*****الحب والتمثيل*****

  1. افتراضي *****الحب والتمثيل*****


    إنتى البنت إللى فى خيالى نفس الشعر و نفس العينين و نفس الجسم و..." دى أول جملة الولاد بيقولوها للبنات فى بداية إشتغالاتهم لبعض و طبعا بيكون رد البنات "إنت فارس أحلامى ناقصك حصان و خوذة و تبقى صورة طبق الأصل للواد إللى باحلم بيه" الحياة بتفضل طبيعية لمدة شهر تقريبا فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه و البنت بتسرح شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من التانى .. الولد بيرجع للكورة و لعب الاستيميشن و قعدة القهوة و البنت بترجع لصاحباتها و النميمة و الفرجة على التليفزيون و الرقص فى أوضة النوم و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول" ، السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد بقى بينقى الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه مابقتش تشرب غير قهوة سادة زى اليوم الإسود إللى مش هيعدى ، العيوب إللى كانت مستخبيه كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه بعد ما كان الواد بيقولها إنه عارف إن مشكلته انه عصبى و هى ترد عليه مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد مش هيسكت و البنت هاترجع رابطة عينيها و الولد هيرجع مجبس رجله و بعدين هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى الحادثة إللى فاتت بتضطر تاكل و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل فى وشه السكة ، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ، المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها

  2. افتراضي

    انتى شايفة كدة عشان ممكن يكون حصل معاكى نفس الموضوع
    بس انتى ماتعرفيش ان فى حب بجد
    واكتر الناس بيتزوجو بنفس الطريقة
    ويكون بيحبو بعض حب انتى ماتتصورهوش

  3. افتراضي

    [poem= font="Simplified Arabic,4,darkred,normal,normal" bkcolor="white" bkimage="" border="inset,10,firebrick" type=IMG line=IMG align=center use=ex num="IMG,black"]
    [align=center]ريم..مش عايز اقولك انه موضوع اكتر من رائع بجد كنت مستنى حد يعمل الحركه دى ومن هنا ومن بعد موضوع الاخت ريم اتمنى اننا نطرح السؤال ده
    ما اهى الاسباب اللتى تجعل اتنين من عصافير الكناريا الى جولد بيرج وترابيل اتش
    موضوع مهم اتمنى انى اسمع الاسباب والردود تكون مفيده[/align]
    [/poem]

  4. افتراضي

    [poem= font="Simplified Arabic,4,darkred,normal,normal" bkcolor="white" bkimage="" border="inset,10,firebrick" type=IMG line=IMG align=center use=ex num="IMG,black"]
    [align=center]ريم..مش عايز اقولك انه موضوع اكتر من رائع لا هقول انتى عضوه مميزه بمواضيعك الجاده واتمناالك المزيد بجد كنت مستنى حد يعمل الموضوع ده ومن هنا ومن بعد موضوع الاخت ريم اتمنى اننا نطرح السؤال ده
    ماهى الاسباب التى تؤدى لتحول اتنين من عصافير الكناريا الى جولد بيرج وترابيل اتش؟؟؟؟؟؟؟
    موضوع مهم اتمنى انى اسمع الاسباب والردود تكون مفيده[/align]
    [/poem]

  5. افتراضي

    [align=center]بس اعتفد ان الاسباب هيا فقدان الثقه اولا وعدم الاحترام بين الاتنين ثانيا
    دا رايى .....مجرد رائ ياترى ايه ارائكم[/align]

  6. افتراضي

    التمثيل نتيجه اكتر من كده وبعدين الانسان عندما يكتشف كذب الاخرين يشك فى اى تصرف يقومون به تجاههم
    هى من الاساس هما الاتنين مش عارفين عايزين ايه من بعض

    ملحوظه:
    اجمل رد على الموضوع
    رد كينز مرتين (لا تعليق)
    الفرعون العاشق

  7. افتراضي

    يا اختي ما بني علي باطل فهو باطل اذا بدات العلاقة بين الشاب والفتاة بالتملق والتمسك بالمظاهر فلابد ان تنتهي هذه النهاية الماسوية وطبعا لا يصح ان نتهم الحب بتلك الافتراءات اللى قولتيها لان ده مش صحيح واؤيد اخي الفرعون فى رايه عن كينز وبقوله حرام عليك كل ماادحل صفحه الاقي الصوره الكريمة


  8. افتراضي

    ارجو اختيار الالفاظ فى الكتابة والكتابى بالغة العربية الفصحى

المواضيع المتشابهه

  1. ياملك الحب الحب جننى
    بواسطة ايمن عجور في المنتدى منتدى الشعر و الخواطر
    مشاركات: 10
    آخر مشاركة: 07 - 05 - 2014, 08:54 PM
  2. الحب وش عرفنا عن الحب
    بواسطة فقوش العرب في المنتدى منتدى الشعر و الخواطر
    مشاركات: 1
    آخر مشاركة: 23 - 01 - 2013, 07:15 AM
  3. في زمن الحب
    بواسطة بكاء الياسمين في المنتدى منتدى الشعر و الخواطر
    مشاركات: 4
    آخر مشاركة: 22 - 04 - 2010, 02:02 PM
  4. موسوعة الحب الجزء التانى سكرات الحب
    بواسطة Aya Essam في المنتدى منتدى الرومانسيه
    مشاركات: 0
    آخر مشاركة: 19 - 10 - 2007, 05:20 PM
  5. موسوعة الحب الجزء الاول اسير الحب
    بواسطة Aya Essam في المنتدى منتدى الرومانسيه
    مشاركات: 0
    آخر مشاركة: 19 - 10 - 2007, 05:19 PM