب بسبب الثورة
    والحل بسيط جدا
    والحل فى إيد من يدير شؤون البلاد حاليا
    وعموما انا مش زعلان من كلامك
    بالعكس
    انا حاسس انك وطنى وبتحب مصر وعايزها تتصلح
    وانا كمان وطنى وبحب مصر وعايزها تتصلح
    بس كل واحد فينا بيحبها بطريقته
    ونسأل الله أن يحفظ مصر ويصلح حالها سواء بطريقتى أو بطريقتك أو بأى طريقة أخرى

  6. افتراضي

    اقتباس المشاركة الأصلية كتبت بواسطة مدحت الخطيب مشاهدة المشاركة
    Ok
    مش هندخل فى جدل
    بس انا بتحفظ على لفظ " البقر "
    وبعدين الثورة مش هي اللى موقفة حال البلد
    الثورة مقلتش للبنوك تقف
    ولا قالت للمصالح والاعمال تقف
    ولا قالت للداخلية يسيبوا المطارات
    النظام السابق هو اللى عمل كدة عشان يوهمنا ان الدنيا هتتخرب بسبب الثورة
    والحل بسيط جدا
    والحل فى إيد من يدير شؤون البلاد حاليا
    وعموما انا مش زعلان من كلامك
    بالعكس
    انا حاسس انك وطنى وبتحب مصر وعايزها تتصلح
    وانا كمان وطنى وبحب مصر وعايزها تتصلح
    بس كل واحد فينا بيحبها بطريقته
    ونسأل الله أن يحفظ مصر ويصلح حالها سواء بطريقتى أو بطريقتك أو بأى طريقة أخرى
    اسمحلى بنظرتى المتواضعه والأقل خبره منك اكيد
    تعرف حضرتك دلوقتى بقى شرب الحشيش عادى فى الشوارع ومحدش قادر يكم الناس دى غير ان فيه حاجات كتير بتحصل بردو
    لازم نساعد نفسنا نرجع هيبة الشرطه المحترمه علشان نعرف نمشى وتبقى مش خايف على اختك ومراتك وامك فى الشارع وهما لوحدهم

    اى حد حاليا لسه عايز يعمل وقفات واعتصامات ومظاهره علشان اتفه الأسباب

    الدوله مش حمل الكلام دا دلوقتى خالص
    اللى حصل حصل والمفروض بقى نبنى ونعمل اللى علينا

    رشيد محمد رشيد قال كلمة عجبتنى وسط كلامه (( خلاص بقى مش عايزيين نقعد نتكلم فى اللى فات بص ايه الجديد ونعمله مصر تستحق اكتر من كده )).

  7. افتراضي

    اقتباس المشاركة الأصلية كتبت بواسطة مدحت الخطيب مشاهدة المشاركة
    Ok
    مش هندخل فى جدل
    بس انا بتحفظ على لفظ " البقر "
    وبعدين الثورة مش هي اللى موقفة حال البلد
    الثورة مقلتش للبنوك تقف
    ولا قالت للمصالح والاعمال تقف
    ولا قالت للداخلية يسيبوا المطارات
    النظام السابق هو اللى عمل كدة عشان يوهمنا ان الدنيا هتتخرب بسبب الثورة
    والحل بسيط جدا
    والحل فى إيد من يدير شؤون البلاد حاليا
    وعموما انا مش زعلان من كلامك
    بالعكس
    انا حاسس انك وطنى وبتحب مصر وعايزها تتصلح
    وانا كمان وطنى وبحب مصر وعايزها تتصلح
    بس كل واحد فينا بيحبها بطريقته
    ونسأل الله أن يحفظ مصر ويصلح حالها سواء بطريقتى أو بطريقتك أو بأى طريقة أخرى
    ازاي البنوك تفتح ومفيش امن
    ولو سمحت للناس الناس هتسحب كل فلوسها والبنوك هتخسر
    والمصالح والاعمال واقفة بسبب الغوغائية والعشوائية اللي الناس اتعلمتها من الثورة المجيدة كله عامل اضرابات بسبب وبدون سبب
    الناس كانت زي الكلاب المسعورة وبيقتلوا الظباط والعساكر في الشوارع واظن كفاية قوي فيديو ظابط اسكندرية والثوريين المحترمين مقلعينه ملط وقاتلينه

    تفتكر بعد اللى حصل دة ممكن ظابط يقف في مطار او في اي مكان

    يا استاذنا لحد دلوقتي الظباط مش عارفين ينزلوا شغلهم

    احنا بنحاول نصدر للعالم كله ولنفسنا فكرة ان الداخلية والحكومة حرامية وسفاحين واحنا ملائكة

    بالرغم من اننا منتخيرش عنهم

    اسبوع كمان او اسبوعين بالمنظر اللى احنا فيه دلوقتي وهتعرف اننا خربنا البلد بأيدينا

