رسالة حلوة اووووووووووى

  1. افتراضي رسالة حلوة اووووووووووى

    الرسالة دي يا جماعة سمحلي صاحبها اني انشرها على الموقع الرائع ده و ملخص قصتها انه خاطب بنت عن حب و البنت دي حست بالوحدةو الزهق شوية بسبب كتر المشاكل بتاعة الخطوبة و بسبب انه مشغول عنها في شغله لدرجة انها خافت من الخطوبة كلها فبعتتله ايميل فيه كل اللي هي حاسة بيه و هو ده الرد عليها
    الرسالة قمة في الروعة و الرومانسية و العقل المنضبط من وجهة نظري فياترى انتو وجهة نظركوا ايه؟؟؟

    اليكم النص الكامل للرسالة و اتمنى ان كل و احد يدخل يحط تعليق ولو بسيط يقول رايه

    بسم الله الرحمن الرحيم الحمد لله رب العالمين و الصلاة و السلام على رسول الله صلى الله عليه و سلم
    خطيبتي الحبيبة
    اريد الرد على بريدك الاكثر من رائع ، ولكن دعيني اطلب منك الاتي:
    1- ان تقرأي كلامي بقلبك ثم بعقلك ثم بروحك ثم بباقي حواسك.
    2- ان تعلمي و انت تقرأي ان كاتب هذه الرسالة هو قطعة منك و ميراثك في هذه الدنيا.
    3- ان تعلمي تماما اني احبك و لم يتغير حبي لك و الحمد لله و لن يتغير حبي لك ان شاء الله.
    خطيبتي الحبيبة
    دعيني ابدا حديثي معك بتساؤل واحد: هل تعتقدي انك وحدك من افتقدتي (و)؟؟؟؟
    في بعض الاحيان انا شخصيا ابحث عن (و) .. ابحث عنها وسط اوراقي، وسط ذكرياتي، وسط مجريات حياتي و ربما بحثت عنها في ايام لم اكن اعرفها فيها.
    اريد ان ابدا حديثي معك عن الضعف
    التساؤل هو.. هل ضعف الزوجة امام زوجها يعد خيبة
    هل ضعف الزوجة امام زوجها يجعل الزوج يتعاظم كالشيطان حين يسبه انسان
    هل ضعف الزوجة امام زوجها ينقص من قدرها
    و التساؤل الاهم من ذلك
    هل ضعف الزوجة امام زوجها يعد ضعفا
    دعيني اجيب عليك على كل تساؤل
    الاول: فإن ضعف الزوجة امام زوجها لا يعد خيبة بل هو قمة الذكاء و الفطنة لزوجة تحب زوجها و تريد رضاؤه و الحصول على جنة الدنيا و الاخرة
    الثاني: ان كان الزوج غير محب للتعالي و لا محب للتفاخر و يخاف المولى عز و جل فان ضعف زوجته يحوله الى حائط خرساني يحيط بها مزودا بجهاز تكييف و كل وسائل الراحة و الترفيه فقط ليحصل على ابتسامة نابعة من جذور قلبها
    الثالث: فإن ضعف الزوجة امام زوجها لا ينقص من قدرها لديه .. بل العكس فإنه يرجح موقف الزوجة و يجعلها الى الابد صاحبة حق و الى الابد يصبح الزوج معها كالطفل الصغير يفعل كل ما يستطيع حتى يحصل على رضاها
    الرابع و هو الاهم: فإن ضعف الزوجة امام زوجها لا يعد ضعفا .. بل هو القوة المكتسحة التي احالت شمشون الى لعبة اطفال في يد دليلة و احالت قيصر الى طفل يسيل المخاط من انفه اما كليوباترا و لذا فان ضعفك انتي امامي يا ملاكي هو اساس قوتك و مصدر قوتي انا.. فانا عندما تضعفين ادافع عنك بكل كينونتي ولكن عندما تنتهجي نهج القوة يصبح دوري انا كرجل ضئيل جدا .. فما هو دوري كرجل ان كانت زوجتي قوية
    (و) حبيبتي
    الرجل الحق بداخله فراغ خاوي تماما لا تملأه الا زوجته و اثيرة قلبه
    الرجل الحق هو الذي يكتب عقدا بمقتضاه تصبح الزوجة هي المالكة الاولى و الاخيرة لكل محتويات جسده
    و ان عدنا الى رسالتك و انك تشعرين بالوحدة
    في بعض الاحيان يا مليكتي الحبيبة يشعر الانسان و هو في وسط الالاف المؤلفة من الحشود بانه وحيدا .. لماذا؟؟؟
    لان تفكيره متفرد في نوعه و لا يقارنه اي تفكير اخر
    قناعته في الدنيا تختلف عن قناعة الاخرين
    اسلوبه في الحياة يتضاد مع اساليب كثيرة محيطة به
    و من هنا يشعر الانسان بالوحدة بسبب التفرد في التفكير
    السؤال هو من اسلوبه هو الاصح كي يتبع
    و الاجابة
    ربما كان هذا الانسان يحاول وضع الامور في نصابها الصحيح
    ربما كان يحاول ان يكون مجتمع جديد مبني على اسس سليمة
    دائما و ابدا يا (و)
    اقناع الاخرين لا يتم بالعنف
    و لكن يتم بهدوء شديد
    و على سبيل المثال الخير
    رسول الله صلى الله عليه و سلم اقنع امة كاملة باعتناق الاسلام باللين و اللطف
    و على سبيل المثال الشرير
    هتلر استطاع ان يقنع كل امراة في المانيا كي تتبرع بطقم الالامونيا الخاص بها لصنع الطائرات
    و انت يا (و)
    لا سبيل مطلقا لشعورك بالوحدة
    لا تنتظري من والدتك ان تشعرك بالحنو ولا من اخيك و لا من صديقتك ولا من اي احد
    حتى انت ان نظرت بداخلك لوجدت داخلك لا يرجو الاقتراب الا على اتجاهين
    الاتجاه الاول ناحية رب العامين
    الاتجاه الثاني ناحية زوجك الذي زوجكيه رب العالمين
