يا حلم ناقص يا امل زيادة ياهم مظبوط على دنيا سادة
يا عمر محمج وطعمه مارق مراسيلك سبقتها المفارق
فنجانك مكسور وقهوتك ميت لون
وبشرك نصهم قر والنص التانى شر
دا غير الحسد والنكد مليانه ياكل الصدور
ياحلم ناقص وامل زيادة ياهم مظبوط على دنيا سادة
بنزل شغلى وبطلع كوبرى عالى فى العلالى
زى الحلم فوق متعلق والكل ماشى عليه حتى فى نصاص الليالى
مش بقول لك حلم ناقص وامل زيادة وهم مظبوط على دنيا سادة
ولما بنزل تحت الرصيف ابص لفوق اشوفك عالى
غريب يازمانى بتعلينى ومثبتنى مكانى
بعد اذنك نزلنى تانى
مش بقول لك حلم ناقص وامل زيادة وهم مظبوط على دنيا سادة