مسطول فى امتحان عربي

  1. افتراضي مسطول فى امتحان عربي

    واحد مسطول سطيـــــــــــــــحه .. دخل امتحان عربي ... جاتله في
    الورقه

    أعرب الجمل الآتيه :


    1-( سور الصين العظيم )


    2- ( مرض جنون البقر )


    اخينا تنح شويه ... وبعدين راح قايل .... اجابة البتاعه
    الأولانيه
    ( سور الصين العظيم )


    سور : هو البتاع اللي بينط من فوقه الحرامي عشان يخش البيوت
    ويسرق


    الصين : نوع من انواع الادوات المنزليه ... بس نوع مفتخر ...
    الطقم بيوصل
    ل 10IMG جنيه في العتبة


    العظ : لما بيخش عليك حيوان بيعمل كده ... واشهر حيوان معروف
    بالحاجه دي


    هو الكلب ...


    يم : تقريبا والله أعلم ... بحر او حاجه كده


    يعني الجمله كلها معناها -----


    لما ينط حرامي من فوق سور ... عشان يسرق طقم صيني .... الكلب
    هايعضه ..
    فى البحر

    اجابة البتاعه التانيه
    ( مرض جنون البقر )


    مر : دي الحاجه اللي طعمها بيجيب مراره في الحلق .... ويخليك تفصل
    دماغك
    قوام


    ض : تقريبا حاجه زياده ... شوية حبر في الورقه ولا حاجه ...
    مالهاش لازمه من الاعراب


    جن : اللهم احفظنا من العفاريت والجن والحركات دي يارب ... احنا
    ناقصين مزاوله


    ون : دي اصلا انجليزي ... ومعناها ( رقم واحد ) ... لغات انا برضه


    ألب : دي جبال موجوده في بلاد بره ... وجبال عاليه قوي ... بتاع
    20IMG كيلوجرام فوق سطح برج الجزيره


    قر : ليها معنين حسب الجمله ذات نفسها


    المعنى الأولاني : الحسد والقر والكلام ده .... ودي مش راكبه على
    الحوار بتاعنا


    التاني : اختصار لكلمة ( قرنفل ) ... على طريقه المعلم ( رضا )
    .... ---> انا باقص الكلا .... الكلام يعني


    ودي راكبه في الحوار ده ...


    يبقى معنى الجمله دي ------


    المراره لما تجيلك .. هات جني ( نمبر وان ) .. عشان يطلع جبال
    الألب ... ويجيبلك قرنفلايه


    خلصنا الامتحان بالصلا عالنبي ......


    الجنيرال



  2. افتراضي

    ههههههه جميله يا جنيرال
    لو دا الاعراب مكنش حد غلب

  3. افتراضي

    دا منهج العربي بتاع سنه 3000 امتحان الثانويه العامه

  4. افتراضي

    جامدة يا جينيرال
    شكرا
    بس بما انك طلعت مدرس عربى قد الدنيا اعرب:-
    طلعت يا محلا نورها وانت عارف الباقى




  5. Smile فريد نوعه

    مشكور ياريت تجاى تدى درس للعيال

المواضيع المتشابهه

  1. كتاب البيان والتبيين
    بواسطة كنوز في المنتدى منتدى العلم والثقافة والمعلومات العامة
    مشاركات: 0
    آخر مشاركة: 18 - 02 - 2011, 06:23 PM
  2. البيان القيثاري
    بواسطة كنوز في المنتدى منتدى العلم والثقافة والمعلومات العامة
    مشاركات: 0
    آخر مشاركة: 18 - 02 - 2011, 06:22 PM
  3. علم البيان
    بواسطة كنوز في المنتدى منتدى العلم والثقافة والمعلومات العامة
    مشاركات: 0
    آخر مشاركة: 18 - 02 - 2011, 06:22 PM
  4. البيان الرسمي
    بواسطة كنوز في المنتدى منتدى العلم والثقافة والمعلومات العامة
    مشاركات: 0
    آخر مشاركة: 18 - 02 - 2011, 06:21 PM
  5. تلاعب فى نتيجة امتحان
    بواسطة king man في المنتدى منتدى القانون
    مشاركات: 1
    آخر مشاركة: 26 - 06 - 2010, 04:17 PM