    ان ما صنع بيني و بينك هذه المسافة كثرة الخلافات سواء كانت من داخلنا او من خارجنا
    ذكريني يا (و) متى خرجنا سويا كي نتناقش في شئ لا احد من اهلينا طرف فيه
    ذكريني متى استطعنا ان نحصل على راحتنا و كل منا ضيف في بيت والدته
    ان هذه الوحدة تزيد الحساسية التي بداخلك
    على سبيل المثال ان الطفل في بطن امه يظل وحيدة و حين يولد يكون جلده و عيناه حساسين تجاه الضوء المباشر
    هكذا انت
    توحدتي لفترة و تدثرتي بدثار القلق و الخوف و الغيرة المنبثقتان اما من خوف و قلق والدتك و اما من خوفك و قلقك الشخصيين
    لماذا تقلقي مني يا اجمل بشري عرفته في عمري كله
    انا الذي لا ينام و لا يكل الا حين يطمئن ان كل ما حولك بخير و امان
    حين تحدث المشاكل
    اكون انا اتحدث معك اريد ان اصل لنتيجة ترضيكي و في نفس الوقت بدون حدوث خسائر من ناحيتي تستنزف جزء من تفكيري انتي الاولى به
    فنظل نتحدث ربما حتى الساعات الاولى من النهار ولا نصل لنتيجة سوى ان احد منا يمرض او يتعب او ينام مهموما
    اريد يا (و) حين تحدث مشكلة بيننا نتحدث فيها ليس على اساس ان لاحد منا حق عند الاخر .. بل على اساس اننا نحن الاثنين كيانا واحدا
    و كي تكوني على علم
    ان كانت الناس كلها تفهمك خطا فانا الوحيد الذي يفهم (و) فهما سليما .. تسأليني كيف؟؟؟
    لو تذكرتي يا (و) ستجدين انني دائما و ابدا افسر تصرفاتك حتى ولو كانت خاطئة لصالحك .. تذكري جيدا
    فلا تنتظري من احد ان يفهمك فهما سليما يا (و) سواي
    في اخر مشكلة كادت ان تردي ما بيننا في مقتل كان تفسيري لموقفك انك تشعرين بالقلق و الخوف و انك بحاجة للشعور بالامان
    هذا الكلام توصلت اليه من قبل ان اتحدث مع والدتك
    دعيني انا اسألك هذا التساؤل: و اجيب عليه
    لماذا اقل شئ في الدنيا يفرحك؟ و لماذا اقل شئ في الدنيا يحزنك؟
    سأجيبك على هذا التساؤل من اخره الى اوله:
    الشيطان .. قرين الانسان .. يضخم له الامور كي يلهيه عن ذكر الله تماما
    ان حدث شئ فيه حزن لك وسوس لك كي يقنطك من رحمة الله سبحانه و تعالى و الله ارحم بعباده من امهاتهم
    و ان حدث شئ فيه فرح لك و لو قليل يضخمه لك ايضا كي يلهيك عن ذكر الله سبحانه و تعالى
    الفرحة يا مليكتي و قرة عيني تقترن اقترانا تاما بالقرب من الله سبحانه و تعالى
    فان كان الانسان قريبا من الله من خلال انتظامه في الصلاة و خشوعه الشديد فيها و قرائته المستديمة للقران الكريم .. فك الله اسره من حبائل الشيطان
    فان اصابته ضراء رضي بقضاء الله و حمده و فرح بان الله يبتليه كي يكفر عنه سيئاته
    و ان اصابته سراء رضي و حمد و سر و فرح ان الله يريد ان يشرح صدره
    و ان تذكر ان له زوجا يحبه و يخلص له بكل ذرة في كيانه ... لا يصبح هناك اي مجال كي يحزن
    الشق الثاني من الكلام اسمحيلي ان اتحدث باللهجة العامية
    روح قلبي
    انتي حاسة برهبة يا ملاكي و انا مقدر تماما كدة و ده عشان انتي شايفة نفسك متدلعة اليومين دول في بيت ماما و و الاكل و الشرب بيجيلك لحد عندك
    بعد فترة هاتلاقي نفسك مسئولة عن بيت كامل بأكله بشربه بالراجل اللي عايش فيه
    مسئولية
    و مش مسئولية هينة يا نور عيني ربنا يعينك
    بتشوفي نظرة بنت عندها 10 سنين خايفة من العقاب
    البنت اللي عندها عشر سنين دي بنتي انا و محدش يقدر يعاقبها ابدا ان شاء الله طول ما نفسي بيتردد في الدنيا و بعدين قوليلي يا مايصة هاتتعاقب على ايه
    عشان عصبية شويتين
    لأ و الف لأ
    انتي مخلصة و دي اهم صفة بحبها فيكي و رزينة و تفكيرك حلو و دماغك كبيرة و رقيقة و محترمة و بتصلي و جميلة كمان
    و الاهم من ده كله انتي بتحبيني قوي و انا حاسس كدة
    بالنسبة لطيش الشباب يا ملاكي لشاب مش عارف يبدا طريقه منين
    اعملي زيي
    و خلي طريقك يبتدي من ساعة لما يتقفل علينا باب بيتنا
    بالله عليكي مزهقتيش من ده قال و ده عاد و ده راح و ده جه و ده عمل و ده سوى
    اكيد زهقتي
    خلي ايمانك بالله هو القائد لحواسك
    اكيد انتي استخرتي ربنا قبل ما تقبليني
    و اكيد ربنا مش هايوفقك الا للي فيه الخير ليكي و لدينك و معاشك و عاقبة امرك
    اوعي يا (و) تيأسي ابدا
    لما بكون زعلان منك بمجرد لما تقوليلي اسفة بس انا بروق و بهدى يبقى فين مجال اليأس هنا
    كل نرفزتك و عصبيتك بتترجم لصالحك و عمرها ما اترجمت ضدك ابدا بامارة اني لسة معاكي و حبي ليكي بيزيد يوم بعد يوم

