الدور الدور الدور الدور 00 موعودة يللي عليكي الدور

  1. افتراضي الدور الدور الدور الدور 00 موعودة يللي عليكي الدور









    00000000000000000


    لا يزال المخطط قائما
    افتعلوا حدوتة السلاح الكيماوى
    استطاعوا استصدار القرارات اللى همة عايزينها من مجلس الامن
    دخلوا العراق
    بانت أكاذيبهم قدام الدنيا كلها
    فين السلاح الكيماوى ؟
    مفيش سلاح كيماوى
    طب هنتصرف ازاى يا جماعة ؟
    نخترع محاكمة صورية لصدام حسين
    نقول انو ارتكب جرائم ضد الانسانية وتسبب في اعدام 148 مسلما شيعيا في بلدة الدجيل عام 1982
    نقدمه للمحاكمة الصورية واحنا حطين فى بطننا بطيخة صيفى ان الحكم هيصدر بالاعدام
    وبالفعل
    تمت التمثلية زى الكتاب مبيقول
    وتم اعدام صدام حسين
    وتم الاستيلاء على العراق
    000000000
    طب يا جماعة احنا عايزين نستولى على السودان
    عايزين ناخد خيرها
    نعمل ايه ؟
    الحدوتة بتاعت السلاح الكيماوى مش هتنفع
    الحدوتة خلاص بقت اسطوانة مشروخة
    طب الحل ايه ؟
    لقينا الحل
    احنا نقول ان الرئيس عمر البشير متهم بجرائم حرب وابادة شاملة فى دارفور
    وبالشكل ده نقدر نقدمو للمحاكمة
    بس هنحاكمو فين ؟
    دى حاجة سهلة وبسيطة خالص
    هنحاكمو قدام محكمة الجنايات الدولية
    ايه المشكلة يعنى ؟؟؟
    احنا إيدينا طويلة جدا
    مش هتفرق معانا محكمة الجنايات الدولية او محكمة مجرمى الحرب او محكمة وطنية
    مش هتفرق
    مفيش حكم هيطلع على خلاف اللى احنا عايزينو
    لو عايزين المحكمة تحكم باعدام البشير يبقى هيطلع الحكم باعدام البشير
    دى حاجة سهلة جدا ومفروغ منها
    يبقى خلاص
    نقدم البشير للمحاكمة قدام محكمة الجنايات الدولية
    يعنى لازم ندخل السودان ونقبض عليه
    يعنى لازم نفضل موجودين فى السودان لمنع اى شغب ممكن يحصل نتيجة القبض على البشير
    يعنى لازم تكون القوات العسكرية بتاعتنا منتشرة فى كل مكان فى السودان
    ومدام قواتنا العسكرية موجودة فى السودان
    ومدام هيتم اعدام البشير
    يبقى لازم نغير الحكومة
    لازم نجيب حكومة مخلصة لينا كل الاخلاص
    ومدام الحكاية هتبقى بالشكل ده
    يبقى السودان خلاص بقى بتاعنا زى العراق اللى بقى بتاعنا
    خطة كويسة
    وجارى التنفيذ
    0000000000000
    بس أمانة عليكو محدش يسألنى مين اللى بعد البشير
    نحن نعمل فى صمت
    و
    الدور الدور الدور الدور 00 موعودة يللي عليكي الدور


    00000000000
    قريبا
    وبناء على طلب الاستاذ احمد بسيونى
    اعدام الفرعون

  2. افتراضي

    السيناريو بقى محفوظ وبايخ وممل

    والله انهارده سمعت الخبر فى الجزيره ضحكت من سذاجتنا واستهتار امريكا بنا

    نفس قصة العراق ستتكرر فى السودان ستتولى امريكا تعيين رئيس للسودان وكأنها مسؤوله عن اصلاح العالم

    وبدون ادنى شك الدور على ليبيا حتى يكتمل الحصار على اكبر دوله فى المنطقه "مصر"

    ولا زالت الجزيره تناقش هل البشير مذنب ام لا

    هل هذه سذاجه ام انهم يخشون التصريح بالحقيقه الواضحه للجميع

  3. افتراضي

    اولا وقبل كل حاجة يا استاذ مدحت بحب اقولك

    لا تشكو للناس جرحا انت صاحبه لا يؤلم الجرح الا من به الالم


    يا سيدي لما نتكلم على بلد عربي واحنا غرباءعن البلد دة ومنعرفش حاجة عنهم ولا ايه اللي حصلهم ولا عشنا معاهم ولاعرفنا مصايبهم فاحسن لينا ان نسكت ومنتكلمش خالص
    انا عراقية وعايشة بالعراق وهتكلم بالجزء اللي يخص بلدي وطبعا كنت عايشة تحت حكم صدام كمان
    يعني انا ادرى منك بكتير بموضوع العراق اللي انت غافل عنه وعايش في بلد تاني ومتعرفش عن بلدنا الا من الاخبار ووسائل الاعلام العرية او اجنبية على حد سواء


