مراتك ولا شغلك ؟ حاول تعرف

  1. افتراضي مراتك ولا شغلك ؟ حاول تعرف

    تتهم كل نساء العالم الرجال بأنهم بيحبوا شغلهم أكثر مابيحبوهم كزوجات أو كخطيبات أو كحبيبات ..........


    وأنا بالنيابة عنى أعترف بأن هذا صحيح صحيح صحيح ليه ؟؟؟؟؟؟؟ (مش أنا……. هذا الكاتب يقصد نفسه طبعاً)

    لي أسبابي ومبرراتي التي أرجو منكم التفكير فيها بعين العقل :

    أولا الشغل بيصرف عليا بس أنا اللي بصرف عليها!!!

    ثانيا في الشغل ممكن تزعق براحتك و زعيقك يجيب نتيجة مع مراتك صعب انك تزعق براحتك ومهما زعقت مش هييجى

    بنتيجة

    ثالثا ممكن تزوغ من الشغل في أي وقت من غير ماحد ياخد باله أو حد من الزملاء يغطيك

    إنما تزوغ من مراتك هيهات أنسى ياعمرو (مين عمرو دا كمان علشان تصدقوا إنه مش أنا)


    رابعا في الشغل عندك مدير ممكن ترضيه لو أشتغلت كويس إنما مراتك لو عملت قرد مش ممكن ترضيها !!! وإذا

    رضيت . عندك حماتك عمرها ما راح ترضى أبد !!!!!!!


    خامسا في الشغل من حقك تاخد أجازه عندك عارضه و اعتيادي ومرضى دا غير يوم الخميس والجمعة

    والعطلات الرسمية بصراحة الشغل ريحه خفيف ع القلب إنما مع مراتك مش ممكن تاخد أجازه بالعكس دانت لازم

    تلزق فيها يوم الأجازة بتاعتك و إلا يبقى نهار اهلك مالوش ملامح لك أجازه واحده فقط و طويلة جداً !!!! (الله

    لايقولها)

    سادسا في الشغل ممكن تترقى و تاخد منصب بيه وباشا كمان ويبقى لك مكتب لوحدك و فراش و سكرتيره

    خاصة والكل يضرب لك تعظيم سلام في البيت هاتعيش زوج وتموت زوج واللقب الوحيد اللي ممكن تاخده لما تنادى

    عليك مراتك وتقولك يابو العيال أو يا حاج ولما تعجز وتسلم النمر تقولك يا بركه .


    سابعا الشغل لو زهقت منه ممكن تسيبه بدون مشاكل وبسهوله أنما مع مراتك لو روحك طلعت لازم تحط ف

    بقك كوتشى وتفكر مليون مره في المحاكم والمؤخر و النفقة والعيال وتلاقى نفسك في الآخر بتغني أنا اللي

    أستاهل كل اللي يجرى لي الغالي بعته رخيص ولا أحسبوووووش غاااااالى ..{ العزوبية} طبعا.

    ثامنا في الشغل لو تركته أو سويت معاشك أو بلغت سن المعاش بتاخد مكافأة كبيره ومعاش وحفله تكريم ،

    أما مراتك لو سبتها قبل ما تموت أنت اللي هاتدفع مكافأة ومؤخر ونفقه وشقه كمان و تتحبس لو مادفعتش.

    تاسعا ممكن تغير شغلك وتتنقل لغيره لو لقيت شغل أحسن منه في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها ظلم


    عاشرا في الشغل متأمن عليك عشان لو حصل لك حاجه ولو حصل لك حاجه مراتك هي اللي هاتقبض التأمين


    في النهاية....بتهوى مين أكثر...مراتك ولا شغلك ...الإجابة..أكيد مراتي طبعا !!!!!!

  2. افتراضي

    ههههههههههههههه يخرب عقلك ايه الكلام دة , دة انتي موتيني من الضحك يا اية ربنا يكون بعون الواد عمرو هههههههه اه بصحيح مين عمرو دة , تجنن والله الموضوع

  3. افتراضي

    شكرا يا قمر على المشاركة اضحكى اكتر عشا ن عمرك يطول

  4. افتراضي

    هههههههههههههههههه دمك زى العسل اية وموضوعك رائع

    فى انتظار المزيد


  5. افتراضي

    يسلم أيدك على الموضوع اللي أسعدني بأنه بيحاور محدثه ياست الكل:

    برأي الشخصي مراتي وشغلي مكملين لبعضهم البعض.

    ودمتي سالمة،،،
    صباحك سكر زياده

المواضيع المتشابهه

  1. حائل
    بواسطة ثقافي 2 في المنتدى منتدى العلم والثقافة والمعلومات العامة
    مشاركات: 0
    آخر مشاركة: 24 - 12 - 2012, 10:10 PM
  2. مناخ مدينة حائل
    بواسطة ثقافي 2 في المنتدى منتدى العلم والثقافة والمعلومات العامة
    مشاركات: 0
    آخر مشاركة: 24 - 12 - 2012, 10:04 PM
  3. مدينة حائل
    بواسطة ثقافي 2 في المنتدى منتدى العلم والثقافة والمعلومات العامة
    مشاركات: 0
    آخر مشاركة: 24 - 12 - 2012, 10:04 PM
  4. منطقة حائل
    بواسطة ثقافي 2 في المنتدى منتدى العلم والثقافة والمعلومات العامة
    مشاركات: 0
    آخر مشاركة: 24 - 12 - 2012, 10:04 PM
  5. الم دائم في ضهري
    بواسطة الله اكبر في المنتدى منتدى الطب
    مشاركات: 1
    آخر مشاركة: 10 - 05 - 2011, 09:32 PM