حوار بين أثنين سمعهم تقييييييييييييييييييييل . جااامد

  1. Thumbs up حوار بين أثنين سمعهم تقييييييييييييييييييييل . جااامد

    حوار بين اثنين سمعهم ثقيل


    تخيلوا لو اتنين سمعهم ثـقيل اتكلموا مع بعض!! . ايه اللي ممكن يحصل ؟ تعالوا نشوف اتنين من دول، واقفين على محطة الاتوبيس ودار بينهم الحوار ده :

    الأول : الاتوبيس ده بيروح مــصر الجديدة؟
    الثاني : على الحديدة !!... ليه انت طالب احسان
    الأول : بذرة الكتان !! لا ..دي تلاقيها عند العطار
    الثاني : جزار!! اه ..قوللي كده .. عايز تشتري لحمة
    الأول : معك حق.. الدنيا زحمة ..علشان ده ميعاد خروج الموظفين
    الثاني : نور الدين !! لا والله .. ماعرفوهش
    الأول : ما بتشربوش!! ليه ..كفا الله الشر
    الثاني : رأس البر !!! ..ده مــصيف هادي
    الأول .: عايز تركب للمعادي... دي منطقة جميلة
    الثاني : بليلة !! انت شكلك كده جعان
    الأول : عيان!!! أي والله .انت باين عليك عيان ..طيب ما تروح للدكتور
    الثاني: الحنطور!! ده احسن من الأتوبيس ، وبيوصلني لحد الباب
    الأول : هبــــاب !!! وانا اللي كنت فاكرك محترم
    الثاني : اتخـرم !! هو مين ؟؟
    الأول : عاوز اسـبرين ! ليه انت عندك صداع ؟
    الثاني : قراع !!! ينهار اسود . ده مرض خطير
    الأول : لا والله مش عايز. وبعدين مش بأحب الفطير. تقيل على المعدة وتمنه غالي
    الثاني: خالي.. انت تعرف خالي ؟ ده راجل كبير في السن
    الأول : الجن .. نهارك مش فايت ..انت عليك عفريت .!؟
    الثاني : لا والله ..ممعاييش.. انت عايز الكبريت ليه . عايز تولع؟

    الأول : أدلع ! أدلع عليك انت!؟ انت ما تملاش عنيا
    الثاني :يقبضوا عليا !! ليه !؟
    الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش
    الثاني : خيش!! والله ده صوف انجليزي
    الأول: بنتك زيزي!!! ربنا يخلي...
    الثاني : أنتاج محلي .!!!! ده مستورد

    يمر شاويش من بتوعنا ... يلفت انتباه الحوار، : بتعمل ايه يا جدع منك له!!!
    الاتنين: ايوة يا شاويش ...احنا مستنين الأتوبيس

    الشاويش :! نهاركم مش فايت .... جواسيس !!! قدامي على القسم
    ( الحبيب أمر منهم )


  2. افتراضي

    الحقيقة الموضوع رائع جدا
    بس متغير عن اللى قرأته قبل كده شوية بسيطة
    bouky


  3. افتراضي

    الموضوع جميل جد يا hero
    بس انا كنت قرأته قبل كدة وهو متغير حبتين صغنطتين
    bouky

  4. افتراضي

    هههههههههههههههههههههههههههههههههههههههههههههههههه ههههههههههههههه اشطة عليك يا مان

  5. افتراضي

    هههههههههههههههههه
    الغريبه انهم ردو على الشاويش صح
    قصة حلوة وجميله ومضحكة
    شكرا على الموضوع يا هيرو وننتظر جديدك

    تقبل مرورى

  6. افتراضي

    هههههههههههههههههههههههههههههههه
    هههههههههههههههههههههههههههههه
    هههههههههههههههههههههههههههههه
    دول اتنين عسل اوى



المواضيع المتشابهه

  1. دوار واجهاد
    بواسطة sdokmosta في المنتدى منتدى الطب
    مشاركات: 0
    آخر مشاركة: 30 - 10 - 2011, 09:55 PM
  2. حوار مع صديق
    بواسطة البيلسان في المنتدى منتدى الشعر و الخواطر
    مشاركات: 9
    آخر مشاركة: 08 - 11 - 2010, 10:49 PM
  3. حوار مع دمعة .
    بواسطة BOUKY في المنتدى منتدى الشعر و الخواطر
    مشاركات: 8
    آخر مشاركة: 02 - 11 - 2008, 01:57 AM
  4. حوار مع أهل الشبهات
    بواسطة مدحت الخطيب في المنتدى المنتدى العام
    مشاركات: 29
    آخر مشاركة: 08 - 09 - 2008, 06:03 PM
  5. القلــــــب يحب واحد أو أثنين .. حدد موقف
    بواسطة febe في المنتدى منتدى الرومانسيه
    مشاركات: 5
    آخر مشاركة: 11 - 09 - 2007, 09:12 PM