باركولى خطبنى عضو من المنتدى

  1. افتراضي باركولى خطبنى عضو من المنتدى

    *
    *
    *


    باركولي خطبني عضو من المنتدى


    هذا العضو انسان راقي وخلووق


    انسان حنون ويحبني......


    من اول ما سجلت في المنتدى وهناك شيء يجذبني اليه

    يجعلني ابحث من خلف ردوده ومشاركاته

    يجعلني اسارع واتساابق لأكون اول من يرد على مواضيعه



    وقبل فتره

    تفاجأت بانه ارسل لي رساله خاصه يطلب ايميلي



    تقدم لي وخطبني


    ما اريده منكم ان تدعووون لنا بالتوفيق




















































































    اللي صدق كلامي يعترف بسررررعه

    أعترفوا بسرعه ترى ربي يشوفكم ^_*




    احم احم

    ترى السالفه موو صحيحه ابدا


    بس حبيت أمهد للموضوووع

    اللي هو:



    ما هو رد فعلك إذا تقدم للزواج منكِ صديق فى المنتدى ؟

    و كل علاقتك به عن طريق المواضيع و الردود فى المنتدى وبعد المسنجر

    ((مع ملاحظة أن سلوكه فى المنتدى و ردوده توحي بأنه إنسان ممتاز جدا ))

    السؤال هنا

    هل تقبلين أن يتقدم لك بهذه الطريقة ؟

    هو يقول إنه لا يهمه شكلك

    و لكنه

    معجب

    بروحك

    وثقافتك

    وأدبك

    واسلوبك

    وتدينك و ...و...

    وهل تعطينه تفاصيل عن حياتك ؟ عنوانك مثلا !

    وكيف تضمنين إن نواياه صادقه ؟

    وما هي الضوابط التي تطلبيها لكي تحمي نفسك إذا لم يكن صادقا ؟

    *
    *
    *
    *

    ماذا تفعل انت إذا تقدم شخص لإختك أو لإبنتك بهذه الطريقه ؟

    لاحظ إنه يريد الزواج مباشرة .

    وإن رفضتم ما هي الأسباب التي تجعلكم ترفضون ؟

    وأنا وجدت مواضيع مشابهه له فى المنتدى ولكن ليس بنفس دقة السؤال

    اتمنى من كل العضوات والاعضاء يشاركون بالموضوع
    وبصريح العباره كل واحد يقول رايه وكل واحد حر بآرائه
    *****************************

  2. افتراضي

    انا معتقدش ان السرعة تنفع فى الزواج يا اية وباقى الاسئلة بقه البنات اللى تبقى ترد عليها

    وعقبالك يا اية


    ههههههههههههههههههههه

  3. افتراضي

    ههههههههههه على فكرة يا ايه انا صدقت كلامك وكنت هكتبلك التهنئة كمان على الخطوبة ههههههههههههه ,على العموم موضوع جميل وكمان ايوة في موضوع مشابه لموضوعك وهو (حين يخفق القلب لشخص في المنتدى ) بس موضوعك تطور للجواز كمان هههههههه المهم انا هرد على اسئلتك اولا (ما هو رد فعلك إذا تقدم للزواج منكِ صديق فى المنتدى ) هتفاجيء كتير والله لان الجواز مش بسهولة دي ,و(هل تقبلين أن يتقدم لك بهذه الطريقة ) لا مبحبش ان يكون دة الطريقة اللي يتقدم فيها , و(وهل تعطينه تفاصيل عن حياتك ؟ عنوانك مثلا !)مش بسهولة كدة ادي عنواني لاي شخص على النت حتى لو كان قريب جدا مني , و(وكيف تضمنين إن نواياه صادقه ؟)لازم اطلب منه اعرفه بشكل افضل ونتقابل في مكان عام وبوجود افراد من الاسرتين,و(وما هي الضوابط التي تطلبيها لكي تحمي نفسك إذا لم يكن صادقا ) هو اني لازم اعرف من الاول اول ما اعمل حاجة انه اعرف انه صادق معاية ولا لا بطلبي منه اعرفه في حياتنا الواقع مش على النت وبس ولو رفض دة اكيد هعرف انه يحاول اللعب وانه مش صادق معاية,و(ماذا تفعل انت إذا تقدم شخص لإختك أو لإبنتك بهذه الطريقه ؟) عادي بحاول اعرف نواياه قبل ما اقول رايي فيه , على العموم يا ايه الفكرة كلها لازم اعرف انه صادق ولا لا وذلك باني هطلب منه نتقابل في الواقع مش على النت وزي ما قولتلك بجود افراد من العيلتين وكمان الجواز مش بسهولة كدة حد يحب وحدة على النت او في المنتدى ويطلبها للجواز في الجواز يوجد حجات لازم نعرفها عن الشخص غير الاعجاب والحب انا معاك لو شعرنا بالحب او اعجاب لاي حد في المنتدى او على النت ودة سببه من كثرة وتعاملنا مع الشخص دة لاكتر من ساعات في اليوم بس ما اظنش توصل للجواز ,وميرسي جدا على الموضوع الرائع


