*¨®¨*جمهورية مصر الاسلاميه العربيه*¨®¨*

  1. Lightbulb *¨®¨*جمهورية مصر الاسلاميه العربيه*¨®¨*

    [align=center][glow=#0000FF][align=center]~*¤ô§ô¤*~جمهورية مصر الاسلاميه العربيه~*¤ô§ô¤*~[/align][/glow]
    ملحوظه*** يسمح بدخول اصحاب العقول البناءه فقط ولا للتهاون فى الرد

    اهدى اليكم احبابى اكثر مواضيعى اشغالا لوقتى وتفكيرى
    ماذا بعد كلنا نعلم اننا مهانون على هذه الارض الطيبه (مصر)
    كلنا نعلم انه انتشر الفساد وفى الوقت الذى يجب ان نتقدم فيه.. نتخلف ونتخلف
    كلنا يعلم ان بلدنا الطيب باهلها تنهب خيراتها وتجف مصادر رزق اهلها
    هما مين دول
    السياسيون المتخفون وراء الاسماء البراقه والتى انخدعنا بها وسرنا ورائها
    الفاسدون من رجال الاعمال والوزراء
    الحكوميه الطاغيه والحزب الوطنى الدكتاتورى (لوتحدثنا بالحقائق)

    اخى واختى فى الله
    كلنا نذهب للمصالح الحكوميه كل يوم لاداء بعض المصالح ونحن نرى ماذا يحدث كلنا يرى اشياءا غير طبيعيه تحدث ونكاد يشل تفكيرنا (ونتسال هوا فى ايه؟) روتين غبى اعمى وبلد تتخلف تعتمد فقط على الطوابع والاختام شئ (لايسر عدو ولا حبيب)نحن نرى اشياء تهزم فينا الطموح والاجتهاد انا مثلا استعجب من رصف شارع ولايمر يومان على الرصف والانتهاء منه وتراهم ياتو ليحفروا وكانهم ينقبون على بترول بداعى (احنا مصلحه الكهربا)اخاف ان ياتى اليوم ويقال لنا (احنا مصلحه الصرف الصحى بندور على عقولكم!!)

    هذا مثل حى عما نراه كل يوم ..واليكم ما اريده !!
    احكى لنا موقف تعرضت له او اشياء لا تعجبك من قبل الحكومه الطاغيه وفسادها ولكن اريد منك الحل فلا تغضب ولا تثور من شئ الا اذا كان لديك الحل وتاكد اننا جميعا شنتناقش فى الحل وتاكد اننا عندما نجد الحل سنكون قد بنينا جزء فى بلد طيب وشعب طيب واعى

    [glow=#FFCC00]هذا ما تمنيته طوال حياتى
    ان اعيش فى امريكا اسلاميه على ارض طاهره عربيه
    ولا سيما ان تكون مصريه اسلاميه[/glow]


    لو لسه عندك لسان..
    اتكلم ومتلعنش الزمان..
    [/align]

  2. افتراضي

    الروتين خانقنا في كل مكان


    بس بصراحة يا احمد انا مش لاقي حاجة ذيادة اقولها

    وبعدين محبش اقول حلول وهمية منقدرش نقوم بيها

    علي العموم العيب مش في الموظف واللي فوقيه ماملكش غير اني ادعي عليهم

    لو حد عنده حل تاني يقول

    بس ياريت يكون واقعي

    وانا هحييه حتي لو الحل ده ممكن تطبيقه بعد 10IMG سنة





    ولو اني شايف ان المشكلة مش هتتحل الا بانصلاح حال الناس وانا لا املك الا البدء بنفسي واللي بعدي وده الله اعلم ممكن ياخد اد ايه علي ما الناس كلها ينصلح حالها

  3. افتراضي

    اشكرك على الرد ولكن كنت اتمنى ان تحكى موقف

    مع العلم انك تتكلم من دوله غير مصر يعنى مريت ولفيت ودخت السبع دوخات عشان تخلص البسبور بتاعك

