نداء عاجل إلى كل زوج وزوجة

  1. افتراضي نداء عاجل إلى كل زوج وزوجة

    *** دعوة إلى000 المتزوجين حالياً00 ومش مرتاحين فى الجواز00

    *** دعوة إلى 000إلى المقبلين على الزواج00 ومسيرهم يتحولوا

    برضه إلى أزواج مش مرتاحين ف الجواز



    الحياة الزوجية 00 مش لعبة00يعنى لازم تنجحوا00 وتستمروا00

    بس ف الأول00 لازم (( تتسلحوا )) بالأسلحة المناسبة لإنجاح الزواج00

    أنا فكرت 00 ولقيت شوية (( أسلحة )) بسيطة 00 ضد المشاكل الزوجية00

    بس مليش دعوة00 لو حد منكم إستخدم الحاجات دى إستخدام خاطىء00


    للأزواج فقط :

    1- عدسات ( مكبرة ) لزوم رؤية مزايا زوجتك ( اللى موجودة وإنت اللى مش شايفها )

    2- عدسات ( مصغرة ) لزوم عدم رؤية مزايا 00 صديقة زوجتك00 أو زوجة صديقك00

    3- سدادات للأذن 00 لزوم عدم الإستماع إلى رأى والدتك00 فى زوجتك00

    4- حبوب التواضع00 لزوم عدم الفرعنة والتعالى على الغلبانة اللى إنت إتجوزتها

    لمجرد إن إنت الراجل وهى الست

    5- كاسيت صغير00 تسجل عليه كام كلمة حنينة لزوجتك00 اللى نسيت صوتك00

    بعد إصابتك بحالة الخرس الزوجى الشهيرة 00

    6- أدوية لتنشيط ذاكرتك00 لزوم عدم نسيان الكذبة اللى كذبتها إمبارح على مراتك

    بشأن سبب عودتك إلى البيت00 وش الفجر00


    للزوجات فقط :

    1- أدوية لهضم أكاذيب زوجك00 بشأن رواياته المتضاربة عن سبب سهره اليومى

    بره البيت

    2- أدوية للإستعباط00 لزوم التظاهر بإنك لم تكتشفى آثار الروج ورائحة البرفان

    الحريمى على ملابس زوجك اللى لسه راجع من المستشفى متأخر علشان كان مع

    صاحبه اللى حصلت له حادثة مرورية00

    3- عدسات وردية00 تهديها لحماتك00 لزوم رؤيتها لكى00 بعيون حيادية غير ناقدة00

    4- أدوية للذاكرة00 تهديها لحماتك برضه00 لزوم تذكيرها بأنها كانت يوماً ما00

    زوجة إبن00 طهقانة من تدخلات حماتها00



    اللى تنجح معاه الطريقة دى00 يقوللى ميرسى00

    واللى ماتنجحش معاه00 ييجى لى بعد عودتى من رحلتى إلى القطب الشمالى

    بعد تسعين سنة من الآن000

    ::
    ::
    ::
    ::
    ::
    ::

    م ق ت ب س

  2. افتراضي

    الموضوع ظريف
    بس انت كدة سودتها فى وش الغير متزوجين من كتر الاسلحة اللى هيخشوا بيها الحرب
    عفوا اصدى هيتجوزوا بيها


  3. افتراضي

    [align=center]فاكر كلمه محمد سعد فى الفلم(هو انا هحارب لوحدى)
    كل دى اسلحه ينهار ابيض
    بس تعرف مميز الموضوع ده شكرا على زوقك الاختيار[/align]

  4. افتراضي

    واد يا فرعون انت نويت تتجوز ولا حاجة

  5. افتراضي

    انا فكرت في سلاح تاني فعال عارف ايه هو مسدس تضرب بيه نفسك وترتاح

  6. افتراضي

    انا كنت بهزر لكن خير سلاح هو الالتزام بالسنة النبوية الشريفة



  7. افتراضي

    بس انا بحاول اخليكوا مستعدين
    وبعدين 6 اسلحه للراجل و4للانثى مش كتير

المواضيع المتشابهه

  1. عاجل عاجل استشارة طبية في الذكورة والعقم
    بواسطة محمداحمد في المنتدى منتدى الطب
    مشاركات: 0
    آخر مشاركة: 20 - 04 - 2011, 06:31 PM
  2. ثرثرة تليفونية بين هنية وسنية
    بواسطة ايمن عجور في المنتدى منتدى الشعر و الخواطر
    مشاركات: 0
    آخر مشاركة: 11 - 03 - 2011, 10:08 PM
  3. نداء الخلود
    بواسطة محمد عثمان في المنتدى منتدى الشعر و الخواطر
    مشاركات: 6
    آخر مشاركة: 24 - 08 - 2010, 12:32 AM
  4. نداء ام
    بواسطة فهلة في المنتدى منتدى الطب
    مشاركات: 0
    آخر مشاركة: 29 - 05 - 2010, 05:48 PM
  5. نداء الى الانسانية
    بواسطة حبيببة2007 في المنتدى منتدى الشعر و الخواطر
    مشاركات: 4
    آخر مشاركة: 02 - 06 - 2007, 10:38 PM