تعرف " الجيش العربي فين "

[كابي]

[align=center]
واحد اتنين الجيش العربي فين
الجيش العربي في مصر،
ساكن في مدينه نصر،
بيصحي من النوم العصر،
وبيفطر شاي ومنين
واحد اتنين الجيش العربي فين
الجيش العربي في سورية
، حالق عالموضه كابوريا،
وعلي طريقة فكتوريا،
خلي الترماي بدورين
واحد اتنين الجيش العربي فين
الجيش العربي الليبي،
زي الفن التكعيبي،
كله بتنجان يا حبيبي
، الظاهر واخد عين.
واحد اتنين الجيش العربي فين
، الجيش العربي خليجي
، ما فيه حيل لا يروح ولا ييجي
، هذا صمت استراتيجي
، اش فيك يا غراب البين.
واحد اتنين الجيش العربي فين
الجيش العربي في تونس
اخضر مثل البقدونس،
وعزيزه بتعشق يونس
يبقي الحروبات بعدين
واحد اتنين الجيش العربي فين
الجيش العربي سوداني
، سامع رنته بوداني،
هو انا هاهجم فرداني
يالا ارجع يا أبو حسين [/align]
عرفت بقي الجيش العربي فين ؟؟؟؟؟؟؟؟؟؟؟؟؟؟؟

[little lover]

لا لسه مش عارف ممكن تقول فين هههههههههههه

[drakola]

حلوة يا كابى
على فكرة انا هحصلك بالعيش والحلاوة على هناك
عارف انت بقى هتبقى فين؟؟؟؟؟؟؟؟؟؟؟؟

[كابي]

يا راجل عيش وحلاوة اية متبقاش بخيل طيب قول عيش وفراخ ( يا ريت تكون علي الفحم )
وشكرا عموما علي انك عندك الجرئة تيجيلي

[drakola]

كباب وكفتة عشان متزعلش
وطبعا هجيلك انا مهم جدا هناك ومش يقدروا يستغنوا عنى ابدا

[فى الاصل حلوانى]

انت بتفكرنى بخلاويص لسة خلاويص لسة بتاعة زمان
على العموم جامدة جدا
واحب اقولك ان الجيش العربى كان مزنوق شوية فراح يعمل زى الناس وبعد كدة اختفى بس انا عندى فكرة حلوة اوى
الحل عند المفتش كرومبو مين اللى سرق الجيش اللعبة اللى بينور
ومتخفش العيش والحلويات فى الطريق
ويا كابى سير سير واحنا وراك على المواسير
يلا عشان تكمل