    اكيد فى مواقف حصلت

    شكرا لردك

    ****تنبيه لو كل الردود هتبقى كده مش عايز حد يرد خالص*****

  4. افتراضي

    ههههههههه


    ومين قالك ان الروتين موجود في مصر بس


    يا حبيبي انت عايش في نعمة مانتاش حاسس بيها


    مبقولش اني راضي


    بس احنا احسن بكتيييييييييييييييييييييير من ناس كتييييييييييييييييييييييييييييييير

  5. افتراضي

    [align=center]تحية وسلام الى أخي العزيز كنز وتحية أخرى على رد الأستاذ احمد
    بخصوص الروتين انا هاحكي موقف صغير جداً حصلي انا كنت في معهد نظم معلومات المهم المعهد ده اربع سنين انا حبيت ومصاريفه حوالي 3 الاف جنيه في السنة انا لقيت الموضوع كبير ومكلف المهم قررت بعد أول سنة اني اسيبه وانا سني عدى الجيش يعني المفروض بعد ما اسيب المعهد اروح اتقم لمنطقة التجنيد المهم لما رحت مكتب التعبئة عرفته الوضع وقلتله ايه لمطلوب مني قالي هات ما يثبت انك كنت في المعهد قلتله ايه يعني قالي جواب فصل المهم رحت المعهد وطلبت منهم جواب الفصل بعد ما دفعت باقي مصاريف السنة والراجل متأخرش عملي جواب يفيد اني اتفصلت من المعهد يوم كذا وتاريخ كذا وكنت مقيد من سنة كذا الى كذا وختمه بشعار المعهد والناظر عميد المعهد ) راح ماضي عليه قلت في نفسي يا سلام ولله الدنيا لسة بخير روتين ايه اللي كنت حامل همه ورحت يا حاج اعمل الأوراق وهنا العجب مكتب التعبئة خلصلي الورق في وقت خرافي انا استغربتله لدرجة اني مكنتش مصدق اللي بيقول ان مكتب التجنيد ممل المهم بدات المعركة الحقيقية بعد ما رحت منطقة التجنيد الأول على الصبح كده دفعونا كل واحد 5 جنيه وفرقو بالخمسة جنيه دي واحد عبوة كانز وقرصتين (خشب مبتتبلعش خالص )وقلم وماكينة حلاقة المهم الموضوع ده كله كان يكفيه لو هاشتريه من بره حوالي 3 جنيه بس بقى عادي ادفع وخلص خلينا نخلص (نسيت أقلكو على حاجة واحد من اللي دالين رفض يدفع بحجة انه ماعهوش فلوس مقلوش بقى على اللي حصله احنا سمعنا طرقعة وضرب وشتيمه بصينا على الصوت لقينا صاحبنا ده اللي بينضرب والفلوس طلعت كسير السيف في الماء - هل ده قانوني - عادي بقى نكمل الحكاية ) وقعدونا في مكان علشان ناكل اللي خدناه شوية وقالو كل واحد يطلع 7 جنيه ليه ياسيدي قالو تصوير ورق الكل استغرب لكن الكل دفع ورحنا صورنا الورق دخلنا على أول كشف وتسليم الورق بتروح تدي الورق للي قاعد ويتم قياس الطول وتروح للمرحلة التانية سلمت الورق وعت المرحلةدي بسلام وطولي طلع 170 فرحت لأني كنت فاكر نفسي قصر المهم في المرحلة التانية وي مراجعة الأوراق انتده أسمي افندم رحت اشوف يمكن عرفو اني ليه نشاط سياسي لكن لقت الموضوع غير كده لقيته بيقولي ورقة الفصل دي مش نافعه ينهار الون ليه ياعم قالي هاتلي فيها تاريخ الفصل وسبب الفصل وقالي خد واجري علشان تلحق وقتك طلعت من طنطا على المنصورة وانا مكنتش نمت اتهد حيلي وصلت للمعهد وقلته على اللي حصل الراجل اتجنن لأنه كاتب كل اللي قايلين عليه ده المهم عملي واحدة تانية ورحت تاني يوم ومريت برضه بنفس المراحل اللي فاتت لكن المرة دي مع دفعة غير دفعة بلدي وصلت لنفس النقطة اللي وقفت عندها المرة اللي فاتت وبرضه قالي نفس الكلام ورفض الورق ساعتها انا زهقت جداً المهم خرجت وانا قايل اني مش هاقدم الورق في اي حتة وهاقطعه مهونش عليا غير صديق من تونس اتصل بيا ساعتها المهم رجعت المنصورة تاني قالي