سلامات يامعلم

  1. افتراضي سلامات يامعلم



    رسالة رايحة..
    ورسالة جاية..
    والقلب طاير..
    والدنيا حلوة..
    والهوا طير..
    كل الستاير..
    قالتلي صورتك جميلة..
    قولتلها كان عيد ميلادي..
    والدنيا برد أواخر يناير..
    والأمورة دي حضرتك..
    قالتلي دي أول مرة..
    أسيب شعري حر كده..
    من غير ضفاير..
    إنت باين عليك ابن حلال..
    قولتلها أوي والله..
    وخجول جداً..
    لا قهوة ولا شاي ولا سجاير..
    خريج علوم قسم كيميا..
    وبشتغل ف التنسيق الحضاري..
    وعندي وصلة دش ونت..
    شركة مع كل العماير..
    قالتلي أنا زراعة قسم حشرات..
    وموظفة ف الشهر العقاري..
    طول النهار أختم توكيلات..
    معظمها للبيع وللمحامي..
    مصر كلها ف المحاكم..
    ومفيش ضماير..
    قلتلها عاملة إيه..
    مع الزحمة والناس..
    قالتلي باخد توك توك..
    وأكمل بميكروباص..
    وكل ما أرسم قمر..
    يطلع يا دوب شوية دواير..
    إحنا خمسة أخوات..
    ولد علي أربع بنات..
    أمي عايشة..
    وأبويا مات..
    والموت علينا حق..
    وده كاس وداير..
    قلتلها يعني يتيمة زيي..
    أنا أبويا وأمي ماتوا..
    وسابوا الستر..
    وبطاقة تموين..
    ونص فدان مانجة..
    من تلاتين سنة..
    لسه بشاير..
    قالتلي مش عارفة ليه..
    ارتحتلك وفتحتلك قلبي..
    قولتلها وأنا كمان..
    ولسة ها قولها أنا حبيتك..
    النت فصل يا معلم..
    ولاقيتني ف الهوا..
    أنا وروحي..
    وبطاقة التموين..
    وشوية زراير..


    بصراحه عجبنى الحوار ده جدا ً

    كام مره حصل ليكم الموقف ده



    [URL]http://www.almasry-alyoum.com/article2.aspx?ArticleID=178718[/URL]
    كتب الموضوع الاصلى على سلامة ١٦/٩/٢٠٠٨

  2. افتراضي

    لما توصل النت مرة ثانية كملها عشانها قصة جميلة

  3. افتراضي

    ههههههههههههههههههههه
    جميل جدا يا هيرو والله

    على راي هنادي كمل الحوار لما يجي النت تاني

  4. افتراضي

    انتم ادرى الناس : هوه اللى بيروح بيرجع تانى
    وبعدين هوه شكله موصل من سايبر
    هههههههههههههههههههههههههههههههههههههههه

    بس مش انا والله اللى حصل معايا كده
    Febe ، هنادى شكرا على ردودكم اللى زادت الموضوع جمال

  5. افتراضي

    روعه الحوار ده احسن حاجه فيه ان كل واحد فيهم وظيفته ملهاش اى علاقة بشغله وده واقع وبيحصل كتير

المواضيع المتشابهه

  1. شلالات روعة
    بواسطة More في المنتدى خلفيات و صور طبيعيه
    مشاركات: 0
    آخر مشاركة: 15 - 06 - 2011, 03:03 PM
  2. صور شلالات اجواسو
    بواسطة More في المنتدى خلفيات و صور طبيعيه
    مشاركات: 0
    آخر مشاركة: 15 - 06 - 2011, 02:35 PM
  3. صور شلالات نياجرا
    بواسطة More في المنتدى خلفيات و صور طبيعيه
    مشاركات: 0
    آخر مشاركة: 15 - 06 - 2011, 09:05 AM
  4. صور شلالات جميلة جدا روعة طبيعية رائعة
    بواسطة More في المنتدى خلفيات و صور طبيعيه
    مشاركات: 1
    آخر مشاركة: 26 - 10 - 2010, 12:58 PM
  5. صور شلالات
    بواسطة hero80 في المنتدى خلفيات و صور طبيعيه
    مشاركات: 13
    آخر مشاركة: 20 - 11 - 2008, 12:14 PM