    من وسط ردي على كلامك يا (و) هاشرحلك انا شعوري ايه
    اليومين اللي فاتوا بصيت على الشخص اللي هو نفسي
    لقيتك جنبي
    بتحاولي تبذلي كل ما هو غالي و رخيص عشان ترضيني
    و انا شايف و عارف و حاسس و مش بنسى
    لكن بلاقي نفسي بعد كدة من اقل حاجة بيحصل زعل كبير
    من اقل حاجة صوتك بيتغير و احساسك بيحصله انسداد
    بعشق حنانك
    بلاقي حنانك نفسه اتقلب قسوة على غلطة غلطتها او غيري غلطها
    طيب ليه
    الحلو في الموضوع ده يا (و) ان رصيدك عندي عالي قوي
    و على طول بيغطي على الحاجات الوحشة اللي بنقابلها
    تفتكري ليه عملتلك جوايا حصالة احوشلك فيها الحاجات الحلوة اللي بتعمليها معاكي
    السبب الوحيد و الاساسي اني بحبك
    عارفة يعني ايه بحبك
    يعني بفكر فيكي في كل وقت سواء فيه سبب او مفيش سبب
    يعني بتوخى الحذر دايما في كل حرف بقوله او كل حركة اعملها لحسن تجرحك
    بصي انا مش هاقدر ارد على الايميل كله النهاردة
    انا طبعته و عمال اقراه على طول
    لكن دلوقتي هاقولك حاجة واحدة بس
    انا اسف يا (و) بجد و الله العظيم على الوحدة اللي انتي حسيتي بيها
    اسف بجد بكل جوارحي
    اسف بجد بجد
    سيبيني اعوضك كل حاجة حصلت سواء مني او من غيري
    انتي بنتي
    انتي زوجتي
    انتي اختي
    انتي صديقتي
    و قبل كل ده
    انتي حبيبتي
    بعشقك يا (و)
    اقسم بالله العلي العظيم بعشقك

  2. افتراضي

    يا سلام يا ايه على الكلام الجميل وحشتني مواضيعك يا قمر ميرسي جدا على الموضوع

  3. افتراضي

    متشكرة اوووى على ردك على الموضوع يا فيبى

المواضيع المتشابهه

  1. رسالة من ،،
    بواسطة ibr في المنتدى منتدى القانون
    مشاركات: 1
    آخر مشاركة: 06 - 09 - 2010, 11:23 AM
  2. رسالة حب
    بواسطة بكاء الياسمين في المنتدى منتدى الشعر و الخواطر
    مشاركات: 8
    آخر مشاركة: 25 - 08 - 2010, 03:59 PM
  3. رسالة الى من تحب
    بواسطة هارون في المنتدى المنتدى العام
    مشاركات: 0
    آخر مشاركة: 18 - 12 - 2008, 09:51 PM
  4. رسالة الى مها
    بواسطة ismet في المنتدى منتدى الشعر و الخواطر
    مشاركات: 7
    آخر مشاركة: 26 - 05 - 2008, 09:50 PM
  5. رسالة بلا صدى
    بواسطة dr.mido.in.love في المنتدى المنتدى العام
    مشاركات: 2
    آخر مشاركة: 26 - 04 - 2007, 01:05 AM