امينه المفتريه وسى السيد الحنين

  1. Post امينه المفتريه وسى السيد الحنين

    اعتقد ان 99,9% من شعب مصر قد راى ثلاثية نجيب محفوظ الشهيرة ويحفظ عن ظهر قلب شخصية سى السيد الذى يضرب زوجته بالشوز ويروح ينضرب هو بره بنفس الشوز ولكن هل تخيل احدكم الوضع اذا كان سى السيد رجلا حنونا رقيقا شهما مع زوجته واولاده..


    انا تخيلت:


    سى السيد:

    مساء الخير يا امينة من فضلك تحضريلى الاكل عشان جاى تعبان من الشغل .

    امينة:

    اولا:اسمى ست امينة , مش امينة كده حاف.
    ثانيا:مفيش اكل لانى اتغديت فى النادى انا والعيال وانا لما بكون شبعانه مابعرفش اطبخ
    ثالثا:ياروح الروح كنت تخلى اللى انت جاى من عندها وش الفجر تعملك السم ولا انت فاكرنى خدامة يورفازر..اوفففففف

    سى السيد:

    خلاص يا ست امينة انا اسف اخر مرة اطلب اكل.
    طب ممكن تندهى العيال اسلم عليهم عشان وحشونى.

    امينة:

    عيالى ياحبيبى مابيسلموش على حد ومش فاضيين دلوقتى.البنات بتبص من الشبابيك على اللى رايح واللى جاى ,والولاد قاعدين على القهوة بيعاكسوا البنات الى رايحة واللى جاية.طلبات تانيه ياسوسو..

    سى السيد(والدمعة هتفر من عينه) :

    لا يا قويه يا مفتريه اهئ اهئ والله لابعتك عند مامتك .هه بس

    امينة:

    يامامى انا خايفة اوى,اغمن عليا ,اغمن عليا خش نام ياللا وبلاش كلام فاضى ,انا اروح لمامتى وقت مايعجبنى واللى مش عاجبه عنده القلة يشربها ويبلع بالزير...فاااهم؟؟؟



    فى اليوم التالى:

    سى السيد ينتظر فى الشباك امينة لما ترجع من مسرحيه(كشكش بيه)ويسمع صوتها اتيا من بعيد فيهرول حاملا لمبة الجاز لكى يضئ لها الطريق.

    امينة:

    ايه اللى مسهرك يا سوسو انا مش قلتلك تنام انت عشان انا هتاخر.

    سى السيد:

    معلش يا ست امينة انا قلت برضه يمكن تحتاجى حاجة كده ولا كده

    امينة:

    طيب طيب مش عايزة ابوظ الليلة بقى متوجعش دماغى ياسوسو وانا الصبح حكيلك المسرحيه كلها..اوكيه؟؟


    سى السيد:

    ربنا يخليكى ويحميكى ومايحرمنيش من دخلتك عليا الساعة واحدة بعد نص الليل يامراتى يا حبيبتى يا صايعه يا جميله.

    امينة تضحك باستهتار ثم تدخل لتنام وتصفق الباب فى وجهه


    فى اليوم اللى بعد التالى:


    امينة فى فترة المساء والسهرة مخاطبة سى السيد:


    اعمل حسابك ياسى سى,ان فى عريس جاى لعائشه بكره

    سى السيد:

    مين ياترى..لو كان يعنى من حقى اسال؟؟

    امينة:

    الواد الظابط ده اللى كانت بتعاكسه من الشباك وكان بيجيلها من وراك مش فاكره يا سى؟

    سى السيد:

    الواحد حيفتكر ايه ولا ايه يتا ست امينة على العموم لو انت شايفاه كويس خلاص الشورة شورتك.

    امينة:

    خلاص نتكل على الله ونخلى الفرح فى نفس يوم فرح خديجة

    سى السيد:

    ايه ده!هى خديجة بنتى هتتجوز؟ مبروك الف مبروك

    امينه:عقبال ولادك يا ساسو


    يوم الفرح:


    امينة تستقبل الراقصات وترحب بهن وياتى سى السيد ليمارس هوايته المحببه, ان يحاول ان يكون رجلا:

    -ايه ده ازاى مش ممكن راقصات فى بيتى.