    نخترع محاكمة صورية لصدام حسين
    نقول انو ارتكب جرائم ضد الانسانية وتسبب في اعدام 148 مسلما شيعيا في بلدة الدجيل عام 1982



    يعني انت مقتنع ولا تحاول تقتنعنا بان صدام كان بريئا ضد هذه الجرائم البشعة ؟
    هو انت تفتكر ان دة جريمة الوحيدة اللي قام بها هذا الحاكم ؟

    ياريت اقدر اكتبلكم ولو جزء بسيط من الجرائم دي
    بس اعمل ايه العين بصيرة والايد قصيرة لان دة ممنوع في منتدانا
    وحياة ربنا لو حضرتك او اي شخص تاني قرا او عاش من اللي حصل لينا تحت حكمه لشب شعر راسك

    ياراجل بلاش تقلب علينا المواجع اللي احنا عاوزيين ننسى جزء بسيط منها

    انا عارفة ومتاكدة انو هسمع وهقرا معارضيين للردي دة وخاصة من اشخاص مش عايشين في العراق لانهم مكنوش عارفيين بظروفنا
    على العموم مقدرتش اقرا كلامك وما ارد على موضوعك

  4. افتراضي

    بالنسبه لرد الاخت الغاليه febe

    "حرية الرأى مكفوله للجميع طالما يتم عرض الرأى بدون تجريح وبدون ازدراء للأديان"


    واعتقد لا يوجد اى انسان يستطيع ان يخالفنى فى هذا القانون السارى فى منتدانا

    الاستاذ مدحت عرض رأيه فى الموقف الامريكى العراقى وانتى عرضتى رأيك فى نفس الموقف

    اذن لا توجد مشكله

    نحن فى هذا الموقع لا نفرض رأى بل نعرض رأى

    لكن اسمحى لى ان اسألك بعض الاسأله بغض النظر عن الرئيس الراحل صدلم حسين وافعاله ايا كانت

    اين اسلحة الدمار الشامل؟
    اين البترول العراقى؟
    كم عراقى مات فى ظل الاحتلال الامريكى؟
    لماذا تتواجد امريكا فى العراق حتى الان؟

    لا داعى للعصبيه ننحن هنا نتناقش

  5. افتراضي

    لكن اسمحى لى ان اسألك بعض الاسأله بغض النظر عن الرئيس الراحل صدلم حسين وافعاله ايا كانت

    اين اسلحة الدمار الشامل؟
    او بالاصح قول لي بماذا استعمل واين استعمل اسلحة الدمار الشامل ؟ كدة هقدر اجاوبك استعملها صدام على شعبه اولا على الاكراد في الحلبجة وعلى محافظات الجنوبية في العراق وطبعا يا ما صرخنا وقولنا محدش كان بيسمعنا الا بعد سيطرة صدام على كويت وخطورة غزواته على دول العربية المجاورة عندئذا بس قالوا ان صدام عمل كدة وكدة وعنده كدة وكدة



    اين البترول العراقى؟
    واين كان البترول العراقي في زمن صدام ؟
    يا اخي كدة او كدة احنا مشفناش بترول سيبك من كلام دة لانك كويس عارف ومتاكد ان اي حد لازم يكون ليه مصلحة في دخول العراق وبما ان المصلحة كانت متبادلة فلما الرفض



    كم عراقى مات فى ظل الاحتلال الامريكى؟ قول كم عراقي مات واتعذب واتشرد وهاجر في زمن حكم صدام ؟
    على اقل ياسيدي كلامك بتقول في ظل الاحتلال يعني زي مانت بتقول احنا دولة محتلة من قبل امريكا
    بس سابقا كنا تحت حكم واحد عراقي بس كم واحد فينا مات تحت جرائمه ؟



    لماذا تتواجد امريكا فى العراق حتى الان؟ ياريت حد تاني سمعنا من قبل وقبل مساعدتنا غير امريكا
    لماذا لم يساعدنا بلد تاني غير امريكا ؟
    انا بقصد على دول العربية
    اين كانوا؟
    على العموم دة مصالح سياسية ورجال السياسة ادرى بالعمل دة



  6. افتراضي

    بذكاء هربتى من الاجابه على كل الاسأله اللى وجهتا لك لكن اسمحيلى بالاجابه بداخل الاقتباس
    كلامى باللون الازرق

