تعظيم سلام .. محكمة !!!!!!!

  1. افتراضي تعظيم سلام .. محكمة !!!!!!!

    كتبت خبر امبارح تحت عنوان (ماتت قلوب الناس )
    وطبعاً كان حصرى قبل حتى الجرئد ما تكتب عنه النهارده .
    المهم نتابع الخبر .

    قال ايه ان ممدوح بيه.ممدوح باشا أسماعيل . وابنه ولى العهد براءه من تهمه العباره لأنهم مش عليهم مسؤليه جنائيه .
    مش انا اللى بقول دى المحكمه وهيئة الفضاء يوووووووووه القضاء محدش يلغبطنى .

    طب خلى المستمع مجنون والى بيتكلم عاقل . ازاى وفين ومنين واشمعنى ؟؟؟؟؟؟؟؟؟؟!!!!!!!!!!!


    دا خلاص الدنيا بقت مفتوح على بعضها ومفيش حاجه بتستخبى دا بوش لما وقع فى الحمام اللى فى بلاد نم نم عرف .

    يعنى بعد الفضائح اللى شوفناها والمهاذل والأهالى واللى منهم ام شافت ابنها حى يرزق وربنا نجاه من الغرق وتسأل عليه يقولولها لسه منعرفش عنه حاجه مع انها شافته فى الشفاخانه ( قصدى المستشفى ).


    وغير كتير وكتير من الأحداث المماثله والمؤلمه اللى الناس شافتها واللى تخلى الواحد يبكى من شدة أسفه وألمه على الضحايا والأطفال الأبرياء .

    الناس مش ناقصه . خلينا نقول برئ واحنا غلط ومش فاهمين حاجه . فيها ايه لما نضحى بيه علشان نسكت الناس اللى ممكن تموت من الغيظ وانا واحد منهم ويبقى ضربنا عصفورين بحجر واحد والحدق يفهم .

    سؤال بقى وتجاوبوا عليه بكلمه واحده :
    هيئة الفضاء يوووووه برضه لغبطونى ( القضاااااء ) ياترى انسان ولا من جنس تالت ؟!!!!


    ده موضوع امبارح (ماتت قلوب الناس ) [URL="https://forum.arabia4serv.com/t5564.html"]https://forum.arabia4serv.com/t5564.html[/URL]


    والخبر هتلاقيه فى كل الجرائد والمواقع الأخباريه .
    [URL="http://www.almasry-alyoum.com/article2.aspx?ArticleID=115038"]http://www.almasry-alyoum.com/article2.aspx?ArticleID=115038[/URL]

  2. افتراضي

    اخى هيرو
    نحن احاء فى لباس الاموات
    ممدوح بيه اسماعيل برئ
    وركاب العبارة هم المتهمون
    هم المسئولون عن غرف العبارة
    ( اصلهم ميعرفوش يركبوا عبارات ولا يركبوا بحار)
    الله المستعان

  3. افتراضي

    هيرو

    هارون

    فى الحقيقة انا شايف ان انتو اللى غلطانين
    وشايف ان العيب راكبكو من ساسكو لراسكو
    ازاى انتو منبهتوش على الناس دول عشان ميركبوش سفن ؟؟
    كان لازم تعملوا المستحيل عشان الناس متغرقش
    واللى يعارضكم من الركاب ترموه فى البحر
    لكن للاسف الشديد محدش منكم عمل حاجة
    حد فيكم يقدر يقوللى هو عمل ايه ؟
    حد منكم راح يشرب البحر عشان المية تخلص والسفينة متعرفش تعوم ، ولو عامت متعرفش تغرق ، ولو غرقت الناس مش هتلاقى مية تغرق فيها ؟؟؟
    أصل فى ناس بتشرب عسل النحل
    وناس بتشرب من كعانها
    وفى ناس بتشرب مية معدنية
    وناس بتشرب م البحر
    وحيث انكم مشربتوش مية البحر كلها
    يبقوا انتوا اللى قتلتوا بابايا


  4. افتراضي

    فى برنامج على المحور محامى ممدوح اسماعيل كان بيقول انتو غلطانين كنتو تعلموهم العوم قبل ما يسافروا

    والله افتكرته واحد جاى يهزر وبيتريق على الحكم


    طلع محامى ممدوح اسماعيل

المواضيع المتشابهه

  1. محكمة العدل الدولية
    بواسطة ثقافي في المنتدى منتدى العلم والثقافة والمعلومات العامة
    مشاركات: 0
    آخر مشاركة: 14 - 06 - 2011, 08:26 PM
  2. محكمة الأحداث
    بواسطة ثقافي في المنتدى منتدى العلم والثقافة والمعلومات العامة
    مشاركات: 0
    آخر مشاركة: 14 - 06 - 2011, 08:20 PM
  3. محكمة بيابودر
    بواسطة كنوز في المنتدى منتدى العلم والثقافة والمعلومات العامة
    مشاركات: 0
    آخر مشاركة: 18 - 02 - 2011, 06:15 PM
  4. معلومات عن محكمة العدل الدولية
    بواسطة عضو عامل في المنتدى منتدى العلم والثقافة والمعلومات العامة
    مشاركات: 0
    آخر مشاركة: 16 - 03 - 2010, 04:30 PM
  5. محكمة الحب
    بواسطة نقطة حبر في المنتدى منتدى الشعر و الخواطر
    مشاركات: 8
    آخر مشاركة: 08 - 10 - 2009, 06:51 PM