نكت

  1. Wink نكت

    واحد مسطول ماشى فى بيتهم خبط فى امه..فقالت له:انت اعمى؟؟ مش شايفنى؟؟

    بص لها بمنتهى الهدوء وقال:لأ انا شفتك طبعآ بس مش فاكر فين؟؟

    ================================================== ============
    واحد ندل قاعد عند قبر واحد لسه ميت وعمال يصوت ويعيط..مر عليه راجل كبير فقال له:عظم الله اجرك..هو الميت يقربلك ايه؟؟
    فرد عليه:ده كان واحد مبحبهوش بس انا عارف ان الصويت والعياط هيخليه يتعذب فى قبره..
    ========================================
    واحد بيقول لصاحبه:ده انا اللى منشف ريق البنات..
    فسأله :ازاى؟؟
    رد عليه:من كتر التف عليا..
    ================================================
    واحد احول ماشى فى الشارع خبط فى عامود نور خبطه جامده راحت عينيه رجعت لوضعها السليم من كتر فرحته جاله شلل..
    ================================================== ======
    واحد غبى قوى حكموا عليه بالاعدام..بعد ما علقوه فى المشنقه قعد يشاور ويخبط بأيده ورجليه فأفتكروا انه عاوز يقولهم حاجه مهمه راحوا فكوه ونزلوه بسرعه
    بص لهم وقال:ياجزم كنت هتخنق
    ===========================================
    واحد دخل كافتريا لاقى جورج بوش ورئيس وزراء انجلترا قاعدين
    استغرب اوى وقام سال الجرسون هما دول جورج بوش ورئيس وزراء انجلترا الجرسون
    قالوة اة
    سالهم انتوا بتعملوا اية هنا مع بعض كدا
    جورج بوش قالوة بنخطط لحرب عالمية تالتة
    فالوة ازاى يعنى
    قالوا حنموت 10 مليون افغانستانى وواحد عجلاتى
    الراجل استغرب اوى وقالوة طب حتموت لية العجلاتى
    جورج بوش ضحك اوى وبص لرئيس وزراء انجلترا وقالوة مش قولتلك محدش حيسال على ال10 مليون
    =================================================
    كان في عيلة بطيئة متكونة من اب,وام, وبنت ,وولد
    وفى يوم البنت والولد كانوا بيلعبوا مع بعض فالولد وهوة بيلعب وقع من الشباك
    فالبنت قالت :"يا.. خبر..لما..اروح..اقول..لماما"
    وراحت البنت تقول لمامتها:"يا..ماما..اخوية..وقع..من الشباك"
    فراحت مامتها قالت:"يا..لهوي..طب..تعالي..لما ..نروح..نقول.. لبابا"
    ولما راحو لبابا الام قالت :"يا..بابا..ابنك..وقع..من ..الشباك"
    فقال:" يا .. لهوي.. طب..تعالوا..نشوف ..ايه..اللى حصلوا"
    وأول ماراحوا لقوه لسة بيقع من الشباك وبيقول:"اه....اه....اه....اه"
    ================================================
    مرة واحد احول تزوج واحدة حولة خلفو ابن الجيران
    =================================
    مرة واحد باااايخ كتير كتير تزوج واحدة بااااايخة كتير كتير خلفو ولد من بياخته عمل نفسه ميت
    ==========================
    مرة واحد حرامي تزوج مدرسة رياضيات خلفو شبه منحرف
    *****




    تحياتي

  2. افتراضي

    ده من باب الاحترام اخواني اخواتي

    تقبلوا ندائي


    تحياتي

  3. افتراضي

    جامدين جدا بجد
    حلويين جدااااااااااا

  4. افتراضي

    السلام عليكم
    ايوه كده عايزين شوية فكاهه
    كيفيك يابحار
    اسم النكتتين دول صاحبى
    مره واحد سكران رايح يفتح الثلاجه لقى الجيلى بيرتعش قاله ماتخافش انا جى اشرب بس
    ******************************
    مره الرئيس بتاعنا راكب طياره مع ماما سوزان وجمال وعلاء والطيار فقال الريس لسوزان انا هارمى الميت جنيه ده تنزل على واحد تسعده سوزان قالتله ماتفكها خمسنتين وترميها على اثنين تسعدهم جمال قاله فكها 5 عشرينات تنزل على خمسه تسعدهم علاء قاله فكها عشر عشرات وارميها على عشره تسعده بعدين الريس قال للطيار ياكابتن انت رايك ايه قاله انا من رائيى انك ترمى نفسك وتسعد الـــ 75 مليون
    ******************************
    ملحوظه
    اضحكوا من غير ماحد يشوفكوا المنتدى ده مليان مخبرين
    مع خالص الشكر والتقدير للريس بتاعنا الى مخلينا عايشين تمام وكل واحد عانده عربيه وشقه والعيشه زى الفول عايز تخطب وماتتجوزش يبقى انت اكيد فى مصر عايز تذاكر وماتنجحش يبقى انت اكيد فى مصر عظيمه يامصر
    انا عارف ان ده مش مناسب فى المنتدى بس ارجوا انكم تتقبلوا الموضوع

  5. افتراضي

    ايه ده يا هدهد
    ده انت طلعت مشكله...
    ههههههههه

  6. افتراضي

    السلام عليكم ورحمة الله وبركاته
    ربنا يكرمك ياصاحبى كنت عملت موضوع مش لاقيه بعنوان حب اعمى ومش عارف اعمل ايه علشان ادور عليه
    ارجو الافادة