العداء بين الرجل والمراه

  1. افتراضي العداء بين الرجل والمراه

    [align=center]العداء بين الرجل والمراه له اسباب

    لقد قمت بكتابة هذا الموضوع للرد علي تساؤلات النساء وذلك لظنهم
    ان الرجال دائما ما يضطهدونهم وذلك لاني ذكرت في احد المواضيع
    ان الرجال قوامون علي النساء وقوبلت برد اخي الجنيرال اكمل
    الايه فارجوو من الجميع المشاركه وابداء رايهم بالموضوع


    اولا طبيعة المراه لا تجعلها تنافس الرجل وهذا ليس تحيزا مني ولكن لنتكلم بالدين هل من الصحيح ان تقود المراه دوله هل يمكن للمراه ان تكون قاضيا بالطبع لا دينيا لا يصح ان تمسك المراه مقاليد دوله ولا تستطيع ايضا ان تحكم او انا تكون قاضيه وذلك لان المراه مشاعر واحاسيس كثيره وقد تؤثر هذه المشاعر والاحاسيس علي حكمها وعدلها فمثلا اذا مثل امامها لص ولكن لهذا اللص اطفال ليس لهم احد يعيلهم غيره سوف يتحرك الاحساس بداخلها ويجعلها تشعر انها لو حبسته ستظلم اولاده وغيره اما طبيعة الرجل الصلابه ورزانة العقل في معظم الاحيان ولن اكذب ان المراه تستطيع ان تنافس الرجل ولكن ليس لفتره طويله او بمعني اصح عند استخدام سياسة النفس الطويل اكيد لن تصمد المراه امام الرجل لان مكوناتها الجسمانيه تؤثر عليها لقد خلقت لتكوني حنونه طيبه سوف اعطيكي سيدتي الفاضله مثالا انتي مثلا متزوجه و لديكي اطفال ولن اقول انك حامل ايضا وتعملين مثلا في مكان ما هل من الصحيح ان يترك زوجك عمله لكي يرعي الاطفال هل هذا منطقي والا اذا لما سميتي ام مصدر كلمة الام تأتي من الامومه وهي فطره في المراه ولنا في حديث رسول الله صلي الله عليه وسلم عبره فقد قال عليه الصلاة والسلام ((استوصوا بالنساء , فان المراه خلقت من ضلع , وان اعوج شيء في الضلع اعلاه , فان ذهبت تقيمه كسرته , وان تركته لم يزل اعوج فاستوصوا بالنساء))اخرجه البخاري (6/418) (3331)
    ومسلم (1468)
    ولقد اخذ احد الشعراء هذا المعني فصاغه شعرا فقال :-

    هي الضلع العوجاء لست تقيمها ****** ألا ان تقويم الضلوع انكسارها
    أتجمع ضعفا واقتدارا علي الفتي ****** أليس عجيبا ضعفها واقتدارها

    ثانيا ليس من الصحيح ان تعمل المراه في هذا الزمن الماجن هذا لفساد الاخلاق وارجو الا تقولي لي سيدتي الفاضله انا واثقه من نفسي كويس ايوه اكيد حضرتك كويسه وانسانه مهذبه ومحترمه ولكن هذا العالم كالغابه لا يعيش فيه الا الاقوي

    ثالثا ليس من المفروض ان تعمل المراه والكثير من الرجال عاطلون بل ما يجب ان يحدث انه عندما يعمل جميع الرجال ويكون هناك اماكن شاغره يمكن في هذه الحالة ان تعمل المراه مع وجود بعض التحفظات او بعض الحالات التي يجب استثناؤها من هذه القاعده مثل المراه التي تعول اولادها ولا يوجد احد يعيلهم غيرها والمراه المطلقه
    والارمله وغيرهم ممن لديهم ظروف خاصه

    ولكنكم النساء دائما ما تظنون ان الرجال يضطهدوكم في مكان وان ليس لديهم مشاكل اخري غير انهم يضروكم وهذا تفكير خاطيء منكم

    ارجوو منكم الرد علي موضوعي
    وارجو ان يتم تثبيته ايضا وشكرا


    الجنـــــــيرال[/align]

  2. افتراضي

    شكرا يا جنرال

    انا معاك في كتير من كلامك

    بس انت اسلوبك قاسي شوية (انا عارف هتقول أصل انا راجل عسكري)

    وفي رأيي ان المرأة ما هياش مخلوق مصنف درجة تانية

    ربنا فضل الرجل في أشياء والمرأة في أشياء

    وانا شايف انهم نصين لكيان ملوش ملامح من غير النص التاني

  3. افتراضي

    اخي العزيز مستر احمد انا لم اصنف المراه درجه تانيه او ثالثه وانما ذكرت ان للمراه واجبات اهم من البحث عن الذات او انها تكون ند للرجل واظن اني ذكرت انها زوجه ايضا او بمعني اخر النص الحلو في حياتنا يبقي ليه دايما بيعتقدوو اننا بنحاول نهاجمهم دا المغزي او الهدف الاول من الموضوع واسف ان كان اسلوبي قاسي ولكن كما ذكر اخي مستر احمد انا رجل عسكري