    اقتباس المشاركة الأصلية كتبت بواسطة febe مشاهدة المشاركة
    لكن اسمحى لى ان اسألك بعض الاسأله بغض النظر عن الرئيس الراحل صدلم حسين وافعاله ايا كانت

    اين اسلحة الدمار الشامل؟
    او بالاصح قول لي بماذا استعمل واين استعمل اسلحة الدمار الشامل ؟ كدة هقدر اجاوبك استعملها صدام على شعبه اولا على الاكراد في الحلبجة وعلى محافظات الجنوبية في العراق وطبعا يا ما صرخنا وقولنا محدش كان بيسمعنا الا بعد سيطرة صدام على كويت وخطورة غزواته على دول العربية المجاورة عندئذا بس قالوا ان صدام عمل كدة وكدة وعنده كدة وكدة

    انا اقصد اين الاسلحه التى جاء الامريكان من اجلها؟
    حتى امريكا لم تعلن ان صدام استخدم اسلحة الدمار التى يزعمون انه امتلكها بل قالو انه يمتلكها وهذا يشكل تهديد للمنطقه
    يعنى بأختصار انا كنت اقصد ان امريكا جائت للعراق بحجة اسلحه غير موجوده اصلا

    اين البترول العراقى؟
    واين كان البترول العراقي في زمن صدام ؟
    يا اخي كدة او كدة احنا مشفناش بترول سيبك من كلام دة لانك كويس عارف ومتاكد ان اي حد لازم يكون ليه مصلحة في دخول العراق وبما ان المصلحة كانت متبادلة فلما الرفض

    الم تكن العراق من اغنى الدول العربيه فى فتره من حكم صدام
    اذا كان احنا المصريين شوفنا البترول العراقى انتى بتقولى ان العراقيين مشافوش البترول العراقى


    كم عراقى مات فى ظل الاحتلال الامريكى؟ قول كم عراقي مات واتعذب واتشرد وهاجر في زمن حكم صدام ؟
    على اقل ياسيدي كلامك بتقول في ظل الاحتلال يعني زي مانت بتقول احنا دولة محتلة من قبل امريكا
    بس سابقا كنا تحت حكم واحد عراقي بس كم واحد فينا مات تحت جرائمه ؟
    كالعاده هربتى من اجابة السؤال


    لماذا تتواجد امريكا فى العراق حتى الان؟ ياريت حد تاني سمعنا من قبل وقبل مساعدتنا غير امريكا
    لماذا لم يساعدنا بلد تاني غير امريكا ؟
    انا بقصد على دول العربية
    اين كانوا؟
    على العموم دة مصالح سياسية ورجال السياسة ادرى بالعمل دة

    امريكا لم تقصد مساعدتكم بل بالصدفه توافق مصلحة كارهى صدام مع مصلحة امريكا
    لا تعتقدى فى يوم من الايام ان امريكا جائت لمساعدتكم

    يا اخت febe انتى فقط ضد صدام على طول الخط
    تتذكرين فقط سيئاته ولا تذكرى حسناته
    وايضا مع امريكا على طول الخط تتذكرين حسناتهم ولا تتذكرى سيئاتهم

  7. افتراضي

    ههههههههههههههههههه
    والله انا مش مصدقة اللي بقراه دة
    يا اخي يا مشرف العام انا عاوزة اقولك حاجة مهمة وكلنا عارفيين الكلام دة بس الجريء مننا قادر يقولها

    صدام كان رجل امريكي وكلنا عارفين دة كويس وكان اداة في ايد امريكا وكان عنده كل الدلائل والبراهين لتورط امريكا ودول التانية معاه في غزواته المتعدة وعلشان كدة فكان من مصلحة امريكا التخلص منه والمصلحة دة مصلحة الطرفين يعني احنا كمان كنا محتاجين اننا نتخلص منه
    يعني طبقنا المثل عدو عدوي صديقي



    اما عن البترول فانا بقصد على اموال الدولة
    اين صرف اموال الدولة
    مانت دلوقتي بتقول كان العراق من اغنى الدول العربية في زمن صدام
    هل تصدق لو قلت ان بعض مناطق الرئيسية في بغداد عاصمة العراق كان شوارعها غير مبلط وبعض مناطقها بيوت قابلة للهدم
    دة العاصمة فكيف الحال بالمحافظات
    وطبعا مش هكتبلك عن اكتر من 75 قصرا لصدام ولا عن اثاثه ولا عن القصور لاعوانه وعن الاموال في البنوك العالمية باسمه او باسماء المستعارة وعن اولاده واعوانه او حتى عن قريته التي اصبحت ارقى من العاصمة
    انا قصدي على الاموال دة فاين نحن الشعب من الاموال دة ؟
    انا مقدرش اكتبلك عن اوضاع العراق كيف كان لان دة محتاج كتاب مش جمل او صفحات