    امينة تتجاهله تماما وتقود الراقصات الى غرف تبديل الملابس ثم تعود متجهمة الى سى السيد قائلة:


    اعمل حسابك انك بعد الفرح حتروح لمامتك لغايه ما ابعتلك العيال ياخدوك..مفهووووم؟؟؟
    علشان تبقى تقول بيتى دى تانى..رجاله اخر زمن..


    وبعد الفرح تم ترحيل سى السيد الى منزل والدته ومازال ينتظر ان تبعث له امينه بالاولاد كى يعيدوه الى بيته..



    اه لا مؤاخذه ...بيتها


  2. افتراضي

    هههههههههههههههههههههههه
    ههههههههههههههههههههه
    ههههههههههههههههه
    هههههههههههههه
    ههههههههههه
    ههههههه
    هههه
    ه


    حسبي الله ونعم الوكيل فيكن

  3. افتراضي

    [align=center]هههههههههههههههههههههههه
    ههههههههههههههههههههه
    ههههههههههههههههه
    هههههههههههههه
    ههههههههههه
    ههههههه
    هههه
    ه

    بعد ازنك يا مستر احمد الستات كلها مفتريه اصلا يا سماح يا مفتريه كل الستات كده دلوقتى يعنى ده نمودج طيب من الستات بس بصراحه موضوع هايل بجد عقبال ما يكون عندك واحده زى دى يا مستر احمد وانتى عقبال مايكون عندك سى السيد الحمش بتاع زمان يا سموحه [/align]

  4. افتراضي

    ههههههههههههههههههههههههههههههه
    كده انت بتدعى عليا ماشى بس انا اصلا هعلمه الادب

  5. افتراضي

    موضوع ظريف يا سماح
    بس تسمحي اقول رايي بيتهيالي لو انتي عندك واحد زي ده مش هتبقي سعيده معاه
    لان معظم البنات بتحلم تتجوز رااااااااااااااجل مش ؟؟؟؟؟؟؟؟؟؟؟؟؟
    وع العموم اتمني للجميع السعاده الدائمه

  6. افتراضي

    مرسى لردك يا وائل بس انا مش فاهمه يعنى ايه( مش ؟؟)
    وحدد واحد زى مين سى السيد الجديد ولا القديم؟

  7. Unhappy كلكن مفتريات

    كلكن مفتريات

    حسبنا الله ونعم الوكيل

  8. افتراضي

    هههههههههههههههههههههههه
    ههههههههههههههههههههه
    ههههههههههههههههه
    هههههههههههههه
    ههههههههههه
    ههههههه
    هههه
    ه
    حسبى الله ونعم الوكيل منك ومن الستات كلهم

  9. افتراضي

    ايه اللى انتوا بتقولوه ده
    انتوا تقدروا تعيشوا من غيرنا اصلا

المواضيع المتشابهه

  1. الجودو
    بواسطة ثقافي 2 في المنتدى منتدى العلم والثقافة والمعلومات العامة
    مشاركات: 0
    آخر مشاركة: 13 - 12 - 2012, 07:33 AM
  2. طريقة - تحضير طبطاب الجنه
    بواسطة basanota في المنتدى مطبخ ارابيا
    مشاركات: 0
    آخر مشاركة: 23 - 06 - 2012, 03:04 PM
  3. كيفية - طريقه عمل بودينج الخوه بصلصه الكراميل
    بواسطة بريتي في المنتدى مطبخ ارابيا
    مشاركات: 0
    آخر مشاركة: 18 - 05 - 2011, 06:18 PM
  4. اليويو
    بواسطة ثقافي في المنتدى منتدى العلم والثقافة والمعلومات العامة
    مشاركات: 0
    آخر مشاركة: 11 - 05 - 2011, 05:19 PM
  5. حركة الجنين
    بواسطة سماااح في المنتدى منتدى الطب
    مشاركات: 1
    آخر مشاركة: 31 - 07 - 2009, 05:50 PM