  4. Smile

    انت فهمتني غلط

    انا مقصدتش انك بتقول كدة

    انا كنت بقول رأيي في الموضوع وبدافع عن عقلية الرجل و قصدت ان الرجال لا ينظرون للمرأة كذلك

  5. افتراضي

    اخي العزيز احمد انا متقبل رايك وبكل صدر رحب وشكرا علي التوضيح وتقبل مني وافر تحياتي

    الجنـــــــــــيرال

  6. افتراضي

    انا رايى ان المراه بتشكل نصف المجتمع
    ولو على العواطف والاحاسيس فيه نساء كتير يقدروا يتحكموا فى عواطفهم
    طبعا انا مش منهم
    بس لو مثلا واحده كانت قاضيه بتكون فى حكمها اقسى من الرجل

    وكمان مش معقوله البنات طول السنه بيذاكروا ويدخلوا احسن الكليات ويطلعوا الاوائل وبعدين يقعدوا فى البيت يا ترى ده بقى العدل؟
    المراه مش مخلوقه لبيتها وبس فيه اعمال تانيه كتير ممكن تقوم بيها واتحدى اى حد يقول ان عمل المراه حرام
    مع احترامى لارائكم طبعا

  7. افتراضي

    يا نهار ابيض كل ده علشان ردى فى موضوع رايك فى المرأه ورأيك فى الرجل على العموم انا عايزة اسألك انت ازاى حطيت اسم الموضوع ده مفيش حاجه اسمها العداء بين الرجل والمرأه لان ده ميقدرش يستغنى عن دى ودى متقدرش تستغنى عن ده ولو انا غلطانه قول بص انا معاك ان المرأه مينفعش تشتغل مثلا قاضى وده انا قلته مرتين قبل كده مرة فى موضوه كان احمد كتبه عن تعين المرأه قاضى ومرة فى موضوع رأيك فى الرجل ورأيك فى المرأه بس برضه زى ما سماح قالت مش يطلع عنينا طول الفترة دى علشان ندخل كليات قمه وبعدين نقعد فى البيت جنب سى السيد بس لو فعلا الواحده معرفتش توفق بين بيتها وشغلها وده هياثر على اولاده هى مش هتستنا حد يقولها اقعدى لان هى ام قبل ما تبقى طبيبه او حتى وزيرة ومش علشان الرجاله يلاقوا فرص عمل نقعد احنا لان العمل مهم للمرأه علشان يحميها من ظلم الرجاله طبعا مش كلهم بس لو فكرت هتلاقى ان المرأه تعتبر كائن ضعيف وفى مميزات كتير بتميز الرجل عن المرأه واولها افكار المجتمع اللى بتدى للرجل حق اى حاجه فأكيد لازم العمل علشان يخلى الكائن الضعيف ده يبقى قوى افرض واحده عندها اولاد وجوزها طلقها ورماها هى واولادها واظن ده بنشوفه كتييير اوى تعمل ايه مش وقتها العمل هيكون المنقذ ليها بعد ربنا طبعا على العموم انا برضه مصممه ان مفيش عداء بين الرجل والمرأه واسف لانى طولت عليكم انتم عارفين ان الكلام الكتير اكتر ميزة للبنات

  8. افتراضي

    هرد علي سماح الاول فعلا في بنات بيقدرو يتحكموو بعواطفهم ومشاعرهم بس ده مش معناه ان الصح انهم ينفع يمسكوا منصب قاضي دا حتي ذركر في القران بالنسبه لشهادة الرجل تمثل شهاده 2 من النساء كما ذكر في كتاب الله (عسي ان تضل احداهما) مش متذكر بقيت الايه بالنص ولكني متذكر المعني لو واحده فيهم مش متذكره الاخري تفكرها