  8. افتراضي

    اقتباس المشاركة الأصلية كتبت بواسطة hero80 مشاهدة المشاركة
    اسمحلى بنظرتى المتواضعه والأقل خبره منك اكيد
    تعرف حضرتك دلوقتى بقى شرب الحشيش عادى فى الشوارع ومحدش قادر يكم الناس دى غير ان فيه حاجات كتير بتحصل بردو
    لازم نساعد نفسنا نرجع هيبة الشرطه المحترمه علشان نعرف نمشى وتبقى مش خايف على اختك ومراتك وامك فى الشارع وهما لوحدهم

    اى حد حاليا لسه عايز يعمل وقفات واعتصامات ومظاهره علشان اتفه الأسباب

    الدوله مش حمل الكلام دا دلوقتى خالص
    اللى حصل حصل والمفروض بقى نبنى ونعمل اللى علينا

    رشيد محمد رشيد قال كلمة عجبتنى وسط كلامه (( خلاص بقى مش عايزيين نقعد نتكلم فى اللى فات بص ايه الجديد ونعمله مصر تستحق اكتر من كده )).
    مفيش حد أبدا بيطالب بإلغاء جهاز الشرطة
    مفيش دولة فى العالم بدون جهاز أمنى
    لكن فى فرق بين الشرطة فى خدمة الشعب وبين الشرطة فى نقمة الشعب
    احنا عايزين الشعار الاول يبقى بحق وحقيقى مش مجرد شعار نظرى وبس بينما الشعار الثانى هو اللى بيحصل على أرض الواقع
    وأظن دى مسألة فى إيد رجال الشرطة نفسهم
    وفى فرق كبير بين هيبة الشرطة وخيبة الشرطة
    هيبة الشرطة هتيجى لما رجال الشرطة يحترموا الشعب والقانون والشعار اللى بيقول ان الشرطة فى خدمة الشعب
    أما خيبة الشرطة فهى موجودة بالفعل لانها أصبحت رمز إهانة وتعذيب واحتقار ومذلة الشعب وعدم احترام القانون وعدم الالتزام بشعار الشرطة فى خدمة الشعب
    على جهاز الشرطة إثبات حسن نواياها عشان الشعب يبدأ يصدقهم
    أما الاعتصامات والتظاهرات فى كل حتة لأى سبب فانه حق مشروع
    هو حضرتك من أنصار تكميم الأفواه وتقييد حرية التعبير والتظاهر ؟
    مفيش اعتصام او مظاهرة إلا ولها سبب
    طب نشوف أسباب المتظاهرين ايه وندرسها بحيادية وموضوعية ونقعد معاهم ونحاول نحل مشاكلهم
    أما كلام رشيد محمد رشيد فهو كلام عام ويحتاج الى تفسير عشان نعرف هو يقصد ايه بالظبط
    مفيش حاجة اسمها اللى فات فات وخلاص
    فى حاجة اسمها ان اللى فات لازم يكون فى عين الاعتبار ومنخلهوش يرجع تانى

  9. افتراضي

    اقتباس المشاركة الأصلية كتبت بواسطة مدحت الخطيب مشاهدة المشاركة
    مفيش حد أبدا بيطالب بإلغاء جهاز الشرطة
    مفيش دولة فى العالم بدون جهاز أمنى
    لكن فى فرق بين الشرطة فى خدمة الشعب وبين الشرطة فى نقمة الشعب
    احنا عايزين الشعار الاول يبقى بحق وحقيقى مش مجرد شعار نظرى وبس بينما الشعار الثانى هو اللى بيحصل على أرض الواقع
    وأظن دى مسألة فى إيد رجال الشرطة نفسهم
    وفى فرق كبير بين هيبة الشرطة وخيبة الشرطة
    هيبة الشرطة هتيجى لما رجال الشرطة يحترموا الشعب والقانون والشعار اللى بيقول ان الشرطة فى خدمة الشعب
    أما خيبة الشرطة فهى موجودة بالفعل لانها أصبحت رمز إهانة وتعذيب واحتقار ومذلة الشعب وعدم احترام القانون وعدم الالتزام بشعار الشرطة فى خدمة الشعب
    على جهاز الشرطة إثبات حسن نواياها عشان الشعب يبدأ يصدقهم

    أما الاعتصامات والتظاهرات فى كل حتة لأى سبب فانه حق مشروع
    هو حضرتك من أنصار تكميم الأفواه وتقييد حرية التعبير والتظاهر ؟
    مفيش اعتصام او مظاهرة إلا ولها سبب
    طب نشوف أسباب المتظاهرين ايه وندرسها بحيادية وموضوعية ونقعد معاهم ونحاول نحل مشاكلهم

    أما كلام رشيد محمد رشيد فهو كلام عام ويحتاج الى تفسير عشان نعرف هو يقصد ايه بالظبط
    مفيش حاجة اسمها اللى فات فات وخلاص
    فى حاجة اسمها ان اللى فات لازم يكون فى عين الاعتبار ومنخلهوش يرجع تانى

