الحكاية ببساطه

حصلتلى انا شخصيا ..

روحت اتبرع بالدم لواحد من جيرانا امبارح .. هتقولولى وايه يعنى



استنوا عليا بس .



سيبنا من التبرع ومن الدم و اوصفلكم اللى حصل بالظبط

اولا مقابله زى وشهم كله مكشر فى وشك ويديك احساس انك جاى تشحت منهم وبتتطفل عليهم وتقولهم والنبى أدونى حاجه لله . بأسلوب قذر جداً وطريقه مستفزه . وزق بالأيد وطبعاً ما ننساش الكوسة ليها عامل اساسى فى المهزله اللى انا شوفتها . حاجه تكسف

بقى الناس جايه من بلاد الله القريب والبعيد علشان يتبرع واللى معاه حاله فى الطوارئ واللى معاه حالة نزيف . وحالات كتير جداً وظروف اصعب .

وبيستغلوا طيبة الناس واسمح لنفسى اقول ساذجتهم فى استهلاك الموقف معاهم
والأمر من كده تيجى الست الحكيمة اللى محسسه الناس انها صاحبة البنك الدولى تجيب عسكرى شرطه علشان يطرد الناس ويزقهم طبعاً ولا عمل حاجه
كل ده بحجة اننا معندناش أدب ولا ذوق .:a136[1]:


وفى كل ده :

** يجى واحد بجلابيه واسعه وياخد فى الجيب الواسع كيسين دم ( اصله كان عنده حموضه ).......

** قالوا بالدور .. تيجى حكيمه تانيه معاها اكتر من عشرين واحد يتبرعوا تدخلهم والى عليهم الدور راحت عليهم .. يا جماعه مش انتم قولتم ان فيه دور قالوا ايه بقى ان احنا شغالين لحد 9 صباحاً .. شوفوا والنبى التهريج

بقى اللى عنده حالة نزيف فى الطوارئ يستنى للصبح بأمر الست
ده كوم و نظافة المكان كوم تانى اقدر اقول ينفع عيادة بيطريه بكل قوه مش بنك دم بيدخله بشر

**** انا اتبرعت كتير لأول مره احس بألم

فكرت انى اشوف حد كبير للجزاره دى لاقيت ان اصلا لو فيه كبير كان كل الأمور مشت تمام ..
بغض النظر عن اللى انا عملته بعد كده بسبب اسلوبهم فى الكلام ..
انا متغاظ جداً جداً
لازم يكون فيه تلوث ولازم فيه ناس تموت ولازم فيه ناس يتنقلها دم غلط ولازم احنا كمان نسكت علشان أبله سهير متقولش علينا معندناش أدب

الأبطال هما :
الست الحكيمه مديره البنك الدولى سهير
الست الحكيمة بتاع العشرين واحد مس جيهان
الحاج منظم الكوسه عم فتوح

وانا كمان ضحية أبرة الست سهير

هحاول اجيب صور ليكم او فيديو يدعم الكلام ده ربنا يقدرنى ..

اعزرونى فى اسلوبى فى الكتابه انا اصلا مليش فى الأنشاء خالص .


واللى عنده حل يقوله


أه نسيت اقول المكان بنك الدم بمستشفى جامعة طنطا الطوارئ