إخوانى الأعزاء
عايز أقولكم على سر
من ساعة ما تشرفت بالانتساب إلى عضوية منتدياتكم الكريمة ، وكل يوم من أيام ربنا مراتى بتتخانق معايا 00 عارفين ليه ؟
لان ببساطة كدة 00 هي غيرانة من الكمبيوتر ، وعلى حسب تعبيرها هي بتعتبره ضرتها IMG
في الحقيقة هي معاها حق ومبعرفش أرد عليها ردود مقنعة IMG
في الحقيقة أنا مقصر جدا معاها من ساعة ما تشرفت بالانتساب لعضويتكم الكريمة ، لان أنا تقريبا أول ما اذهب مكتبي بفتح منتديات المدهش حوالي عشر ساعات يوميا 00 أقرأ آرائكم الجميلة المفيدة البناءة المعبرة لاستفيد منها ، وكلما أردت إقفال جهاز الكمبيوتر ألاقى العزيز دراكولا له مشاركة جميلة فأغير رأيي وأقرأ كلماته الرقراقة ، وبعدين ألاقى مشاركة العزيز الجنرال فأقرأ كلماته التي تقطر بشرا وعذوبة ، وبعدين العزيزة SmSm، والعزيز جدا little lover، والعزيز Mr.Ahmed، والغالي yahmed123 ، وغيرهم وغيرهم وغيرهم ، وكل واحد منهم له أفكاره وآراءه المتميزة ، وأبقى عايز اقفل مكتبي وأروح بيتي لكن ما بقدرش اسيبكم واسيب كلماتكم وأفكاركم ، لغاية أما ألاقى الموبايل بتاعى بيرن حوالي الساعة الثالثة فجرا وألاقى مراتى هي اللي بتتصل بي وبتقولي : ما بدري يا مدحت 00 تحب أجيب لك بطانية عشان تتغطى كويس في المكتب ؟
وأخيرا ألاقى نفسي مضطرا للاستئذان من حضراتكم 00 حاكم انتو بقى عارفين غيرة الحريم IMG
يا جماعة قولولى اعمل إيه 00 كلماتكم كلها زى الشهد ، آراؤكم كلها زى النور ، تعبيراتكم كلها ذهب ، كلكم على بعضكم مصابيح تشع رقة وحنانا وأملا وحبا IMG
نسيت أقولكم حاجة أخيرة 00 بعد ما أوصل البيت أنا ومراتى ننهى الخناقة اللي بيننا بأن أقول لها : أوعدك يا أم إبراهيم بأنى هنسحب من منتديات المدهش لما ألقاهم بيكتبوا كلام هايف وفارغ وملوش اى فايدة ولا عايدة IMG
تفتكروا يا جماعة ممكن بعد كدة تخلونى أروح لمراتى بدري شوية ؟
ما اعتقدش