اجمد واروش نصايح للشباب والبنات, ههههههههه مش هتقدر تقفل بقك من الضحك

  1. افتراضي اجمد واروش نصايح للشباب والبنات, ههههههههه مش هتقدر تقفل بقك من الضحك

    نصائح للولاد لزوم تظبيط البنات

    أولا : البنت بتحب الولد التقيل

    خلى دمك تقيل عليها

    سوق الرخامه عليها سوق التلامه

    والغلاسه ولو ما بتعرفش تسوق

    طلع رخصه..... مطلعتش....اضرب رخصه



    ثانيا : البنت بتحب الولد الغنى

    ارسم عليها انك غنى اشتغلها..

    هو انت يعنى لاقى شغل يا فاشل اشتغلها

    واعملها شغلانتك.



    ثالثا : البنت بتحب الولد الى ماتفهموش

    خليك متخلف فى اسلوبك وطريقتك

    معاها خليك اهبل فى كلامك

    ماتديهاش كلمه

    مفيده ابدا تفهمها منك وان فهمت كلمه منك

    ارجع قولها عكسها خليها تتهبل

    ولا تفهمش حاجه خالص



    رابعا : البنت بتحب الولد الكداب

    افتح عليها علب احكيلها عن رحلاتك

    للمريخ وغزواتك وفتوحاتك

    كلمها عن اختراعك للبنسلين وعن

    قدراتك الخارقه على الطيران وقرايه افكار الناس

    وانك بتعرف كل حاجه فى الدنيا واهم حاجه انك

    بتعرف هى بتروح فين كل يوم وبتخرج تهبب ايه وتقابل مين.



    خامسا :البنت بتحب الولد الحبوب المحبوب

    استخف نفسك وخليك كده فريش طول الوقت وغلس على كل خلق الله

    وهزر فى اى وقت وبداعى ومن غير حسسها ان كل الناس بتحبك تهزر معاهم.



    سادسا : البنت بتحب الولد الى مش راجل

    خليك ناعم كده وبسكوته وحساس اوى خالص جدا موت عالاخر ياى حس شويه



    سابعا :البنت بتحب الولد الى يفهمها انها احلى بنت

    اوصفلها فى جمالها واحكيلها قد ايه هى فاتنه

    وحلاوتها مدوباك ومسهراك يا حبه عين امك

    وان هى الوحيده فى العالم الى حلوه وهى بس الى يتبصلها

    لان البنت لازم تحس انها احلى واحده لان ماعندهاش عقل يفهم

    ان ربنا فضل الناس على بعض فى خلقها واشكالها.



    ثامنا : البنت تموت فى الولد الى شكله فانكى

    البس لبس غبى ....لازم تسقط البنطلون

    البس تيشيرتات مرسوم عليها فران و************ ******** و************ ********

    البس جزم حمرا وكوتشات خضرا وخليك بلياتشو

    حاول تغير فى اسلوب لبسك البس هدومك

    بالمقلوب وبرضه ما تنساش تسقط البنطلون

    طول شعرك ونزله على عنيك ولو شعرك اكرت طوله برضه

    واحلق خط بعرض 3سم فى نص راسك بالطول

    لو عمر دياب مره حلق حواجبه اوع تتردد

    اديها حواجب قرعه علطول.



    تاسعا : البنت بتحب الولد التافه

    اتكلم ع التمثيليات وبرامج التليفزيون والاغانى الجديده والفيديو

    كليبات و والمطربات والمطربين وخد بالك من النقطه الجايه دى بقى

    اقنعها ان انت صوتك حلو وبتغنى وقريب هيكتشفو

    موهبتك وهيخلوك تغنى فى برنامج مواقف وطرائف ال************ ********* ********* *****



    عاشرا : البنت تحب الولد الى بيحب غيرها.

    عمرك سمعت عن بنت حبت واحد بيحبها

    لاء

    طيب خد النصيحه دى.. اهم نصيحه وسر نجاح اى علاقه باى بنت

    البنت ماتحبش اى واحد يحبها.. وتحب اى واحد تكون هى

    ولا

    على

    باله ..طنشها واركنها ولا تحسسها انها بنى ادمه

    واهم حاجه الكلام

    الى فات ده كله شرط انك تعمله مع

    اكتر من بنت ويستحب

    يكونو خمس بنات او من مضاعفات العدد خمسه

    لان ده الرقم الى بيمنع الحسد والنقص فى النسوان .

    اوع تكون هى الوحيده فى حياتك ولو مش لاقى بنات تانيه غيرها اتصرف...