تاني لكن المرة دي معمليش حاجة لأن فعلاً مكنش فيه حاجة تاني تتعمل عديت يومين ورجعت منطقة التجنيد تاني طلعت لقائد التجنيد وهو أكبر راس هناك حكيتله قالس فعلاً لازم تعمل الورقة زي ما بيقولو نزلت رحت الإستعلامات وقلتله الراجل بصلي بقرف كده وقالي هاتلي ورقة فاضية وانا اخلصلك الموضوع ده انا مصدقتس رحت اشتري الورقة لقيت العسكري طلع جدع وادهاني مجاناً قلت ياه او مواطن ياخد حاجة بلاش من منطقة التجنيد ورحت الاستعلامات تاني الراجل عمل بالضبط اللي هاوصفه شد خط في اعلى يمين الصفحة صغير وتحت الخط ده شد حوالي 4 خطوط بعرض الصفحة تحت بعض وتحتهم على الشمال عمل دايرة صغير وكتب تحتها شعار الجمهورية انا افتكرته بيسطرها علشان يكتب حاجة لقيته بيدهالي قلتله اروح اقدمها (مانا اهبل بقى ) قالي تقدمها انت هاتهزر معايه اعمل زيها متمالكتش اعصابي ساعتها وقلتله لفظ ماقدرش اكرره تاني وسيبته ومشيت قعدت افكر اعمل ايه المهم جاتلي فكرة مجنونة بس انا قلت ولله لأعملها واللي يحصل يحصل لو حتى فيها سجن او اعتقال سألت عسكري من بتوع الأمن اعمل ايه علشان اخرج دواعي امنية قالي روح اسأل امن الوحدة رحت للأمن قلتله انا عايز اعمل دواعي امنية بصلي باستغراب كده وقالي انت عارف انت بتقول ايه قلتله ايوة قالي ليه بقى عايز تعمل دواعي امنية قلتله انا كنت ملتحي قبل ما أجي على طول وحلقت دقني علشان الجيش وكمان انا ليه نشاط سياسي في حزب العمل ( المجمد حالياً من الحكومة) قالي انت اعتقلت قبل كده قلتله لأ قالي طيب ليك قضايا او ترددت على أمن الدولة قلتله لأ قالي يبقى مينفعش بيني وبينك انا كنت هافقد اعصابي لكن برضه رحت للسكرتارية وسألتهم قالي الورقة اللي معاك دي لازمها ختم شعار الجمهورية قلتله طيب ومقلتوش كدة من الأول ليه ودار بيني وبينه مشادة وجابلي احد العساكر وخرجني بالعافية سألت المعهد عبر اتصال هاتفي عن الختم موجود ولا لأ قالي الختم موجود في وزارة التعليم العالي بس في القاهرة قررت اني اروح اختمها علشان اخلص رحت وهناك وصلت الوزارة قالي روح مش فاكر اسم المكتب بالضبط لكن مشيت مشوار صغير تاني وصلت وطلعت اتمها ملقيتش الموظف على مكتبه عادي فوت دي استنين على ما جنابه شرف قلتله انا عايز اختم الورقة دي قالي انت تبع معهد ايه قلتله النيل قالي انت نحت ولا شقطت قلته انا محضرتش امتحانات الترم التاني قالي يعني ساقط قلتله اكيد بص في ورقة النتيجة وقالي اه صح هات الورقة قراها وقالي يابني انت جاي تختم ايه اللي بيتحتم اثبات القيد بس قلت في سري اهلاً هو انت كمان قلتله انا بقى مش هامشي الا اما اختمها اتصرف او اكتبلي الصيغة المطلوبة بالضبط او اي حاجة انا زهقت الراجل طلع جدع وكلم السكرتير في المعهد من تليفونه الخاص وقاله انت باعتلي ايه تختمه هو ده كلام وهزأه وقالي روحله هايعملك الازم رحت المنصورة تاني قعد يزعق والآخر قالي انا هاعملهالك والنور كان مقطوع قالي تعالى بكرة رحت بكرة العميد مكنش موجود قالي تعالى تاني يوم في اليوم ده انا قلت برضه اسأل في منطقة التجنيد على اثبات القيد ينفع ولا لأ قالي لازم جواب فصل بدون ما يشير الى اي توضيح قلتله ماشي انا هاعمل اللازم رحت البيت خت ورق المعهد ورحت المنصورة تاني قلتله الورقة خلصت قالي اقعد هاخلصهالك قلته لأ الغيها انا هارجع تاني الراجل استغرب قلتله خلاص انا زهقت وحلفت اني مش رايح الجيش ده وبس.


