تفتكرو اسباب الخيانه الزوجيه ايه !!

[Kenz]

[align=center]ماهى اسباب الخيانه الزوجيه عموما؟
*1*الرغبات الجنسيه

*2* اهمال الزوج

*3* اهمال الزوجه

*4* كثرة الخلافات
عزيزى القارئ
اختيارك مهم يعبر عن رايك فهل ستعبر ام تكون .....يعنى ملكش لزمه

ارجو التبرير والشرح عند الاختيار[/align]

[تيتو]

الاربع اسباب مع بعض بتخلق الخيانه الزوجيه

بس اقواهم كثره الخلافات الزوجيه

اولا الخلافات بتصنع جو من القلق المستمر وعدم الاستقرار وانعدام الراحه الجسديه والعقليه بيضطر الزوج او الزوجه يدوروا على الراحه والاستقرار عند طرف اخر غير شريك حياته وبيساعد على كده اهمال احد الطرفين لاجتياجات الاخر

ثانيا اهمال الزوج للزوجه دا شئ في منتهى الخطوره وبالذات اهماله لها في واجباته الزوجيه بمعني العلاقه الجنسيه بينهم دا ممكن يكون كارثه لان خيانة الزوجه كارثه على المسلمين جميعا اكثر من خيانه الزوج
دا مش تشجيع مني للازواج انهم يخونوا بالعكس دا انا بحملهم المسؤليه اكتر لانه المسؤال الاول والاخير عن اشباع رغبة زوجته الجنسيه حتى لا تنظر للخارج ولو هو عمل كده اكيد هو كمان مش هايخونها
الرغبه الجنسيه مش عامل كبير لانها متوفره بالنسبه للطرفين في بعضهم بس اهمال احد الطرفين للاخر في اشباع رغبته الجنسيه هايخليه يضطر يدور على طرف اخر يشبعها ليه



معلشي انا اتكلمت بصراحه جدا
بس الخجل عمره ما هايحل مشكله ولا هانقدر ننصح بيه حد محتاج نصيحه
طولت اوي عليكم معلشي استحملوني

[الفرعون العاشق]

كل سبب من الاربعه ينفع سبب للخيانه الزوجيه
وكل منهم سبب اقوى من الاخر بمفرده
حيث ان الناس تختلف
القسوة من الزوج على زوجه الرقيقه قد تجعلها تبحث عن الحنان فى الخارج
الفرعون العاشق

[وائل نصر]

انا رايي ان الخيانه الزوجيه ملهاش سبب غير سوء التربيه ونقص العقيده
فلو في خلافات او اي حاجه ده مش مبرر للخيانه

[وائل نصر]

آه نسيت اللي الخيانه في طبعه لو مفيش اي سبب هيخون

[Mr.Ahmed]

انا رايي ان الخيانه الزوجيه ملهاش سبب غير سوء التربيه ونقص العقيده
فلو في خلافات او اي حاجه ده مش مبرر للخيانه

انا مع وائل لأن اى سبب تانى هو مجرد مبرر او عذر يختلقه الخائن نفسه

مفيش حد عايش من غير مشاكل ومشاكل صعبة كمان

[الوزير]

انا معاك يا وائل الخيانه ما هى الا طبع نشا الفرد عليه ( اى بالعاميه الطبع غلاب)
ولو كل الاسباب دى موجوده بس الايمان بالله والنصيب المكتوب للانسان عمره ما هيخون وده للطرفين سواء الزوج او الزوجه




الوزيـــــــــــــــــــــــــــــــــــــــــــــ ــــــــــــــــــر

[الجنيرال]

انا بتفق مع وائل ومستر احمد الخيانه نتيجه لنقص في المعرفه الدينيه بالنسبه للزوج والزوجه وعلي افتراض ان الزوج اساء معاملة الزوجه فهاذا خطا لان اساءة معامله الزوجه ليست من تعاليم ديننا الحنيف وايضا بالنسبه للزوجه لو اساء الزوج معاملتها يجب ان تصبر واذا لم تستطع فعليها ان تطلب الطلاق هذا ان استحال اصلاح الزوج اذا كان مخطيء او العكس وليبحث كل منهما عن شخص افضل وشكرا



الجنيرال

[mahmod waer]

اول شى احب اقوله ان الخيانه ديه جمله بس مضمونها خطير بس الكلام ده يا اخى مش للمسلمين الان الدين الاسلامى حل جميع مشاكل البشر وبعدين زوج وزوجه مش مرتحين مع بعض مش لازم خيانه الطلاق افضل للطرفين

[الجنيرال]

وده شيء انا ذكرته بس الخيانه مش شيء جميل زي ما ذكرت يا اخي علشان لو انت اللي في الموقف ده مش هتقول كده صدقني


الجنيرال