دعاء واحد مصرى مطحون

  1. المدهش

    افتراضي دعاء واحد مصرى مطحون

    اللهم أنقذنا من نفسنه الزملاء.. وغباء الأصدقاء

    ومفاجأة الأعداء

    اللهم ارحمنا من استبياع الجيل الجديد.. وحرائق السكة الحديد
    واستقصاد كل مدير.. ونداله القرايب الصغير منهم والكبير

    اللهم أغثنا من كل عميل.. ومن فواتير موبينيل
    اللهم أرحمنا من تشريفه عربيات المسئولين، وزحمة الشوارع في كل حين
    وسحب الرخص في كل كمين.. من الغلبان مش م المتين

    اللهم اهدى لنا سواقين الميكروباص
    ومدير الشركة البصباص
    اللهم ارحمنا من الشئون القانونية وشئون العاملين
    واللي بيقفوا فـ وسط الشارع فجأة وبدون إشارة يمين

    اللهم قنا شر الكليبات..
    وشر شلل البنات.. ولؤم الستات وغباوة الحموات
    والمينيمم تشارج كافيهات..
    وهيافة الصحف والمجلات
    وقطع الحرارة فجأة عن التليفونات وقت الزنقات
    والمدارس اللي بتطلب تبرعات بالألافات
    ووقوع السيرفر وقفلة السايتات

    اللهم ارفع مستوى الفريق القومي..
    لمستوى أنبى والحدود.. أو حتى مستوى أسمنت أسيوط
    أو أرسل يارب عليه صاعقة.. بدل ما يخلونا نموت..

    اللهم سدد أقساطنا.. وضلل عنا مآمير الضرايب
    اللهم ارزق جيل الوسط عقود عمل في ليبيا وقطر
    اللهم افتح لجيلنا القديم الطريق الفسيح
    حتى ننظف انتخابات البلد من لعبة المراجيح
    اللهم ارحمنا من الاكتئاب مرض العصر والشباب
    واحمي يارب سماء مصر من سحابة الهباب
    واكفنا شر صاحب الدقن الكداب
    وصاحب التصريحات النصاب

    اللهم ارزق كل بنت بعريس هدية..
    وكل شاب بوظيفة وشقة وعربية
    اللهم أحرق الـ090IMG
    واضرب الحرامية بالحرامية
    ونجح أي طالب في أي كلية
    حتى ولو كان في التربية الموسيقية

    آآآميين يارب




  2. المدهش

    افتراضي

    ال 90IMG بتاعت ال 090IMG

    انت لو قرأت الموضوع هتعرفهم

  3. افتراضي

    [align=center]هههههههههههه
    حلو قوى يا مدهش[/align]

  4. افتراضي

    هيييييييييييييييييييييييييييه اية دة دة محروق اوى من كل حاجة


  5. افتراضي

    [align=center]موضووووووووع جامد يا مدهش [/align]

  6. افتراضي

    دا كله شايله فى قلبك و ساكت ؟؟
    عينى عليك يا ابنى

المواضيع المتشابهه

  1. مسرح فورد
    بواسطة ثقافي في المنتدى منتدى العلم والثقافة والمعلومات العامة
    مشاركات: 0
    آخر مشاركة: 13 - 05 - 2011, 08:07 PM
  2. مسرح آبي
    بواسطة كنوز في المنتدى منتدى العلم والثقافة والمعلومات العامة
    مشاركات: 0
    آخر مشاركة: 02 - 01 - 2011, 10:05 PM
  3. اول نادي سعودي يفوز بالدوري - اول نادي سعودي استقدم اجانب
    بواسطة عضو عامل في المنتدى منتدى العلم والثقافة والمعلومات العامة
    مشاركات: 0
    آخر مشاركة: 24 - 05 - 2010, 03:40 PM
  4. اقدم نادي مصري
    بواسطة عضو عامل في المنتدى منتدى العلم والثقافة والمعلومات العامة
    مشاركات: 0
    آخر مشاركة: 24 - 03 - 2010, 07:38 AM
  5. دعاء مواطن مصرى مطحون
    بواسطة samah في المنتدى منتدى الصور الطريفة والنكت والطرائف
    مشاركات: 4
    آخر مشاركة: 23 - 09 - 2006, 04:49 PM