    انا وحدة من كتير من العراقيات والعراقيين اللي بنعرف كويس ومتاكديين كويس ان مساعدة امريكا للعراق كان لمصلحتهم هم قبل ما يكون لمصلحتنا


    (يا اخت febe انتى فقط ضد صدام على طول الخط
    تتذكرين فقط سيئاته ولا تذكرى حسناته
    وايضا مع امريكا على طول الخط تتذكرين حسناتهم ولا تتذكرى سيئاتهم)



    لا طبعا يا احمد انا مش معاك خالص في كلامك باني معي امريكا طول الخط دة كلام باطل والله
    انا عاوزة اوظح بان امريكا هم اللي ساعدونا في تخلصنا من صدام
    وامتى انا قلت ان لامريكا حسنات


    اما عن كلامك باني اذكر سيئات صدام ولا اذكر حسناته

    ليه هو صدام كان ليه حسنات ؟


    اه افتكرت قصدك حسناته لدول العربية
    طبعا دة اللي خلاكم تدافعوا عنه لحد الان
    ياريت كان ليه جزء بسيط من حسنات دي لشعبه ساعتها كان الشعب معه ومحدش كان قادر لا امريكا ولا اي بلد تاني يخلعه

  8. افتراضي

    اعتقد يا febe انا وصلت فكرتى وانتى وصلتى فكرتك والاستاذ مدحت وصل فكرته
    نترك الفرصه لباقى الاعضاء

  9. افتراضي

    هههههههههههههههههه -هي أمريكا محتاجة اي حجج علشان تدخل السودان او مصر او ايران او غيرها أمريكا هي البلطجي اللي مش ممكن يهمه اي قوانين ثم انها عايشه معانا وكل اللي ناقصنا حمل الهوية الامريكية - (جواز السفر الامريكي - اللي له احترامة ومكانته ) لو تأملتم بوش حين يجلس بجانب اي حاكم عربي او مسلم ستجد هذا الحاكم يجلس وكأنه التلميذ البليد الغبي يا جماعه احنا تحت الاحتلال الامريكي المستتر وللعلم امريكا لو لها مزاج تحرق هتحرق وبدون اي حجج ومافيش حد هيقدر يفتح (بقه) - نزلوا بنما واخذوا نوريجا - ضربوا ليبيا - واتفسحوا في لبنان شويه بس مافيش حاجه هناك يخدوها - وطنشوها ومشيوا لأنها تعتمد علي السياحة وبس - ضربوا قارب وقتلوا شخص في قناة السويس وكان مجرد حادث حسب ما اعتبرناه - وأكلنا البتاع ده وسكتنا - ( في النهاية امريكا مش بتاعت حجج ولو لها مزاج تضرب كل العرب حالا هتضرب - اوباما حاليا يستعين بكوادر ذات خبرة في العراق وافغانستان والمسلسل مش هينتهي بس كل حلقة لها مخرج وممثلين

  10. افتراضي

    الله لايغير مابقوم الا ان يغيروا ما بأنفسهم . العرب داخل بلادهم الحكم يكون صح من الشعب ،عندها يحترمك أسرائيل وأتباغها مثل أمريكا وأروبا ،

المواضيع المتشابهه

  1. الدور التعليمي للجامع الأموي
    بواسطة ثقافي 2 في المنتدى منتدى العلم والثقافة والمعلومات العامة
    مشاركات: 0
    آخر مشاركة: 12 - 10 - 2012, 09:38 PM
  2. الدور التعليمي لجامع قرطبة
    بواسطة ثقافي في المنتدى منتدى العلم والثقافة والمعلومات العامة
    مشاركات: 0
    آخر مشاركة: 18 - 03 - 2011, 07:59 AM
  3. بلكونة شفافة, في الدور 103 !!!!!!!!!!!!!!!!!
    بواسطة big3mmar في المنتدى منتدى غرائب وعجائب العالم
    مشاركات: 20
    آخر مشاركة: 22 - 02 - 2010, 08:39 PM
  4. الدور
    بواسطة More في المنتدى منتدى العلم والثقافة والمعلومات العامة
    مشاركات: 0
    آخر مشاركة: 07 - 01 - 2010, 11:25 AM
  5. شعر فى مدح الحور العين
    بواسطة bokhare في المنتدى منتدى الشعر و الخواطر
    مشاركات: 0
    آخر مشاركة: 06 - 11 - 2006, 11:48 PM