مشكلة كبيرة....ساعدونى فى حلها؟؟؟

  1. افتراضي مشكلة كبيرة....ساعدونى فى حلها؟؟؟

    هى فكرة كانت فى دماغى من زمان وقعدت فترة كبيرة بناقشها مع نفسى وملقتش حل بردو وافتكرتها لما شوفت موضوع الاسرار والكل اجمع انه بيقول سره لصديقه ومنهم انا طبعا

    المهم

    ليه كل واحد فينا بيحكى سره لصديقه المقرب جدا وبيقول ده صاحبى وهيخاف عليا اكتر من نفسى ومش هيقول لحد فى حين انى ممكن احكى سرى لاخويا او ابويا او امى اللى مستحيل حد فى الدنيا يخاف عليا اكتر منهم وينصحنى بجد ويكون خايف عليا من الوقوع فى الخطأ قدهم

    مش لاقى حل بصراحة للمشكلة دى بس هو احنا خلاص للدرجة دى اهملنا الاخ وقربنا للصديق فى حين ان لو حد قرب لاخوك بس ولا قاله كلمة وحشة ممكن تقوم تكسر الدنيا عشان خاطر اخوك يبقى ليه مش بنعرف الاخ الا فى وقت الشدة؟؟؟؟

    على فكرة انا مش قصدى انى محكيش لصاحبى بس انا قصدى ان اخويا الاولى من صاحبى يعنى احكيله قبل صاحبى

    هل كل الحكاية بتبقى احراج من الاخ ولا ايه ؟؟؟؟؟؟؟؟؟؟؟؟؟؟؟ مش عارف وبعدين مهو فى حاجات مش تستحق الاحراج

    ياريت حد يساعدنى يا جماعة ويقولى ايه الحل؟؟؟؟؟؟؟؟؟؟؟؟؟

    ياريت اى حد يشوف الموضوع يرد عليه عشان نستفيد منه كلنا لان افتكر ان دى حاجة كلنا بنعملها بنقول سرنا لاصدقائنا



    ارجو تفاعلكم فى هذا الموضوع لانه محيرنى بجد

  2. افتراضي

    انا من الاشخاص اللي بقول اسراري لصديق ولا بعتبر دة بيقلل من قيمة اختي او اخوية بالعكس دول مكانتهم عندي ملوش ثمن ,بس فيه حجات مش قادر تقولها او تفضفضها الا اللي هو قريب منك ومن افكارك ومن وروحك بيفهمك اكتر من اي شخص بيعرفك اكتر ما اي شخص تاني من اخوتك,يعني مش شرط انه بيعتبر اي حد من اخوتك خلاص بقة فاهمك او بيكون افكاركم قريبة ,لاننا بنعرف انه فيه كتير من اخوة مختلفين في الطباع والافكار ,رابطة القرابة فقط بيربطهم ,انما الصديق بيربطك فيه رابطة الصداقة اللي تكونت بمرور الزمن واصبح صديقك بعد ما عرفت انه في تقارب بينك وبينه من كل نواحي سواء فكري او اي ناحية تانية , وعلشان كدة انا بفضل اقول سري لصديق , وعلى فكرة لو كان اخوية صديقي بردو هعترف ليه بس دة لاني بعتبرو صديقي مش اخوية , وميرسي جدا على الموضوع الجميل

  3. افتراضي

    مش عارف بردو يا فيبى مهو ممكن زى ما قعدتى فترة طويلة مع صديقك او صديقتك عشان تعرفو بعض اكتر ما انتى قعدتى فترة اطول وكان بايدك انك تتقربى من اخواتك وتفهمو بعض اكتر انا شايف ان ده مش مبرر كافى يا فيبى لان اخويا احق الناس بانى افضفضله مهما كان الموضوع محرج حتى محدش هيخاف عليا قده

  4. افتراضي

    السلام عليكم ورحمة الله وبركاته
    مش معنى انك بتحكى لصديقك يعنى بتهمل اهلك بس فىة امور الواحد ممكن يخجل يتكلم فيها مع اهله او اقرب الناس ليك ومش بتلاقى غير الصديق الى تقريبا فاهمين بعض كويس
    مش كل الناس طبعا بس انا عاندى تقريبا الصديق الصدوق افضل شىء ممكن الاهل يكون ليهم رائى معين ساعتها مش هاتقدر تتناقش هاتقول حاضر وخلاص مع الصديق حاجه تانيه
    والله المستعان

  5. افتراضي

    انا بقول سرى لورقى وبعدين بعرف اخطائى ولما اصلحها بقول الموضوع لجدى الله يرحمة ودلوقتى لوالدى

  6. افتراضي

    بص يا هدهد المفروض مفيش خجل بينك وبين اهلك وعلى فكرة انا بردو بحكى لصاحبى ويا جماعة انا مش بقول احنا بنحكى لمين السؤال هو ليه بنحكى لاصدقائنا ومش بنحكى لاخواتنا مثلا

  7. افتراضي

    مشكور على مرورك يا هدهد وعلى مرورك يا اية

  8. افتراضي

    السلام عليكم ورحمة الله بركاته
    يعنى يا آيه افهم من كده انك مافيش مره موضوع ماعرفتيش تكلمى فيه والدك
    او احرجتى منه
    بحرجك انا

المواضيع المتشابهه

  1. مشكلة جنسية ساعدوني.
    بواسطة ام سليمان86 في المنتدى منتدى الطب
    مشاركات: 0
    آخر مشاركة: 16 - 05 - 2012, 11:18 PM
  2. مشاركات: 0
    آخر مشاركة: 01 - 02 - 2012, 01:30 AM
  3. يعشقها حبيبها ويتمنها خلها وأمها لا تدرى
    بواسطة الفت عادل في المنتدى منتدى القصص و الروايات
    مشاركات: 4
    آخر مشاركة: 26 - 08 - 2011, 08:21 PM
  4. صور اعلانات دمها خفيف
    بواسطة كنوز في المنتدى منتدى الصور الطريفة والنكت والطرائف
    مشاركات: 1
    آخر مشاركة: 22 - 03 - 2010, 05:21 PM
  5. مشكلة وعاوز حلها بسرعة
    بواسطة lord2014 في المنتدى منتدى الرومانسيه
    مشاركات: 2
    آخر مشاركة: 29 - 01 - 2010, 08:50 PM