    اما بالنسبه ليكي يا اخت ساره انا سميت الموضوع العداء بين الرجل والمراه مش علشان في عداء فعلا ولكن علشان اسم يشد ويخلي الكل يهتم بقراءة الموضوع
    وفي سيدات كتييره جدا مش بتعرف توفق بين الشغل والبيت وبيترتب عليه مشاكل كتيره جدا جدا وممكن تؤدي الي الطلاق وانا مش بقول ان المراه شيء ليس له قيمه واهميه لا المراه انسان زيها زي الراجل بشر عندها عقل الحمد لله ممكن يتفوق علي
    الرجل برضه في التفكير بس المفروض نرجع الي طبيعتها الجسمانيه اللي خلقها الله سبحانه وتعالي لتكون ارحم الناس في موضوع الحمل مثلا تستطيع ان تحمل طفلها في جوفها 9 اشهر سبحان الله شوفو قد ايه رحيمه وحنونه وبتكون خايفه عليه وتحافظ عليه كويس انما الراجل استحاله يتحمل ساعه واحده بس دي حكمة ربنا والمفروض اننا مش نعترض عليها جسم السيدات لا يحتمل مشقة العمل والاعمال الصعبه يعني عمرك شوفتي واحده بتشتغل في مصنع حديد ولا المجال ده مش مجال منافسه ماهو شغل برضه واكيد للسيدات مجالات معينه ينفع تشتغل فيها وبالنسبه ليا انا لسه عند رائيي عندما يعمل الرجال نبقي ندور علي السيدات مع التحفظات التي ذكرتها سابقا علشان مش نلاقي نسبة بطلانه رهيبه جدا علشان بنعين كل بنت اموره تدخل الشركه علشان اعينها سكرتيرتي الخاصه وبالنسبه ليه انا ضاعت مني وظيفه في شركة محاسبه بسبب ان في بنت نفس المؤهل بتاعي مش عندها خلفيه بالكمبيوتر ولا اي حاجه ولا شهادات ولكن سايبه شعرها ولابسه ومتشيكه وكده طبعا انا هكون ايه جمبها علشان تعرفي الاختيار مش دايما بيكون منصف والمناصب اللي بيمسكوها كتير من الفتيات في الكليات بتكون عن طريق الواسطه او علشان بابا دكتور مش شرط انها تكون جايبه امتياز وفي كتير من اصحابنا اتضروو بسبب موضوع زي ده ضاع منهم التعين علشان بنت الدكتور والحمد لله برضه مش هنقدر نستغني عنكم ولا انتوو هتقدروو تستغنوو عننا وشكرا

    الجنــــــــــيرال

  9. افتراضي

    على فكره دلوقت يا جنيرال مش بيدوروا على واحده حلوه بيدوروا على حد معاه وسطه وبس
    انا برده عند رايى ان ممكن الواحده توفق بين شغلها وبيتها

  10. افتراضي

    اشكرك على الوضوع
    ردود ممتعه تعبر عن شخصيان ناضجه
    ولكن لى رايى الخاص بى
    انا مع سماح ان المراه نصف المجتمع مع انى معرفش مين اللى قال كده
    هناك بعض الوظائف لاتستطيع المراه القيام بها مثل القاضى وايضا الوظائف العسكريه والخاصه بالقرارات المصيريه وممكن اعدلكم من هنا لبكره
    ولكن عمل المراه الاساسى هوا مملكتها وحسن ادارتها وتنظيمها
    يعنى انا مش هتذنب لما ارجع البيت والاقى مراتى لسه جايه وهتطبخ لسه والواد هعمله الرضعه معرفتش ارضعه قدام الموظفين وعديت على السوق نسيت اجبلكك الموز وغيره وغيره وغيره..
    وعموما لما تبقى ال23 دفعه اللى اتخرجو(شباب زى الورد) تتوظف نبقى ندور على البنات ولا ايه
    لان الوظيفه الاساسيه للرجل هى العمل اما المراه تربى و و و و ولما ياستى نلاقى فيه زياده فى الوظائف (على سنة 2999احتمال ربنا يسهل)ابقى تعالى اشتغلى واسبتى نفسك وكيانك ومش عارف ايه ..ولا ايه ؟؟؟؟

المواضيع المتشابهه

  1. سرطان عنق الرحم
    بواسطة ثقافي في المنتدى منتدى العلم والثقافة والمعلومات العامة
    مشاركات: 0
    آخر مشاركة: 28 - 10 - 2011, 02:33 PM
  2. ما يحبه الرجل في المرأة، وما تحبه المرأة في الرجل
    بواسطة AHMAD ALQASIM في المنتدى المنتدى العام
    مشاركات: 7
    آخر مشاركة: 12 - 09 - 2010, 01:35 AM
  3. معلومات عن العداء المغربي هشام القروج
    بواسطة عضو عامل في المنتدى منتدى العلم والثقافة والمعلومات العامة
    مشاركات: 0
    آخر مشاركة: 24 - 05 - 2010, 03:05 PM
  4. داء بطانة الرحم
    بواسطة حسون الصغير في المنتدى منتدى الطب
    مشاركات: 7
    آخر مشاركة: 27 - 02 - 2010, 01:32 PM
  5. ما يحبه الرجل في المرأة وما تحبه المرأة في الرجل
    بواسطة AHMAD ALQASIM في المنتدى المنتدى العام
    مشاركات: 4
    آخر مشاركة: 05 - 11 - 2007, 12:15 AM