الصداقة في مجتمعنا الشرقي
نلاحظ وجود الصداقات في مجتمعنا بنسبة كبيرة بين جنسين متشابهين سواء كان بين شاب واخر, او بين فتاة واخرى, وطبعا توجد نسبة اقل بين الجنسين المختلفين بين شاب وفتاة, فيوجد من يفضل الصداقة من نوع الاول ويوجد من يفضل النوع الثاني ممكن نناقش ايهما الافضل بالنسبة لطرفين وخاصة في مجتمعنا الشرقي
و الله انا عن تجربه فى بنات بميت راجل و يوثق فيهم بجد
اولا ميرسى فيبى على الموضوع الرائع
اولا الصداقة بين بنت وولاد مختلفة عن الصداقة بين بنت وبنت
بين بنت وولاد بكون ليها حدود عن بنت وبنت
انا برتاح لما مصادقة البنات اكتر
بس مصادقة الاولاد بردوا بتكون مهمة ولازم ليكون لينا اصدقاء من الجنسين
شكرا على الموضوع فيبى بس
انا رأيى ان الصداقه بين ولد و بنت ممكن تتحول لحب فانا أفضل الصداقه
بين ولدو ولد لأنها مستحيل تكون حب
و الصداقه بين ولد و بنت لما تتحول لحب احيانا الحب ده مش بيستمر و الطرفين بيتتجرحو اوى فليه انا احط نفسى فى جرح و نكد وفى كتير من الشباب الولاد بالذات بياخدو حكايه الصداقه مع البنت دى ان هو كده ولد روش و الحاجات دى و يبقا فرحان اوى لمجرد انو عرف بنت و بيكلمها بس فعلا فى بنات جدعان برضو
و شكرا على موضوعك فيبى
ميرسي جدا لكل على المرور بس انا بقول فيه صداقة بين ولد والبنت بس على شرط انه من البداية الاتنين يوافقو ان الصداقة اللي بينهم ميتحولش الى حب وكل واحد فيهم يحافظ على الاتفاقية دة بس بصراحة كتير منهم بيتحول الى الحب وعلشان كدة بيكون صداقة من هذا النوع نادرا ما تنجح وتبقى على الصداقة لاخر , بس انا عن نفسي عندي اصدقاء اوفياء وهم اكتر من اخوتي . وعلى العموم على راي حبيبة صداقة بين الجنسين مهمة , وميرسي جدا لتاني مرة على ردودكم الجميلة
بس موضوع جميل بجد
و فعلا فى بنات كويسين و ولاد انا عارف بس بقول الاغلبيه يعنى
رأيى ان كل الصداقات دى مهمة بس الصداقة مش بتتحول لحب انما انتى حب البنت للولد مثلا بتبقى عن طريق انها اعجبت بيه يعنى عجبها اخلاقه وكلامه وتفكيره وحاجات كتير وكل دا ممكن يحصل من غير صداقة وممكن يحصل عن طريق صداقة يعنى مش شرط ومش بس كدا دا فى حب مش بيستمر ويتحول بعد كدا الى صداقة
ميرسى على الموضوع