    صاحب اى شغاله ولا اى بياعه خضار

    ولا اى شحاته

    ((نوع كده وخليك واد روش كووووووول))

    النتيـــــــــــجــة

    هتعلق نص بنات الدنيا والنص التانى هيعلقو واحد تانى قرا

    نفس الموضوع ولو

    أنت و هو اتفقتو سوا ممكن تبقو تبادلومع بعض النص بتاعك

    والنص بتاعه لو كل واحد اتخنق من النص بتاعه

    طبعا هتسأل وباقى شبان الدنيا

    يابنى دول خلاص ندهتهم النداهه كلهم كمنشات ومعظمهم مضحوك عليه

    وعايش فى وهم معيشاه فيه بنت قرت الموضوع الى جاى ده .



    نصايح البنات بقه



    الولد بيحب البنت اللى

    أولا : الولد بيحب البنت الرقيقة

    رفعوا صوتكم يا بنات .

    و أول ما تشوفى حاجه وحشة .. سورقى (يغمى عليكى) من كتر الرقة

    عيطى كتير . العياط دليل

    على الاحساس المرهف . أوائى له ..

    نكدى عليه الليلة



    ثانيا : الولد بيحب البنت الرومانسية

    اسرحى كتير كلميه عن القمر و حاجات من دى .قوليله شايف القمر يا عتريس

    لازم تكونى هيمانه و انتى بتتكلمى . و يكون صوتك واطى وشوشية



    ثالثا : الولد بيحب البنت المؤدبه

    قولى له انه اول واحد فى حياتك حتى لو كنتى متجوزة قبل كده و حامل فى توأم..

    و لو سأل على انتفاخ بطنك قولى له كيس دهنى

    و لو عارف و متأكد انه كان لك علاقات كثيرة مثله

    دى كلها اشاعات ده هما اللى كانوا معجبين بيا لكن انا ولا سألت فيهم كلهم



    رابعا : الولد بيحب البنت الاستايل style

    كل ما تشوفى حاجه جديدة قلديها . يقولوا الموضه الشعر الاصفر

    اضربيه اصفر .. الموضه القصير .. قصريه ..

    مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..

    دى بتغير منك و مش عايزاكى تبقى على الموضه .

    ملحوظه : لو مش عارفه ايه الموضه اختارى لك واحدة معينة

    او مذيعة و قلديها .. خليكى نسخة منها .



    خامسا :الولد بيحب البنت الدلوعة

    ادلعى ياختى انت و هى . ما تبقوش مسترجلين نفسكو كده .



    سادسا : الولد بيحب البنت الجذابه اللى بتكون محور اهتمام الآخرين

    فهميه ان في آخرين كتير معجبين بيكى

    و قولى له : ارجوك اوعى تغير انا حواليا كتير .

    ولا بيهمنى أبدا منهم ايه يعنى اكون حلوة فى عينهم .

    ألفى قصص وهمية عن الأولاد الهيمانين فيكى و اللى انتى

    مدوخاهم بسحرك و جمالك .



    سابعا :الولد بيحب البنت اللى بتحسسه برجولته و تحسسه بنفسه

    ايه ده ! .. ايه العضلات دى كلها

    دى احلى عضلات شفتها فى حياتى .

    يا سلام !! ايه الشيا كة دى كلها . انت أشيك ولد شفته فى حياتى .

    مش مهم هو لابس ايه . انبهرى و خلاص ) .

    يا سلام !! انت تقاطيع وشك حلوه بشكل ( حتى لو كانت ملخبطه

    و طول مانتى قاعده اشكرى فيه خليه كده قاعد نافش ريشه .

    و فرحان بنفسه .



    ثامنا : اتمحكى فيه خليكى دايما معاه

    كل شويه كلميه فى التليفون بأى حجة . قابليه فى كل حته يروحها

    إعملى عليه كماشة . بحيث مايعرفش يفلفص منك

    و لا يشوفش غيرك ادامه . روحى له الشغل



    تاسعا : عددى مواهبك

    اكلك لازم مظبوط

    قوليله انا ملحى فى الاكل لا كتير ولا قليل وبعمل شاى سكر زياده .

    وبلون البيض المسلوق .



    عاشرا : رغم حبك الشديد للحريه والانطلاق

    قوليله انت مالك وقتى وتفكيرى مش عارفه اعمل حاجه الا انى افكر فيك

    مليت على ايامى شغلت لى الزمن

    النتيـــــــــــجــة

    لو الولد وقع فى دباديبك و قال عاوز يرتبط بيكى : اوعى تقولى ايوه !

    لااااا .. اتقلى شوية . اعملى نفسك يتفكرى .. سهريه ..

    لوعيه

    بهدليه .. لكن ماتتقليش العيار ليطير منك .

    لو الولد ما سألش فيك و لا عبرك . و لا أخد باله منك أصلا

    يبقى بنت تانيه سبقتك ليه .

