إحنا كدة واللى مش عاجبو يخبط دماغو فى الحيط

  1. افتراضي إحنا كدة واللى مش عاجبو يخبط دماغو فى الحيط

    اتكلمت قبل كدة عن مشكلة امتحان النحو اللى كان مطلوب فيه اعراب ما تحته خط وتفاجأ الجميع انو مفيش اى كلمة تحتها خط
    مشكلة تانية فى مادة التفاضل وحساب المثلثات اللى جات تعجيزية على مستوى جميع الطلبة
    تفتكروا ليه جات تعجيزية ؟
    يمكن عشان العيال تسقط ؟
    يمكن عشان محدش يدخل الجامعة ؟
    يمكن عشان العيال تنتحر ؟
    يمكن عشان الجامعات اللى بفلوس تشتغل ؟
    ولا يمكن عشان الدروس الخصوصية تكتر ؟
    المهم ان احنا مش بنعرف نحسبها صح
    مشكلة تالتة فى مادة اللغة الانجليزية اللى اتسربت
    لما الامتحان يتسرب يبقى ايه فايدة الامتحان ؟
    ايه الفرق بين الطالب الشاطر والطالب الخايب ؟
    وليه واحد بليد ياخد مكان واحد شاطر فى الجامعة لمجرد انو دفع 1000 جنيه وعرف الامتحان ؟
    للدرجة دى احنا متخلفين ؟
    للدرجة دى احنا رجعيين ؟
    للدرجة دى معندناش امانة ؟
    للدرجة دى مفيش اى احساس بالمسؤلية ؟
    طب ليه منعدش الامتحانات من جديد عشان كل واحد ياخد فرصتو الحقيقية ؟
    من الغريب ان مشكلة تسريب الامتحانات حصلت فى المانيا
    بس الحكومة هناك قررت اعادة امتحان مادة الرياضيات لطلاب الصف العاشر للتعليم الأساسي بعد أن ثبت تسرب أسئلة الامتحان مسبقاً إلي تلاميذ نحو ٦٠ مدرسة من إجمالي ٣٤٦ مدرسة في برلين ، وعلى الرغم ان اولياء الامور رافضين حكاية اعادة الامتحان ، لكن الحكومة مصرة على الاعادة طبقا للقانون
    واحنا عندنا اولياء الامور عايزين اعادة الامتحانات بس الحكومة رافضة تماما الاعادة
    شىء طبيعى انها ترفض
    لو الامتحان اتعاد يبقى فعلا الامتحان اتسرب
    هو انتو يعنى عايزين تقولوا ان الامتحانات اتسربت وخلاص ؟؟
    احنا كدة
    لازم ندارى ع الغلط
    احنا كدة
    مش ممكن نعترف باخطاءنا ابدا
    إحنا كدة واللى مش عاجبو يخبط دماغو فى الحيط

  2. افتراضي

    وبعد ما تخبط رأسك فى الحيط
    ايه اللى هيحصل .
    زى ما قاال عمرو أديب اللى مش عاجبوا يرحل

    تحياتى ليك يا استاذى

المواضيع المتشابهه

  1. الجزر المرتفعة في الحيط الهادئ
    بواسطة ثقافي 2 في المنتدى منتدى العلم والثقافة والمعلومات العامة
    مشاركات: 0
    آخر مشاركة: 15 - 11 - 2012, 11:49 AM
  2. صور فنية رائعة للفنان نيك هيوا
    بواسطة More في المنتدى منتدى الفنون - رسم - تصوير - تصميم
    مشاركات: 0
    آخر مشاركة: 04 - 05 - 2011, 03:02 PM
  3. القمر والمد والجزر
    بواسطة ثقافي في المنتدى منتدى العلم والثقافة والمعلومات العامة
    مشاركات: 0
    آخر مشاركة: 22 - 03 - 2011, 06:57 AM
  4. إدنا فربر
    بواسطة ثقافي في المنتدى منتدى العلم والثقافة والمعلومات العامة
    مشاركات: 0
    آخر مشاركة: 28 - 02 - 2011, 11:28 PM
  5. بنك الدم واللى فيه معندهومش دم
    بواسطة hero80 في المنتدى المنتدى العام
    مشاركات: 0
    آخر مشاركة: 04 - 09 - 2008, 03:09 PM