    رجعت المعهد ولسة في انتظار بدأ العام الدراسي الجديد
    واعتذر على الإطالة
    [/align]


  6. افتراضي

    انا معاك وفعلاً انا مقدمتش اي اقتراح لأني انا كنت عايز اكتب اقتراح شامل لكن انا هاقول رأي بسيط التغيير او الإقتراحات انا رأيي ان النظام الحاكم لابد ان يتغير وفعلاً يكون نظام ديموقراطي فعلاً مش نظام الحزب الوطني وكمان انا رأيي ان نظام الإدارة اللامركزية هو الأفضل في ادراة البلد

  7. افتراضي

    رغم اطالتك فى الرد لكنى اندمجت فعلا فى هذا الروتين وتخيلت نفسى مكانك كنت ممكن اعمل جريمه قتل

    المشكله اننا بنتسرق فى العلن يعنى الموظف ده بيمد ايده فى جيبى وجيبك لا وانا اللى بقوله خد اللى انت عايزه

    دى تبقى متهونه لو معرفش اهو اسمها (بتقنطر وخلاص) لكن كده ذل على حق

    الغريب يا محمود انك بتتعامل فى الرحله بتاعة الجيش دى مع ناس اقل منك تعليم يدوب بيفكر الخط كده بالعافيه لكن مهان مهان

    انتظر المزيد بفارغ الصبر يا جماعه

    لو حد عنده مشكله مع التليفونات حته يقول يتكلم بدل ما يفضل يكتم وفى الاخر يفرقع

    انبه مره اخرى الدخول لاصحاب العقول البناءه والواعيه

  8. Angry

    سيدي الفاضل انا من كتر اللي حصل مش عارف احكي ايه ولا ايه لكن شوفو الفيديو عن واحد متهم وابقو قولوا رأيكم

    p
    حمل من هنا

  9. افتراضي

    اقتباس المشاركة الأصلية كتبت بواسطة ahmad121212 مشاهدة المشاركة
    سيدي الفاضل انا من كتر اللي حصل مش عارف احكي ايه ولا ايه لكن شوفو الفيديو عن واحد متهم يتم ضربه في القسم وسط الضحكات وابقو قولوا رأيكم؟؟؟؟؟؟؟؟؟؟؟؟؟؟؟؟


    حمل من هنا

المواضيع المتشابهه

  1. ما هي عاصمة المملكة العربيه السعودية ؟
    بواسطة Mero في المنتدى منتدى العلم والثقافة والمعلومات العامة
    مشاركات: 0
    آخر مشاركة: 27 - 12 - 2012, 05:07 PM
  2. جمهورية الشيشان
    بواسطة ثقافي في المنتدى منتدى العلم والثقافة والمعلومات العامة
    مشاركات: 0
    آخر مشاركة: 15 - 10 - 2011, 01:02 PM
  3. صور مدينة جده بالمملكه العربيه السعوديه تحميل صور روعة لجدة
    بواسطة البيلسان في المنتدى منتدى الصور المتنوعة
    مشاركات: 24
    آخر مشاركة: 25 - 10 - 2009, 12:10 PM
  4. مشاركات: 7
    آخر مشاركة: 26 - 06 - 2007, 04:59 PM
  5. بعض التعريفات العربيه
    بواسطة الجنيرال في المنتدى المنتدى العام
    مشاركات: 2
    آخر مشاركة: 23 - 06 - 2006, 03:17 AM