  4. افتراضي

    جزاكى الله خيرا يا فيبى ومتشكرة على التنهئة وعقبال الحقيقى

  5. افتراضي

    السلام عليكم ورحمة الله وبركاته
    كان نفسى اقولك الف مبروك اوى جدا خالص موت طحن بس عقبالك وكل بنات المسلمين
    المهم لو حصل موقف زى ده المفروض البنت اول حاجه تقولها عايز تتقدملى يجى عاندكم البيت زى ماربنا قال
    وبعدين هايجى وهاتشوفيه طبعا وهاتعرفوا عليه كلكم وهاتسالوا عليه وده افضل كتير من انكم تقعدوا فى مكان او معاكى اى حد من اعضاء الاسرتين وحاجات كتير اوى
    والله المستعان

  6. افتراضي

    الف الف الف مليون مبروك يا آية
    والله فرحنا لك كتير جدا
    بس ليه معزمتناش على الفرح ؟؟
    فى الحقيقة احنا زعلانين منك جدا عشان معزمتيش حد خالص منا
    بس يا ترى مين من الاعضاء اللى أمه دعيالو وراضية عنو ؟؟؟ إوعة يكون دراكولا او المدهش ؟؟
    دول متجوزين اربع ستات ومخلفين عشرين عيل وبنتين

    00000000000000000000000

    المهم

    انا لى وجهة نظر مختلفة
    انا شايف ان التعارف عن طريق المنتدى او المسنجر طالما كان بغرض الخطوبة والزواج الحقيقى ، طريقة كويسة جدا بحيث يقدر كل طرف من الطرفين انو يتعرف على الاخر من حيث اخلاقه واسلوبه وطريقة تفكيره ووجهة نظره فى الزواج ومدى احترامه للرباط المقدس وكيفية تعامله مع شريك حياته 0000 الخ
    لكن يلاحظ ان المسائل دى تبقى فى اطار من الاخلاص والاصول المرعية ، بمعنى اخر ان الكلام بينهم يكون فى حدود التعارف حول فكر وعقل واخلاق الطرفين ، مش يبقى كلام فى الحب والغرام وتبادل المواعيد والاتفاق على المقابلات الخارجية
    واذا حصل قبول من الطرفين فى حدود المراسلات عبر المنتدى او المسنجر ، يبقى الخطوة التانية تكون عن طريق تحديد موعد لمقابلة اهل البنت ورؤية كل طرف للاخر عيانا بيانا امام الاهل
    والغرض من المقابلة دى هى للتعارف بين الشاب واهل البنت
    واذا حصل تراضى بين الاطراف من حيث الشكل تبقى الخطوة اللى بعد كدة ان الشاب يحدد موعد مع اهل البنت عشان يتقدم لها رسمى ، ويتم الاتفاق على الشكليات والاجراءات الخاصة بالخطوبة
    وطبعا خلال المرحلة دى لازم كل طرف يسأل عن الطرف الاخر وعن أهله عشان يبقى كل طرف مطمن انو هيختار شريك او شريكة حياته اختيارا صحيحا
    وبعد السؤال والتحرى وموافقة كل طرف للاخر ، وبعد الاتفاق على شكليات واجراءات ومراسم الخطوبة وعقد القران وخلاف ذلك ، يبقى مش ناقص غير ان آية تعزمنا على خطوبتها عشان نباركلها على الخطوبة السعيدة ونعرف مين هو الواد الخلبوص اللى ربنا بيحبه ووفقه انو يخطب وردة منتدانا المعطرة

  7. افتراضي

    شكليك كده يا أيه هتفجئينا بتهنئه الجواز زي مفجئتينا بالخطوبه ههههههههههههه علي العموم الف مبروك وعقبال باقي بنات المنتدي ونطلب من المشرف العام للمنتدي تعين ماذون شرعي للمنتدي من اجل تسهيل الموضوع ليكون سببا في وجود اجيال جديده ترفع رايه المنتدي عاليا (الموضوع كده بقي واجب وطني جامد اوي)


  8. افتراضي

    متشكرة ليكم كلكم وان شاء الله فى خطوبتى الحقيقية اول المعزومين طبعا استاذى مدحت ودراكولا والمدهش وفيبى وحبيبة وموكا والهدهد ومحلاوى وباقى الاعضاء اللى يحب يجى

المواضيع المتشابهه

  1. خطبني شخص مصاب بمرض تصلب الاعصاب الويحي
    بواسطة lalav في المنتدى منتدى الطب
    مشاركات: 0
    آخر مشاركة: 07 - 03 - 2012, 10:47 AM
  2. باركولى على عربيتى الجديده !!
    بواسطة Kenz في المنتدى منتدى صور السيارات
    مشاركات: 14
    آخر مشاركة: 06 - 08 - 2008, 02:21 PM
  3. سأرحل بلا عودة.... من هذا المنتدى
    بواسطة ايروكا في المنتدى المنتدى العام
    مشاركات: 7
    آخر مشاركة: 19 - 10 - 2007, 03:55 PM
  4. انصحكم بترك المنتدى؟؟؟؟؟؟؟؟؟
    بواسطة واحدة في المنتدى المنتدى العام
    مشاركات: 14
    آخر مشاركة: 09 - 06 - 2007, 08:21 PM
  5. @::::.... الله يأخذ من أسس المنتدى .. ويأخذ مشرفين وأعضاء وعضوات المنتدى ......:::@
    بواسطة النجم2010 في المنتدى منتدى الصور الطريفة والنكت والطرائف
    مشاركات: 7
    آخر مشاركة: 27 - 09 - 2006, 05:03 PM