بدل ما يكرموني........ شرشحوني/لشاعر دير ياسين*لطفي الياسيني
---------------------------------------------------
بدل ما يكرموني........ شرشحوني
برسائل ع ايميلي........... هددوني
بعد هالعمر .... صرت اليوم فرجة
لجيل الهبز.............. اللي انكروني
نضالاتي............ بساح الحرب كانت
ازا هلت جبيني............ بعرفوني
يا عصر المسخرة...... هديت عمري
ولاد زغار............. صارو يبهدلوني
مش هيك اتفقنا............ يا جماعة
بدل ما تريحوني........... تشتموني
يا حيفك يا زمن............ من بعد عزي
على رفوف المتاحف......... دشروني
اساْلو فوزي القوقجي..... عن فعالي
اذا ما بتعرفوني................ اعرفوني
انا لطفي الياسيني............ من زماني
امير الشعر........... والقلعة حصوني
انا زغلول ربيتو ................. ع ايدي
وزين شعيب............... والياس الماروني
بحرب لبنان............ كان الفعل.... فعلي
انا تصديت.................... للغزو الماسوني
وكمال نجار........... كان رفيق دربي
ناجي العلي.................... الرسام الحنوني
وسعد صايل........ وايام التحدي
وايام الكتائب........... توجوني
قائد معركة............ والفعل ... فعلي
ما نكست راسي.... ولا جبيني
وبعد سبعين عمري... ضاع عزي
هواة المنتدى............ عم ينكروني
يا عالم بالخفا.......... ادرى بسري
رضاك علي............. ما هو بالهويني
كتابك حافظو.......... من زغر سني
انا حافظ احاديثك.............. وديني
يا ملك الموت نفسي اليوم عافت
اقبض على روحي....... ارحموني
كرامة للنبي ما في ............. بارضو
كفى سبعين عام ................ تجرحوني
-------------------------------------------
لطفي الياسيني* شاعر دير ياسين