    بالنسبة للجزء الاحمر
    اعتقد اللي حصل درس لجهاز الشرطة ولن يعودوا كما كانوا ابدا
    كفاية هجوم عليهم عشان الحياة تستمر
    ولازم نديهم فرصة للعودة كأختبار


    بالنسبة للمظاهرات الفئوية
    تمام جدا انك توصل صوتك وتطالب بحقك
    لكن مش بتعطيل البلد
    موظفين البنوك عطلوا البنوك
    عمال المدابغ عطلوا طريق صلاح سالم
    اهالي كفر الشيخ اساتذة في قطع الطرق
    طيب دي تبقى مظاهرات؟


    بالنسبة لرشيد وغير رشيد فالعالم دي كلها هتتغير مع الرئيس الجديد

    يا ريت تدي للبلد الفرصة انها تتنفس

  10. افتراضي

    اقتباس المشاركة الأصلية كتبت بواسطة مدحت الخطيب مشاهدة المشاركة
    مفيش حد أبدا بيطالب بإلغاء جهاز الشرطة
    مفيش دولة فى العالم بدون جهاز أمنى
    لكن فى فرق بين الشرطة فى خدمة الشعب وبين الشرطة فى نقمة الشعب
    احنا عايزين الشعار الاول يبقى بحق وحقيقى مش مجرد شعار نظرى وبس بينما الشعار الثانى هو اللى بيحصل على أرض الواقع
    وأظن دى مسألة فى إيد رجال الشرطة نفسهم
    وفى فرق كبير بين هيبة الشرطة وخيبة الشرطة
    هيبة الشرطة هتيجى لما رجال الشرطة يحترموا الشعب والقانون والشعار اللى بيقول ان الشرطة فى خدمة الشعب
    أما خيبة الشرطة فهى موجودة بالفعل لانها أصبحت رمز إهانة وتعذيب واحتقار ومذلة الشعب وعدم احترام القانون وعدم الالتزام بشعار الشرطة فى خدمة الشعب
    على جهاز الشرطة إثبات حسن نواياها عشان الشعب يبدأ يصدقهم
    أما الاعتصامات والتظاهرات فى كل حتة لأى سبب فانه حق مشروع
    هو حضرتك من أنصار تكميم الأفواه وتقييد حرية التعبير والتظاهر ؟
    مفيش اعتصام او مظاهرة إلا ولها سبب
    طب نشوف أسباب المتظاهرين ايه وندرسها بحيادية وموضوعية ونقعد معاهم ونحاول نحل مشاكلهم
    أما كلام رشيد محمد رشيد فهو كلام عام ويحتاج الى تفسير عشان نعرف هو يقصد ايه بالظبط
    مفيش حاجة اسمها اللى فات فات وخلاص
    فى حاجة اسمها ان اللى فات لازم يكون فى عين الاعتبار ومنخلهوش يرجع تانى
    بالعكس انا مش ضد المظاهرات
    بس خالينا ندى فرصه بقى للناس تشتغل وتغير مش نشغلهم بمظاهرات واعتصامات البلد خسرت كتير اوى وكسبنا نجاح ثوره وتنحى نظام فاسد
    كل اللى انا بقصده ندى فرصه للناس تشتغل وتعمل اللى عليها ونرد بقى ونعمل اعتصامات لو مفيش حاجه اتغيرت

    اللى بيمتحن ويجيب ملحق بيروح يمتحن دور تانى . يعنى لازم ندى فرصه للشغل يتم وكل واحد يشوف مصلحته
    اما جهاز الشرطه هيبته من خيبته فدى مسؤلية وزارة الداخليه واحنا المفروض ننمى فينا احترام المواطن

المواضيع المتشابهه

  1. الشرطة الاندونيسية ومتعة الاعتقال
    بواسطة Casper 101 في المنتدى منتدى الصور المتنوعة
    مشاركات: 7
    آخر مشاركة: 14 - 02 - 2013, 08:49 AM
  2. الشرطة السرية
    بواسطة ثقافي في المنتدى منتدى العلم والثقافة والمعلومات العامة
    مشاركات: 0
    آخر مشاركة: 07 - 10 - 2011, 06:09 AM
  3. مُخْتَبر الشرطة
    بواسطة ثقافي في المنتدى منتدى العلم والثقافة والمعلومات العامة
    مشاركات: 0
    آخر مشاركة: 16 - 06 - 2011, 04:59 AM
  4. القرد فى اعمال الشرطة
    بواسطة كنوز في المنتدى منتدى الصور الطريفة والنكت والطرائف
    مشاركات: 2
    آخر مشاركة: 04 - 09 - 2010, 04:05 AM
  5. هل يحق للبنك مطالبتي عن طريق الشرطة
    بواسطة قوبي في المنتدى منتدى القانون
    مشاركات: 1
    آخر مشاركة: 30 - 08 - 2010, 11:13 AM