تصرفات غريبه كلنا بنعملها

  1. افتراضي تصرفات غريبه كلنا بنعملها

    تصرفات تلقائيه غريبه محدش فكر فيها ليه كلنا بنعملها .... ليه

    ليه لما نيجى نمشى فى المطر لظروف إستثنائية بنروح رافعين أكتافنا لفوق ؟ هاتعمل إيه يعنى

    ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة ؟

    ليه لما بتكون بطارية الريموت شبه فاضية ، بنضغط على الزراير جامد ؟

    ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟

    ليه بنقول هدية مجانية ..؟ مش المفروض إن الهدية تكون مجانية؟

    ليه لما نكون جوه المنزل والسماء بتمطر بنسأل هو الجو بيمطر بره ؟ هى عمرها مطرت جوه!!

    ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟

    ليه الخدمة بتكون سريعة لما المطعم يكون مزدحم أكتر من لما يكون نص نص ؟

    ليه لما الواحد بيركن السيارة فى موقف فاضى اللى جاى وراك بيركن جنبك ؟

    ليه دايما لما حد بيجري يلحق الأتوبيس تلاقيه مبتسم أو بيضحك ؟

    ليه بنفتكر إن لما ندوس على زرار الأسانسير كتير هاييجى بسرعة ؟
    أو مثلا ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود ؟

    ليه وإحنا بنأكل الطفل الصغير فى فمه بالملعقة .. بنفتح فمنا ؟

    ليه دايما عندنا إستعداد تام إننا نصدق أى حد بيكلمنا فى ودانا .. بيوشوشنا ؟

    ليه لما بنتصل بالتليفون .. دايما النمر الغلط مابتكونش مشغولة ؟
    وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة أو حتى أرقام الكيبورد ؟
    وبمناسبة التليفون ليه لما واحد يعطيك رقم تليفونه بيقوله بسرعة ؟
    وليه عمرنا ماإستمتعنا بالموسيقى فى التليفون لما نكون على الإنتظار ؟

    ليه لما بنصحى من النوم دايما بنحس إن كمية النوم ناقصها عشر دقايق ؟

    ليه الشخص اللى بيشخر وهو نايم دايما بينام الأول ؟

  2. افتراضي

    [align=center]ليه الشخص اللى بيشخر وهو نايم دايما بينام الأول ؟


    علشان يزعج الى نايم جانبه ويخليه ما يعرفش ينام هههههههههه



    على فكره يا زيروووو موضوع هايل جدا بس للاسف مش انته اول واحد بعته الموضوع ده متكرر[/align]


المواضيع المتشابهه

  1. الفتاة التي وقعنا كلنا في حبها
    بواسطة febe في المنتدى منتدى الرومانسيه
    مشاركات: 6
    آخر مشاركة: 13 - 09 - 2007, 11:59 AM
  2. لماذا كلنا مظاليم
    بواسطة صدام حلبسة في المنتدى منتدى الرومانسيه
    مشاركات: 6
    آخر مشاركة: 13 - 08 - 2007, 11:57 AM
  3. تصرفات الرجل اذا كان معجب !!
    بواسطة Kenz في المنتدى منتدى المرأه
    مشاركات: 1
    آخر مشاركة: 29 - 10 - 2006, 03:44 AM
  4. خمسة أشياء كلنا نريدها و نحاول الحصول عليها
    بواسطة الجنيرال في المنتدى المنتدى الاسلامى
    مشاركات: 4
    آخر مشاركة: 11 - 10 - 2006, 09:14 AM