    ملحوظة : كررى الخطوات من 1 - 10مع ولد تانى بعد

    جمع المعلومات اللازمة عنه

    وربنا يقدم الى فيه الخير



    ويارب نكون قدمنا وجبه دسمه من النصايح

    وربنا يستر عليكو بقه

    ههههههههههههههههههههههههههه

  2. افتراضي

    ان لله وانا ايه راجعون في البنات وفي البنين اللي لو طبقوا ولو نصيحة اسفة مصيبة مما ذكرت يبقى يا رحمن يا رحيم عليهم

  3. افتراضي

    موضوع ده جميل جدا جدا
    بس لضحك فقط
    معتقدش اكتر من كده
    مرسى على موضوعك

  4. افتراضي تعقيب رسالة نصائح عليه لتظبيط البنات

    أولا في نقطه واحده صح بس في الموضوع كله وهي أن الولد لازم يتقل شويه على البنت
    بس هي دي النقطه التمام في الموضوع
    لكن أعتقد أن الأخ صاحب الرساله سنه ما يجبش أكتر من 16 سنه ولسه يادوب يعرف الدنيا والكلام ده بيحصل مع عيال اليومين دول إلي بتقول عليهم بيطولوا شعرهم ويخلوه منكوش قوي ويسقطوا البنطلونات ويبينوا السليب ويقولوا موضه
    ألي لو سئلتهم وقولتلهم مين عباس العقاد أو مكرم عبيد أو أمثالهم هيؤلولك دول لعبية كورة قدم أيام صالح سليم
    لكن نصحيتي ليك يا أخي البنات بتعرف تفرز الولد كويس وفي الأخر بتنقي الراجل بحقيقي
    وفي النهايه سواء الولد أو البنت لما بيقرروا يتجوزو بينقوا كويس قوي طبعا لمستقبل حقيقي
    على فكره أنا مش كبير قوي دول كلهم 27 سنه لحسن تقولوا دا باين عليه راجل عجوز بيتكلم
    وتحياتي للجميع

  5. افتراضي

    هههههههههههههههه

    جامدين اووووووووووووى

    بس ياريت محدش يعمل بيهم

  6. افتراضي

    يا مدهش دهبي كلامك 10IMG%خطأ

    البنت ماتحب الولد التافه والغبي وما يهمها ادا كان غني اوفقير

    البنت ماتحب الولد الثقيل بتحب الولد الخفيف خفة دمه

    البنت ماتحب الولد الي مايفهم شي لا بتحب الولد العاقل الشجاع

    البنت ماتحب الولد الكداب الي يكدب عليها بهراره لا البنت بتحب الولد الصادق في اقوله وافعاله


    الي يثبت ليها روجلته
    وصح كلامك ان البنت تحب الولد المحبوب

    البنت بتحب الولد الي يوقف على قراره
    الي يكون ثاببت ومستقيل

    ههههههههههههههه

    يعني لازم يشتغل

    ((معدورة على التعليق))


    تحياتي

  7. افتراضي

    والله يامدهش معضم البنات مو رقيقات لهل حد يعني في بنات حدهم حدهم مايحبون المصاخة

    وشجاعات وأدكياء ومش دلوعات كأنهم يبطون الجبد

    ههههههههه

    مثلي انا

    لازم البنت تكون:

    دكية,شجاعة,قوية,جميلة,رقيقة بس مو وايد,ابتسامة,جدابة ...الخ....


    تحياتي

  8. افتراضي

    ههههههههههههههههه و الله يا صحبى الموضوع جامد بس مش كله صح و اوعى تسقط البنطلون زى اى حد دى موضه تافهه:p

  9. افتراضي

    حلويييييييييييييييييييييييييييييين يا مان

    يا بنوته دا هزار واشتغالات بس

  10. افتراضي

    على فكرة الكلمه الصح فعلا هى ان الولد يتقل شويه صغيرين على البنت بس مش اوى عشان ما ينفصلوش
    و الباقى اى كلام سورى يعنى

المواضيع المتشابهه

  1. غرف للشباب والبنات
    بواسطة rorososo في المنتدى منتدى الموضة و الشياكه والديكور
    مشاركات: 1
    آخر مشاركة: 09 - 07 - 2012, 03:14 PM
  2. نصايح للبنات قبل ما تتخطب..عشان الخطوبة ما تتفسخش!!
    بواسطة Mr.Ahmed في المنتدى المنتدى العام
    مشاركات: 11
    آخر مشاركة: 09 - 02 - 2012, 09:36 AM
  3. امثال مضحكة جدا ههههههههه
    بواسطة غموض القدر في المنتدى منتدى الصور الطريفة والنكت والطرائف
    مشاركات: 0
    آخر مشاركة: 15 - 09 - 2010, 11:35 PM
  4. قضم الاظافر يؤدي الى تراجع الذكاء (نصايح للامهات)
    بواسطة Mr.Ahmed في المنتدى منتدى المرأه
    مشاركات: 9
    آخر مشاركة: 15 - 11 - 2006, 07:16 PM
  5. اسالة خاصة با لشباب والبنات
    بواسطة dr.mido.in.love في المنتدى المنتدى العام
    مشاركات: 7
    آخر مشاركة: 18 - 09 - 2006, 09:07 PM